احتللت قلبي ايها الضابط

البارت الثاني عشر

بسم الله الرحمن الرحيم

‏"في كلِّ ركنٍ
‏قد تركتُ حكايةً
‏وزرعتُني عمدًا بكلِّ مكانِ."

- روضة الحاج

††††††††††††††††††*★

يلا نبدي بالبارت الثاني عشر

زيد :  بعد ما كال ايسر انو ملتقي بعمه حنان هناا اني عرفت ايسر راح تسوء حالته ويدخل بلماضي نهيت الاتصال وانه افور ايسر يعنيلي هواي حيل واكفلي بشدات واكثر شي طفولتنه سوه مصايبنه سوه طبتنه طلعتنه سوه حته المهنه اتفقنه سوه وماضي ماله اضلم وكلش تأذه وتعب انتضرته مكدرت انام رغم تعبان لحد محسيت عليه من فات عفته لان اعرفه يطول من يغسل وره ساعه هيج رحت يمه واباوع على عيونه حمر ريتها بگلبها الوجع ولا بي حاولت احاجي جان كلش عصبي شوي شوي غيرتله جو وعفته رجعت نمت وكعدت اتمرنت واخذت شور بساع وسويت ريوك لان ايسر افندي بيضه ميعرف يسوي معتمد عليه ورحت اجهزت  وكعدت انتضره يطل عليه اجه هوه وتريكنه وتوجهنه للمركز كلمن راح شغله الي اعرفه انو ايسر يريد ياخذ نايه ردت اروح ويا بس كال اخذها وشتريلها الاحتياجات وارجع انه كلت خل بعدين لروح كملت شغلي واخذت السويج وتصلت على ادم

زيد : الو ادوم

ادم : هلا زيد شلونك

زيد :الحمد الله بس لتبعرها كدام ايسر اذا موجود انو انه دحاجيك

ادم : لا اني جوه احجي خير

زيد : اي زين انطيني العنوان اريد اشوف عمتي

ادم : كل الهلا هسه ادزه الك

زيد : انتضر

دز العنوان ورحت الهناك
*****

مياس : حسيت على احد يبجي يمي وحاصن ايدي استغربت فتحت عيوني واشوف هاي الخبله زينب دتبجي ومفرفحه كمت وحضنتها وهيه تبجي واني ابجي وياها على الواهس وخرتها واني مصدومه شلون كدرت تجي

زينب : ولي ولي ماحاجيج بعد وكفتي گلبي عليج ليش هيج لج امشي وارجف وادعي انو راجعه للبيت وتالي متالي الكيج مصخمه ورايحه برجليج للموت زين مفكرتيي بيه مكلتي اخذ هاي العوبه ويايه تعيش المغامره احسن متاكل هبطات ولي من وجهي عرفتي غديت دمايه اني واخوي ومرتين انهزمت علمود اجي اشوف شنو الي صار بيج عابتتتتتتت اي والله جيره بكصتج

مياس : على كيفج على كيفج بس اخذي نفسس لا تموتين شبيج هسه زعلانه على شنو انتي فهميني عليه لو على المغامره الي تشللل صح تأذيت بس حسيت روحي بفلم ويه جاكي شان بس شغله وحده ضوجتني هذه ابو شوارب المغرور خرب كلشي صح هوه نقذني بس ايع ماحبه مغرورر متكبر مستفززز ايععع

زينب : خاب دسكتي فوك شينه كوه عينه فوك منقذج جان صرتي هسه بوادي سلام

مياس : انتي مو متحاجيني شكو دتحجين ويايه وفاتحه عيونج