"سائِد الدِيـجور"
ﻣﺮﺍﺕ ﺍگولن گضت
ﻣﺎﺑﺎﻗﻲ حسبة ﻭﻛﺖ
ﻭﺍﺭﺗﺎﺡ ﻭﺗﻌﺪﻱ ..
ﻭﻣﺮﺍﺕ ﺍﻛﺮﻫﻪ ﺍﻟﻌﻤﺮ
ﻭﺍﺳﺌﻞ ﻭاﺩﻭﺭ ﺩﺭﺏ
للمگبرة ﻳﻮﺩي !!
غيم:-
صاعدة اتصال وياهم وجانوا كلهم بحالة صدمة بعد ما حجيتلهم شكوكي
دُغيمان: وهسة شراح تسوين
غيم: اخلي يظهر غصباً ما عليه
رُئيف: وشلون بله
غيم: غيم راح ترتبط بشاهين
جُلنار، رُئيف: شنوووو!!!!!!
دُغيمان: يعني قصدج حتى تثيرين غضبه ويطلع اليس كذلك
غيم: اخذن شوية من عقله بلكت يصير براسجن حظ
جُلنار: صدك هيج راح تسوين
غيم: ما عندي حل ثاني
رُئيف: زين واذا ما طلع للساحة
دُغيمان: يطلع يطلع لتخافين
رُئيف: الله وانت شلون متأكد
دُغيمان: هسة اني مو تشوفوني هادئ ونوعاً ما اگدر اسيطر ع غيرتي فـ اذا صار هيج شي مستحيل اگدر اسيطر ع الوضع وهو على حسب ما حجت غيم ع كلشي يگدر يسيطر الا عصبيته فـ مليار بالمية يظهر
غيم: بالضبط
سديته منهم ونمت
لثاني يوم طلعت لگيت ثروان ينتظرني حتى نروح
صعدنا سوية
ثروان: قبل لا تطلعين بربع ساعة دزيلي رسالة
غيم: تمام
وصلني وراح
دخلت لگيت البنات ينتظرني
سلمت عليهن ودخلنا للمحاظرة
خلصت وطلعنا نتريگ بين متبدي المحاظرة الثانية
الي هي جانت لدكتور يوسف
گعدنا ناكل ونحجي ونتفق ع الموضوع
رُئيف: شو دُغيمان ما اجه شعجب
جُلنار: هسة تلگينه تا يسچ
غيم: لا اصلا ممداوم اليوم
رُئيف: شمدريج
غيم: لگيته دازلي رسالة گال ما راح اجي مدري اخو مريض مدري شبي
جُلنار: ياا خطية
رُئيف: امشن خ نروح قبل لتبدي المحاظرة
غيم: اروح للحمامات والحگجن
جُلنار: ماشي
هن راحن وانا دخلت للحمامات جان هوسة
غسلت وطلعت
رحت للقاعة دگيت الباب وفتحته
غيم: اگدر ادخل دكتور
يوسف: ليش متأخرة
رفعت ايدي اشوف الساعة
غيم: دكتور الساعة بعدها مداگة العشرة يعني مو وقت المحاظرة فما اعتبر متأخرة
باوعلي بغضب
يوسف: انا البارحة مو گلت محاظرتكم تبدي من وقت
غيم: ما جنت موجودة من حجيت
يوسف: مو مشكلتي اطلعي برا
غيم: شلون اطلع برا والمحاظرة باجر بيها امتحان شلون ادبرها بلا
يوسف: تطلعين لا حتى الامتحان احرمج منه
تركت المكان وطلعت وانا افور
گبر حتى گبر
دكتور لو زعطوط
من يوم الرفضته لليوم هو مجلوب وبس يريدله حجه عليه
طبعا دكتور يوسف تقدملي بالمرحلة الثانية
وجان جوابي انو انا مخطوبة
والاخ مدري منين يعرف بالسالفة وكالي انو خطيبج مات ومدري شنو
وبقيت مصرة ع رفضي
وهو تخبل وكام يخبث
گعدت بالحديقة طلعت موبايلي
وگعدت اتصفح
شوية وگعدت يمي بنية جانت تخابر
ما انطيتها اهتمام
بس جذبت اهتمامي من ذكرت اسم ذًر
: ذُر حباب تعال والنبي مشتاقتلك.. والله بس اشوفك كلشي ما اسوي .. ههههف هسة امك ع شنو رافضتني غير افتهم؟.. ذُر خلص اصلا علاقتنا ما الها داعي ننهيها احسن
YOU ARE READING
سـائِد الدِيـجور
Mystery / Thriller"باللهجة العراقية" عادةً ما نسمع بالمقولة الشهيرة "تهُب الرياح بما لٱ تشتهي السفن" لَـگِنْ هنا مع السائد لٱ توجد هذه المقولة بل تسير سفينته ويتغير اتجاه الرياح ويمضي بسرعته ينظر الي الامام ها هو هناك هدفه الذي امضى طيلة رحلته لاجله يغير مسار نظره لي...
