تاروت

part «3»

#تاروت

البارت «3»

بقلمي: زينب علي

حلواتي لا تنسون التصويت+تعليق بين الفقرات ومتابعة الحساب ♥️

𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵۫𓄵

من أنا...انا ذاك الذي حملته بجناح حبك حتى لاح قمم الجبال الراسية ثم افلتني من هناك

خيال:

بقيت مصدومة لا اخذ ولا انطي يعني شنو هو يصير اقرباء خاله حكمة بلعت فشلتي وسكتت

دخلت للبيت شفت الوضع متأزم وبابا صاير عصبي اشرت الاختي سوتلي حركة بمعنى اسكتي صعدت الغرفتنا واشرتلها تجي وراي

دخلت للغرفه واني احجي وياها

خيال: رميم شصاير ؟

رميم: اسكتي يمعودة هذا ضرغام امي لگت بغرفته حبوب غريبة ومن سألوا ابوي وامي يگللهم مقويات علمود الجم

خيال: وطبعا بابا ماصدگ

رميم: شيصدگ يمعودة صيح صياح شعوط من الحرگه حتى راد ينجلط

وخرت البردة فتحت الشباك وهي تحجي
رميم: يعني اني رجعت من المدرسة بعدني براس الشارع وسمعت صياحه طالع دخلت للبيت ركض عبالي صاير شي

تنهدت بقلة صبر وسكتت انا سمعتة هذاك اليوم يحجي بالتليفون ويطلب اشياء ممنوعة وحجيت الامي وماصدگتني ،

رميم نزلت وعافتني وانا بدلت ملابسي وردت انزل اتذكرت ورجعت اسد الشباك مديت راسي وشفت نفس الولد الجان يم حكمة واگف يم السيارة مدري شمنزل منها لازمه بيده

مديت راسي اباوع للشارع انتبه عليه اشرلي هلاو وراها ضحك وشمرلي بوسه بالهوى بسرعة سديت الشباك وانا احجي

خيال: شبي هذا شگد مايستحي ولملطلط

نزلت جوه الوضع بعده متوتر وامي شاده راسها بالحجاب اعرف بأمي كلشي ولا واحد يضوج اخوي ضرغام بالرغم هو كل سوالفه مكسرة وهي تعرف بهذا الشي

صرت احضر الغدا وياها واني ساكته حجت بهمس

هيلين ( ام خيال) : يعني طلع كلامج صدگ والحبوب العندة مو مقويات مثل ميگول

خيال: يمه انتي لو مو احجي لو تشوفينه بعيونج ماتصدگين

جرت الكرسي وگعدت خلت ايدها على وجها وبجت