Escaping the chapters (Manila Series #1)

01

DISCLAIMER
Plagiarism is a crime, punishable by law. This is a work of fiction. Unless otherwise indicated, all the names, characters, businesses, places, events, and incidents in this book are either the product of the author's imagination or used in a fictitious manner. Any resemblance to actual persons, living or dead, or actual events is purely coincidental.

Expect some typographical and grammatical errors, so bear with me. This book is not yet edited. I'm always open to constructive criticism and corrections, so feel free to share your thoughts. I highly appreciated those!

This story is not affiliated with manila, universities, establishments, brands, or any other names that will be mentioned in this story.

Please be advised that this may contain some strong language and mature themes that are not suitable for young readers. You may proceed to another story if you are uncomfy, thankyou!

— Ingrid.

"Hera Levine, running for SSC President!"

Nagpapractice ako ngayon sa harap ng salamin. Kaunting oras na lang at malapit na magsimula ang miting de avance para sa pangangampanya namin sa Election of Supreme Student Council.

"Prez, baka hindi ka magtira ng boto, ha?" biro ni Claire sa akin habang nag-aayos na rin para magmukhang presentable. Inayos ko rin ang kuwelyo ng baby pink ko na polo, may logo rin ito ng partido namin.

"Kinakabahan nga ako," seryosong saad ko pero pinilit kong ngumiti para subukan pagaanin ang sarili.

"Ang alam ko, nagback out na si Monica for President ng kabilang partido. Totoo kaya 'yun?" Narinig kong tanong ni Eriella. Halos puro kami babae sa partidong 'to.

"Ha? Edi sino na ang presidente nila?" Gulat na tanong ko. Hindi rin nila alam kaya hindi ko maiwasang kabahan lalo. Magaling si Monica pero nakakatakot isipin kung sino ang papalit sa kaniya.

"Wala kaming balita, hindi naman yata puwedeng walang presidente sa partido nila," sabi ng isa naming kasama. Nang matapos ay sabay-sabay na kaming nagtungo ng Gymnasium.

Nilibot ko ang paningin ko, ang mga ibang estudyante ay nasa bandang likuran at ang mga tatakbong kandidato naman ay nasa harapang monoblock. Naupo muna kami lahat kahit hindi pa sigurado kung saan talaga ang puwesto namin.

May nakakilala rin sa akin ay sinasabing kahit hindi pa raw magsimula ang miting de avance ay ako na ang iboboto nila. Sinusuklian ko sila ng ngiti at pasasalamat.

"Pres, OMG! Ang popogi nung mga nasa kabilang partido, puwede ba umatras?" Biro ni Claire sa akin na nasa tabi ko. Siya ang tatakbong Secretary sa amin. Tinignan ko ang direksyon kung nasaan siya nakatingin.

"Si Monica ba 'yun? Teka, bakit running for Vice President na siya? Akala ko ba nagwithdraw siya?" Pagsingit ni Eriella na nasa tabi ko rin. Napatulala ako nang makita ang mga myembro ng kabilang partido. Totoo ngang si Monica na ang Vice President sa kanila. Lahat sila ay naka-royal blue na polo.

Napatulala ako nang makita kung sino ang tumatayong presidente sa kanila. Matangkad, makinis at may katingkaran ang kulay ng balat, nakakaadik pero malamig kung tumingin ang mga mata niya, matangos ang ilong at medyo mapula ang labi. Nakasuot din ito ng specs na nadadagdag pa sa karisma ng binata.