لها حُكم لقمان وصورة يوسف

14

الصبح اليوم التالي
قامت رنام وهي تتمدد وناظرت انهار الي للحين نايمه وابتسمت وهي تخلي تحت رأسها المخده وتقوم:طيبب يا انهارو عقدك ولا قمتي اوريك
ناظرت سفانا الي تلعب بجوالها وتخصرت:قومييي خلينا نخلص شوفي كم الساعه
سفانا:يالله صباح الخير
رنام:قومي قمه لو تبيك الساعه٢العصر وانهار ما تجهزت واحنا ما طلعنا الاغراض متى بنتجهز ان شاء الله
سفانا وهي تتمدد:صحيها
رنام:لا خلها اصحيها اربع تعبانه
سفانا:طيب ثواني اكلم فارس اقوله اننا بنطلع الصاله
رنام وهي تقعد:طيب
سفانا: قومي يقول اخوانه مو موجودين وهو بالغرفه
رنام:اجل يلا

بيت ابو يحيى
ام مهاب:حورر الكيكه وصلت؟
حور:يمه انهار مسويتها كنسلنا الطلب
ابتسمت ام مهاب على طاري انهار وتوجهه لغرفه رواف وهي تدقها
رواف بنوم:ادخل
ام مهاب وهي تناظره:واضح ما نمت اغفى شوي واصحيك المغرب
رواف بابتسامه:أنا لو اشوف باسل مره ثانيه أحتمال اموته
ابتسمت ام مهاب وطلعت وهي تناظر سحر الي تختار لحور فستانها وناظرت سمر الي كانت هاجده ومو على طبيعتها:سمر تعبانه؟
سمر من طرف لسانها:لا
كشرت لها حور وطلعت:خاله وليد برا يلا
ام مهاب:جايه

بغرفه رواف
قعد يتقلب مو عارف ينام اليوم بتكون انهار قدامه حلاله ونصيبه وشريكة عمره اليوم بتقول قبلت وبقولها شرع لك قلبي ابوابه وسلم لك مفاتيحه
"يَا سَعْدَ قَلْبِي"
فز على اتصال رنام وابتسم:صح النوم
رنام:واضحح من صوتك مو نايم متوتر؟
رواف بضحك:لا من قالل الا متت من النوم
رنام بضحك:ما شبهت الي عندي نايمه من أمس
ابتسم رواف:خلينا تنام
رنام:وانت اغفى لك شوي باقي ٦ساعات
رواف:كانها ٦سنين
رنام:لا شكلك واضح غرقانن من ساسك لين راسك
رواف:جد كيف نامت هاذي ما قدرت أنام
رنام وهي تناظرها بضيق:فاقده امها لو ما بكت ما كان نامت
سكت رواف بضيق واردف:رنام لا تخلينها لوحدها
رنام بابتسامه:حاضر
تنهد رواف وسكر وناظر الباب: ادخل
مهاب:عريسس وقاعد
رواف:أقوم من عصر ربي؟
تقدم له مهاب بابتسامه:لقيت شماغ ابوك بدولاب ابوي وما هان علي أتركه انت احق فيه
ابتسم رواف وهو يحمله:كنت ادور له شماغ وما لقيت
مهاب وهو طالع:وهاذا هو بين يدينك
ناظره رواف بضيق وهو يفتحه بابتسامه:حتى ريحتك يبه ما فارقت ملابسك
تلثم فيه بهدوء وهو يشم ريحته يحسه يحاوطه للحين اصواتهم ما انشالت من باله وضحكهم

بيت ابو رعد
قامت انهار وهي مصدعه ناظرت الساعه وشهقت
رنام: توكك بدري باقي في وقتت
انهار وهي تمسح وجهها:الله ريحه بخور
سفانا بضحك: توك تستوعبين؟
انهار بابتسامه:وش سويتو
رنام:كللل شي باقي نجهزك وسهام جايهه
انهار وهي تقوم بتوتر:احس في شي ناقص
سفانا بابتسامه وهي تقعدها:كل شي نفس ما تبينه بس لا تتوترين باقي كشتك وتضبط الامور
رنام بضحك:هو كشتك صايره الشمس المشرقه
انهار بضحك:تجننن تجننن سبحان الي سواني وسواها فوق راسي وين ما امشي تنور
ضحكو كلهم ودق الباب
سفانا:ثواني بروح افتح تراه شغال انتبهو لا تحترقون
طلعت سفانا وهي تفتح الباب وناظرت سهام:سهام صح؟
سهام بابتسامه:صح وانتي؟
سفانا:سفانا خطيبه فارس
سهام وهي تصفق يدينها ببعض:اليي مشغله انهار ليل نهارر
سفانا بضحك:ايوهه هي تفضلي
دخلت سهام وناظرت انهار وابتسمت:حلوه ما يحتاج ترى
انهار بابتسامه:اهلينن
سهام وهي تحضن انهار:والله وكبرت دكتورتنا وبتصير عروس
انهار وهي تحضنها:عقبالكك
سهام وهي تناظر انهار: مابييي
انهار بضحك:شوفي أنا اكبر مثال من الثانوي مابي والحين بتزوج
رنام:صحح لأنه اخوي ما يتعوض
سهام:صح صح
انهار:سهامممم
ضحكت رنام بصدمه واردفت سفانا بضحك:شوي وتحجبه من كثر ما تغار
انهار:بناتتتت
رنام بضحك:يعني خجلانه وراحت كل الكلمات من قاموس عقلك
انهار وهي توقف:طيب شرايكم بالمكياج؟
سفانا:يجننن
رنام:انتي شينه وهو حلاك
انهار وهي تطير شعرها:أحلى منك جمالي يريح العينن
رنام وهي تقعدها:قعدي لاتطق روحك من جمالك
انهار:ابشرك كل يوم اصدمها بجمالي بس ياخوفي عيونك تتفجر بعد شوي من قوة الجمال
سفانا بضحك:بنات الحين هاذي هوشاتكم؟
انهار وهي تحضن رنام بضحك:ما نتهاوش أنا ورنامو
رنام بضحك:تشوفينها يا سهام كيف حيه؟
سهام:هاذي حيه؟الا حيتين
انهار بشهقه:حرام عليكم يا الظالمين
سهام وهي تقوم: بسوي شعرك اثبتي
سفانا بضحك:لا تحرقين عروستنا
سهام:لا ما عليكم