انفاس الاسد

بارت 17

شلونكم يحلوين طبعاً اعتذر منكم كان لازم البارحه ينزل البارت بس جانو عدنه خطار و هسه وبعد لانو عندي مريض بس لعيونكم اتفرغت احبكم كوومه و كلش يسعدني من اشوف تفاعلكم بلقصه 😩💕🙊

‏لِها #مّن حِسَن القمْر تِواصَيف الجَمُال!؟🤍

الكاتبه: ايو الدليميه 💙
------------------------------------------------------------
عشق:من بعد العرس عشت اجمل لحضات ويه حبيبي مهاب و حتئ بيت عمي ابد ماحسيت بغربه و انو اني تركت بيت ابويه بلعكس عمي يعاملنا حالنا من حال نفس مرر اسبوعين علئ زواجي و قبل السفر بيومين طلعنه طلعه شبابيه رحنا للمول و للمطعم طلعنا حتئ نرجع للبيت استفقدت نفس ماكو سألت مهاب
،حبيبي نفس وين

مهاب: شني بويه وين مو چانت تمشي وياكم

عشق: اي صح بس هسه ماكو مهاب فدوه شوفها

مهاب:خرب لا تطلعيني عن طولي عشق شنو ماكو
و انه خليتها وياج 😡

عشق:مادري ولله مادري 🥺

مهاب: صحت علئ هشام و رحنا ندور فريت المول اربع مرات و ماكو رجعت للمطعم و ماكو فص ملح وذاب تخبلت انه كلشي ولا نفس، الوو هاا غيث

غيث:مهاب ماكو گلبت المحلات كلها

مهاب: لا يلكعبه ولك وين راحت و هيه متندل هنا لا تخبلني

غيث:مهاب گول يالله اهدأ هسه خلي نروح للبيت خاف رجعت هناك

مهاب: روح انته و ضرغام و اخذ البنات وياك و انه و هشام نبقئ خاف بعدها تدورلنا

غيث:حاضر

عشق:اجه غيث اخذنا و اني احس خرطت العافيه من الخوف عليها رحنا متجهين للگراج و اني و البنات نبجي و ضرغام يصيح وصلنا نريد نعبر الشارع و سمعت رجال يگول

-لا حوله و لا قوة الا بلا بعدها بعز شبابها و سحگتها السياره

ردله الرجال الثاني

-بس ما صدگت هذا الولد اخوها مبين مرتبك و وجهه اصفر

-ولله ما اعرف شگلك الله يساعد اهلها

عشق:اسمع كلامهم و انقبض گلبي علئ هاي لبنيه اشوف مكان الحادث الدم بعده بشارع المهم رجعنا للبيت

حلا: جنه رايحين زياره علئ بيت جدي و لگيت البنات مموجودات گعدنه ويه صفا و نضحك و اشوف كريمه و بناتها يحجون علئ البنات و احنه منسكت هيه تحجي و احنه نسولف اخر شي طب الشيخ و عاط بينه نخلسنه كلنا صرنه ع صامت فجأ اجه تلفون للشيخ اشوف تغير ملامح وجهه عيونه صارت دم و ايده ترجف و صار يصيح بلعو حسه

الشيخ:شنو ماكو ولكم سبع زلم وياها شلون تضيعوها لا تخبلني انتو وين انه جاي ولله لكسركم اذا صار بيها شي

حلا:اشوفه فرفحت روحه من العصبيه و لصياح بس نريد نفهم شكو ماكو بسرعه طفر فوگ نزل لابس ملابس الدوام و شايل المسدس بيده و نزل يركض حاجته عمتي