ليت الليالي كلها حنين

بارت١٣

ابو فيصل:خلاص وانا اخوك تم ماقدر ارفض لك طلب
ابو حنين:تسلم تسلم يلا شرايك نقوم نشوف العيال وش سو
ابو فيصل:تم الا بسالك محمد ذا ولد احمد
ابو حنين:وش علامه
ابو فيصل:ياخي احسه كيف اقلك مدري بس مانبي بمرتاح له ابوه احسن منه
ابو حنين:هذا وانا اخوك راعي مشاكل معليك منه
ابو فيصل:الله يكفينا شره
وفي المطبخ عند البنات
غلا:يعنييي الحييين متى النهايه!
فاطمه:اشبك
غلا:لين متى وانا اغسل فناجين
حنين:غلا كلنا نشتغل
اشواق: بعدين ليه متضايقه ياخييييي اضحكي هذا احنا نتشغتل ونضحك ونسولف
غلا:ياخي انتم مو نفس جوي
اشواق وهي تحط ايدها على ظهرها:اجل وش هو جوك يا بعد حيي ؟
غلا:يعني سوالفكم ماتناسبني
حنين:اقول هي غسلي ساكته ناقصينك بعد
وهنا كلهم ضحكو
وعند العيال في العزبه
احمد:انا بروح اعلف الغنم وانت يا فيصل تعال معي وانت يا بهاج ومسعود وحسين روحو لابل وشيكو عليها وبعدها نمشي المخيم
العيال:تم
وراح احمد وفيصل
بهاج:امشو امشو
مسعود:شوفو بنعقل هاذي اللي هنا حاولو انها ما تحس عليكم
حسين وبهاج :طيب
ومسعود من قدامها ياكلها وبهاج وحسين وراها
هنا الناقه بدت ترفس برجلها ومسعود يهديها
وحسين اللي فلت الحبل من يده وبهاج الللي يشد ومسعود اللي يحاول يمسكها وهنا هجت الناقه وبهاج معها
وبهاج يصيح ومسعود يفزع وراه
احمد:يا فيصصصل الحق الناقه هجت منهم
فيصل:وااه امش امش
وهنا كلهم يركضون وحسين يقول بهاج بهاج
وبهاج يحاول يهديها ويركب فوقها لاكنها تجري بقوه وهو وراها بالحبل على بطنه ويصيح
مسعود:يا بهاج لا تفك الحبل وارفع راسك ارفعه
بهاج:الله لا يسامح ناقتكم التراب في ثمي
مسعود:اصبببرررر جاييينيك
احمد:شصار وهم كلهم يجرون
حسين:بهاج طار معا الناقه
فيصل:تكفون كيف نوقفها
احمد:اسكتو اسكتو
احمد وهو يجري قدام الناقه ويصيح عليها وبهاج اللي يصيح
احمد:يا بهاج انطم
احمد يصيح على الناقه وغصب هدت
ابو حنين وابو فيصل وهم جايين يشوف العيال والناقه برا الشبك
ابو حنين:هيا وش سوا ذلي!
ابو فيصل:امش نشوفهم
حسين:اببوويييييي!!!عميييي جوووو
بهاج:الحقوني اندفنتتت
وهنا الناقه وقفت يوم صاح ابو حنين والناقه كانت تستجيب لابوي حنين كثير فوقت وصاح عليها وجلست
ابو حنين :بهاج!
العيال:وهم ينفضون بهاج ويوقفونه
ابو حنين :ايش صارررر!
احمد:وهو يتنفس يا يبه رحت انا وفيصل نعلف الغنم وقلت لهم شيكو على النياق وعقلوها وصار اللي صار
مسعود:يبه الحفل انفلت من ايد حسين وبهاج طار
ابو فيصل:اللي فطس يضحك
ابو حنين:بهاج قم حسين امش
مسكهم من اذانيهم
ابو حنين:يعني وصلتو لهذا السن وللحين ماتعرفون تعقلون نياق والا توقفونها
بهاج:ياعمي اذني اذني
ابو حنين:اغسل اغسل وجهك بس وانت يا حسين دواك عندي بكره من الفجر في العزبه فاهم؟ومعك بهاج بعد
بهاج اللي انصدم والحق معه
ابو فيصل:ياخي جازيهم كلهم وخلهم يقعدون في العزبه
ابو حنين:وانت قلتها الفجر اقوم القاكم في العزبه فاهمين هيا قدامي المخيم
والعيال فاطسين ضحك من شكل بهاج
بهاج:ماعليكم شرهه ماقد طارت بكم ناقه كله من تحت راسك يا حسين
حسين:ياخي شسوييييي الناقه دفتني وسحبت الحبل
بهاج وهو يتريق فيه:الناقه دفتني وسحبت الحبل
ابوفيصل:امشششششو قدامي!
العيال:جايين
بهاج:هيا خذلك ثوبي توسخ
فيصل:انت م شفت شكلك وانت طاير بالحبل مثل رقيه ذيك اللي في طاش ماطاش
وهنا مسعود اللي عيا يسكت وهو توه يتسوعب الموضوع
وراحو المخيم
ابو حنين :كم الساعه
احمد:صرنا ٤
ابو حنين: في ساعه وحده ابيكم ترتبون المكان
العيال:ابشر
وهنا اللي يرتب واللي يكنس واللي يجهز النار واللي يجيب المفارش واللي يجهز السيوف
وكانه عرس وضحك وسوالف
وهنا خلصو
ابو حنين:هيا روحو جيبو القهوه والاغراض
وروحو تروشو وصلو المغرب وتعالو
العيال:ابشر
وركبو الوينت كلهم وصلو البيت
حنين اللي طلعت طايره
حنين : مسعود عيال عمي بيرقدون عندنا
مسعود:احلفيييي
حنين:والله
مسعود :ياعيالللل بترقدون عندنا
بهاج:احلففففف
مسعود:وقسسسمممم
بهاج اجل والله يبليها نرقص
يا بنات جيبو لي قدر وملعقه
حنين وهي تضحك طيب
حنين :بناتتت اطلعو اطلعو
وخذت حنين القدر والملعقه وعطت مسعود
والبنات واقفين عند الباب
وهم في الحوش مسعود يدق وبهاج يغني
بهاج:
هو صحيح احنا التقينا ؟
هو صحيح انت قبالي
هو صحيح اني حبيبك
كان لي حق اسال
وهنا طلعت ام حنين وهم يرقصون معها ام فيصل
ام فيصل:وش له هذا الطرب والرقص والضحك
فيصل:اليوم بنرقد عند عيال عمي
ام حنين:والله حييياكم قسم بالله تونسونا
مسعود:تعالو ارقصو معنا
الا صوت سياره ابو حنين جايه
حسين طلع يتوايق
حسين:ابببووويييي!!
اللي رما القدر واللي دخل المقلط واللي راح المطبخ
والي تخبا في غرفته واللي ورا الباب
ومابقي بالحوش غير ام حنين وام فيصل
ابو حنين:السلام عليكم
ام حنين وام فيصل:وعليكم السلام
ابوفيصل:كيف حالكم
:بخير الحمدالله
ابو حنين:العيال خلصو
ام حنين: مدري دخلو بشوفهم الحين
ابوفيصل:قلي لهم يعجلون
ومسعود اللي كان فوق سطح البيت ومايدري كيف ينزل
ام حنين:تعالو تعالو ادخلو وتاشر لمسعود عشان ينزل
ودخلو
ونزل مسعود وفك رجله على طول غرفته
ابو حنين يسمع صوت بهاج وحسين يتجادلون
ابو حنين:ماخلصتوووو!!!
بهاج:الا الا ياعمي بس جبت شماغي وضيعته
ابو حنين:شف انت واياهم مابي اشوف واحد بدون شماغ وعقال فاهمين!
بهاج:ابشر
هيا اعجلو
وجهزو كلهم
احمد في غرفته:فطوم عطيني العطر العوده اللي دسيتها
فطوم:ابشر
واحمد بناظر فيها مالحقت الدولاب
احمد:هههه قصيره ما تلحقين
فاطمه:اسكت عنيييي نشوف الحين واخذت الطاوله وحطتها وطلعت واخذت العطر والطاوله مالت
فاطمه:ااحممددددددد بطيييحححححح
احمد:خلك مكانك خلك ومسكها ونزلها
اقلك انتي قصيره بس ما تسمعين كلامي
فاطمه:هاذي جزاتي اطلع عطرك
احمد:نمزززززحححححح اصلا وش زينك وحلاتك وانتي قصيره
فاطمه:يعني عادك فيها قصيره ؟
احمد:صدق والله ان الجمال فيك كله ان قصيره والا طويله هيا اسكتي
فاطمه اللي استحت وماتدري وش تقول
احمد:شرايك تم كذا؟
فاطمه:مرره تمممم تحصن
احمد:ها؟
فاطمه:اي وش قلت تحصن الناس ما ترحم
احمد:الله عليك ابشري
احمد:يلا عن اذنك اني احتجتي شي دقي علي
فاطمه:تم
احمد طلع وحصل ابوه جالس بالصاله وعمه
احمد:انا جاهز
وطلع بهاج وحسين ومسعود :وحنا بعد
وطلع فيصل :وانا خلصت
ابو فيصل:ماشاءالله ماشاءالله
ابو حنين:كبرت فيهم رجولهم بس للحين ماعقلو
مين اللي خذ القدر منكم ودق ومن اللي غنا
العيال وهم يناظرون بعض منصدمين كيف عرف
ابو حنين:لا تنصدمون عرفنا عرفنا
احمد:يبه كيف عرفت
ابو حنين:انا كل شي اعرفه امشو امشو
وطلع عبود ولد احمد :انا علمت عليكم مساكين
احمد:والله يا عبود ها؟
ابو حنين:اللي فيه خير يقرب منه بس والله يندم
وهم يضحكون عليه
عبود وهم يسلم على جده:تكفى يا جدي بابا مايخلني اروح معاكم انا رجال
احمد:يبه تكفى لا يروح كل الناس عزمناهم وعبود حركاته ماشاءالله تكفى يبه
ابو حنين:طيب طيب اسمع يا عبود بكره تروح معي العزبه شرايك؟اليوم بيجون رجال كثير مايصلح
عبود:طيب قول وعد تاخذني
ابو حنين:انا قلت باخذك خلاص
عبود :طيبببب
ابو حنين:هيا امشو عشان نصلي ونمشي كلنا المخيم
وشوفو اي واحد ينزل شماغه صدقوني ليندم
ابو حنين كان الشماغ عنده بوقت العزايم والمناسبات شي اساسي عشان يعلي من هيبه الشخص
العيال:ابشر
وهنا راحو للمسجد بهاج:اسمعو يا عيال بعد م نخلص صلاه وكل الناس تكون ورانا نسوي عرضه من هنا لين المخيم نغني ونصفق ونرقص
العيال:تم
وصلو وجو كل جيرانهم وكل الحاره والجيران الجدد بعد
ابو حنين بعد ما طلعو من المسجد :حياكم الله كلكم معانا الليله
ابو فيصل:والله انكم شرفتونا
ابو مشاري:والله الشرف لنا يابوفيصل واخر الاوجاع
ابو فيصل:الله يسلمك وهنا طلع بهاج ومشاري ومسعود وكل الشباب
بهاج :بندق عرضه من هنا لين المخيم شرايكم
ابو حنين:دقو يلا
بهاج وهو يغني ومعه احمد وفيصل :
قرت عيون الدار باللي لفاها
يامطول الغيبه نورت دارك
يامرحبا والفين مرحبا يابو فيصل
ومسعود وبهاج يعرضون بالعرضه النجديه
وابو حنين معاهم وابو فيصل اللي يناظر عياله واخوه وعيال اخوه ويحس انه ملك الدنيا بهم
ووصلو للمخيم
وهنا صفو ابو حنين وابو فيصل والعيال يسلمون على الضيوف ويرحبون فيهم
وهنا جلسو والعيال يقهون ويقدمون الضيافه