لاتتركي يدي

البارت الاخير

#لاتتركي_يدي
البارت_الثامن عشر والاخير
للكاتبة هـدى_الخيگاني
______
قمر:-العفو بيت منو هذا؟
الولد:-بيت ابو••••
قمر:-زين تعرف الي جانو عايشين بهذا البيت وين شالو؟
الولد:-لحظة راح اسال ابوية
قمر..انتظرت طلعلي ولد بعمر  اخوي حسين
-خوية الي جانو هنا شالو ب منطقة••••
قمر..انصدمت معقول سمعو شي موزين وشالو اني ادري رعد  دزلهم صور بس شلون وليش
تشكرت منه ورحت ع عنوان الي كالي علي  .. وصلت اله بس ماندليت بالضبط اي بيت جربت حظي دكيت باب الكدامي..
شمس..اليوم زواجي.. بس بدون اختي قمر. ماعرف شلون تحملت ومابجيت كدام العالم بس طلعنه من البيت متحملت بجيت...
اباذر:-يابه شسالفة هياته بيت اهلج ترا موبعيد وكل اسبوع ادزج الهم
شمس:-اني ما ابجي ع اهلي ابجي شوقا ع اختي قمر الوحيدة الي ماحظرت عرسي تدري شيصير. بيهه لوعرفت ان اني تزوجت بدونهه
Flashback
قمر:-شمس وعديني نبقى سوى
شمس:-غصبا عنج تبقين موجودة بعدين وين ترحين هاا كليلي شو جنج مارايدة تضلين وياي بحفلة زواجي يعني متجين بعدين شلي بهاي الافكار وشنو الج بهاي الافكار ياصخيم الحظ العفو قصد سعيد الحظ ياخذني ع خبالي
قمر:-لا نتزوج سوية غير
شمس:-ايي بس شلون
قمر:-ناخذ اخوان غير نفسنه تؤام
شمس:-اي ويشبهون بعض غير
قمر:-انجبي مستحيل
شمس:-ههههه...
شمس..اتذكر هل لحظات ودموعي ع خدي صرت اشهك مثل الغاصبينهه ع زواج المكياج كله خرب هاي لحظة جنه منعرف احنة مو اخوات
اباذر:-مو وعدتج الكاهه 
شمس:-ايي بس مالكيتهه ... باوعلي بكسران خاطر ..اني ليش داخرب ع الولد.. ولله فشله هسه شيكول عليه.. مسحت دموعي وحاولت انسى الموضوع
دخلنه للبيت هوسات وهلاهل واني بعالم ثاني مو بايدي... جت ورد كعدت يمي
ورد:-بعد ماكدر اضم عليج قمر ذاك اليوم من رحتي ويه اباذر جت وطردهه حسين..
.....
قمر.. دكيت الباب انفتح وكلبي يرجف طلعلي حسين
قمر:- لكك ويين رحتو وخليتو هل °°° حابسني معقول مادورتو عليه؟؟ ماسالتو
حسين:-رسالة الي تركتيها النه كافية تخلينه ماندور عليج الا لغسل °°°° مو لانقاذج!!!
قمر:شسويت؟؟؟ كلي شسويت؟؟؟ يعني اذا متصدكني اطلعلك اثار ضرب الي تركهه بجسمي هل مجنون
حسين:-يلا ولي منا ماعدنة بنيه اسمهه قمر بعد!! دفعني من راسي وكعت بالكاع سد الباب ...
2022/9/3
تحديدا الساعه 9:34 صباحا
رائد:-صرت واخيرا زوج قمر تدرين صارو يصيحولي بالشغل العقيد رائد زوج المحامية قمر واني ارفع راسي بافتخار واكول اي نعم بانتصار

قمر:-انت الوحيد الوكفت وياي باصعب اوقاتي ماوصلت لهنا لولاك
رائد:-واني ماوصلت لهل فخر الا بسببج
وتين:مماااااااا
قمر:-اهووو خربووو خربووو
نور:- كلشي ماسويتلهه ترا بس دفعتهه
وتين:-دفعتني موو ماما وعيونج ضغبني
قمر..ضحكت ع لدغه لسانهه متلفض حرف راء ونور يقلد عليهه دوم
نور:-ديلا. ام ضغبني بيج خير نطقي حرف الراء
وتين..انفجرت بالبجي
قمر:-ولكمم الله واكبررر كافييي ..ويه صيحتي اندك الباب..راح فتح الباب نور
نور:-يمة هاي ناس يردونج.
استغربت .. طلعت للباب شفت اهلي
قمر:-اهلا وسهلا
حسين:-اختي.. راد يحضني
دفعته
قمر:-شنو هسه تذكرت عندك اخت..ليش مو اني الخنتكم ورحت ويه ذاك المايتسمى موصدكتو وكلتو احنة
ماعدنة اخت وطردتوني بعز الظهر
ماكلتو شتاكل شتشرب منو رح يحتويها بالله رجع يضربها ذاك بالله هاجمتهه جلاب اليل كل هذا مافكرتو بي بس فكرتو بسممعتكم بين النااااس
مفكرتو بيه انيي
رائد:-صوتج منا الجيران
قمر:-وانيي؟؟ وانيي؟؟ ميحق الي احجيلهم القهر العشته كل هل سنين
ماكلكم شي بس اكلكم الظلم عمره مايدوم يا يدور ع صاحبه يا ينكشف صدكوني حبل الكذب قصير شما دام مستحيل يبقى الا مايجي يوم وينكشف 
حسين. ضل يشغل دموع التماسيح..كل هذا ميهمني اني اليوم غير قمر اني قمر الماتسامح الاذاها
قمر:-خلص روحو اني ماعندي اهل.. بس اكلكم شي واحد بس حسبي الله ونعم الوكيل الله يراويكم الي شفته ..سديت الباب انتهيت من البجي عيوني غوشن كعدت ع التخم وايدي ع راسي ..رائد جاب جهاز قياس الضغط
رائد:-ضغطج نازل عود هاي انتي الدكتورة...ضحكت ع سوالفه بعز قهري يضحكني
قمر:-خلص هسه اصير زينه..
اندك الباب مرة ثانية بس هلمره بخبال عرفتهه شميسه
قمر:-ولج جييت بس لا جبتي فروخج وياج
الجهال:-خاااله احنة جيينهه
قمر:-عزا العزاج قمر انهجم بيتج
فتحت الباب ماشوف غير الجهال عبرو من جواي
قمر:-ولكمممم هو هيييج وكعتوو كلبييي هاي خاف جان ضغطي نازل هسه ارتفع
شمس:-عاادي تكبريين وتنسين يلا ماناوية دخليني بس بيج تدخلين زعاطيطي
قمر:-دخلي دخلي
شمس:-اهلي اجوج ؟
قمر:-اي حبي
شمس:-شصار؟
قمر:-ماصار بس رادو السماح بعد ماعرفو غلطتهم
شمس:-اي و؟؟
قمر:-الله يسامحهم.. سكتنه رحنه حظرنه الغدة  شمس تخرجت  اختصاص هندسة نفط ورد حاليا تدرس ثالث متوسط
قضينه اليوم بين السوالف وخبال الجهال ..
لهنا وخلصت القصة
قمر:-هاي شبيج غير نكمل حجي
هدى:-يمعودة متت بس اريد اخلص القصه صارت شطولها احجي يلا
قمر .. رعد تم سجنه بعد ماعرفو الحقيقه بتهمه الاختطاف تم الحكم علي بالسجن لمدة 10 سنوات كذالك
لهنا وخلصت القصة حبايبي اتمنى استفدتو من القصة  وعرفتو ان الظلم عمره مايدوم واذا رب العالمين اخذ منكم شي اكيد يعوضكم باشياء مثل
قمر خسرت اهلها بسبب رعد عوضها رب العالمين برائد الي خله اسمها من ينطقونه ينكال قبله المحامية بعد ماجانو يكولون الي شردت ويه؟؟؟
رائد الي ما ذكرناه بالقصة هواية البطل الصبور الي صبر ع قمر باصعب اوقاته حتى بعد ماتهمت هو ماصدك بهل. شي وحاول يدور ع برائتهه وفعلا بالاخير لكاهه
اباذر رمز الرجولة  بهل وقت الي يريد يحب يدخل بعلاقات كما دخل البعض وبالاخير محصلو غير عصيان ربهم وكسر خاطر بنات الناس اما بطلنه اباذر بكل ماعندة رجولة راح تقدم ورغم سوء ضروفة المادية بس ماترك لحظة للشيطان يلعب بعقله وينظر ال حبيبته بنظرة حرام
حسين سهيل ماهر ابو قمر ذول خسرو جوهرة بيتهم وللاسف ماعتنو بيهه مثل ما الرسول صلى الله عليه وسلم  وصاهم
واخيرا شمس الحلوة بطلتنه الجميلة الي ماتركت اخواتها ولا لحظة وكذالك. اهلها ماخربت ويه طرفين الشجاعة الي كافحت لاجل حلمها وبس حاليا تدرس دكتوراه  💕
لهنا وختمنه وياكم اول قصة اكتبها ويارب يوفقني بالايام الجاية اكتبلكم قصص ايضا مختلفه وحقيقية دمتم بخير💜💕
لاتنسون
⭐⭐⭐⭐⭐