بحه بكاء

حكاية _ 4 _ 👽

نبدأ بذكر الله تعالى ﷽✨

بليز نجماتي متابعة الحساب d_.3e8
لايكاتكم وتعليقاتكم على البارت

‏"حسبُك أن الله يرى جهادك في الحياة،
يراك وأنت تعود إليه في كل مرّة، يراك
وأنت تفرّ من فِخاخ الشيطان، يراك و
أنت تشدّ لجام نفسك حتى لا تفلت إلى
درب لا يرضاه، يراك وأنت متشبثٌ
بقاربك الصغير أمام أمواج تدمّر السّفن
الكبار، فياربّ؛ كن لنا عونًا ونصيرًا،
ولا تحمّلنا مالا طاقة لنا به

💙💙💙💙💙💙💙💙

عمي : بنت مصطفی روز .... ونسمع العياط وكبت بين عمي وبابا وعلاوي كاموا تضاربو ويه عمي وشد الحال بيهم وهمه يتصايحون

واني من سمعت هيج حالتي متنوصف سودت الدنيا بوجهي واختنكت وامي حضنتني وتبجي وبنفس الوقت خايفه ع بابا سندي بهل دنيا وعلي الي همه حزام ظهري

الشيخ : ابو علي اتجفه الشر لا تصير دموم وتكبر السالفه وبعد ما تنحل

علي : شيخ احنه مرة ماعدنه مبلغ تامرون ننطيكم شكد ما تردون بس مرة لا تعذرنه

الشيخ : ابني كتلك بهيج حالات تكون فصليتنه مرة وبعدها عاداتنه وتقاليدنه من زمان مو من هسه

اني واكفه ورة الباب واسمعهم شيحجون واتكطع تكطع بس اريد اطلع واوكف بوجه الشيخ واخذ حقي متحملت وتجرأت وطلعت واني وابجي و...

روز : غلطاان شيخ منو الي خرب مجتمعنه غير عاداتكم وتقاليدكم البنية مو سلعه رخيصه وين متردون تودوها وتجيبوها

اني تعبت وحققت حلمي وهسه يروح برمشه عین علمود غلطه اني مو سببهه هذا  مو ظلم انت شيخ وجبير وتعرف الله رابعا لازم متقبل بهل ظلم والله ع الظالم اني احجي والشيخ صافن عليه وباقي الشيوخ بس يباوعون وساكتين بابا وعلي عاطوا بيه فووتي جوه روووز احنا نحلها

الشيخ : بنتي احنه من سنين وع هاي قواعدنه منكدر نخالف

مصطفى : بس شيخ اني بنتي ما انطيهه تعبت عليهه وهيه هم بعمر الورد وراح تحطموها بهل عادات والتقاليد خلي نتفق ع فلوس وتنحل لتكبروها بنتي الوحيده شلون تريدني انطيها وهيه مالها ذنب منو يقبلها