𝐒𝐞𝐫𝐞𝐧𝐝𝐢𝐩𝐢𝐭𝐲 [TSS #1]

Chapter 10: First Stage

Sky's POV

Tapos na kaming kumain tapos nakakita ng mga stuffed animals si Thea at nagpapabili kaso kailangan munang manalo sa game para makuha yung laruan kaya heto ako, bumabaril ng mga bola na ayaw namang magpatama.

"Nakakainis, bwisit," bulong ko habang tinututok ang baril-barilan sa bola. "Ayun! See that, baby?" Tuwang-tuwang wika ko sa anak ko.

"Sampu kailangan patumbahin, Sky." Carol said toneless. Karga nito si Thea at pinapanood nila akong bumaril.

"Oo alam ko, it's just a good start you know." I countered. Tangina kasi, bakit sampu pa? Pwede namang isa e tapos mahalan nalang yung bayad edi nakasave pa sa time.

"3rd chance mo na nga 'yan." Banat naman ulit nito.

"Shhh, tahimik. Nagfofocus ako." I said saka itinutok ulit ang baril sa susunod na bola. "Sapul! Panis!" Sigaw ko ulit sa tuwa. Nagsunod sunod ang pagtama ko sa mga bola hanggang sa makasampu ako.

"Ito po price n'yo." Inabot ng ateng nagbabantay ang price na nakuha ko. It's a zebra stuffed toy. Inabot ko naman agad 'yon kay Thea kaya masaya naman nitong tinanggap ang laruan.

"Salamat, ate." Wika ko saka naman ngayon bumaling kay Carol. "Gusto mo rin?" Alok ko sa kanya.

"'Wag na, baka abutin pa tayo ng gabi." Pagtanggi naman nito. Ang sungit talaga. Wala pa akong ni isang alok na tinanggap n'ya. Laging tinatanggihan.

"Baby, you wanna ride a carousel?" Tanong ko kay Thea na nilalaro sa ere ang napanalunan kong laruan.

"Mommy, what's carousel?" Tanong naman agad nito sa mommy n'ya. Ang cute talaga magsalita ni Thea, lalo kapag may r kasi bulol pa.

"There oh," tinuro naman ni Carol ang carousel na nakahinto palang. "That's the carousel. Do want to go there, hmm? There are animals that we can ride." Explain naman ni Carol.

"Yey, animals! I want, mommy!" Sigaw naman ni Thea. Hindi ko mapigilan ang mapangiti. Ang cute ng mag-ina ko. I mean ni Thea. Ang cute ng anak ko.

Bumili kami saglit ng ticket. Si Carol na ang sasama sa kanya sa pagsakay habang ako'y nandito at pinagmamasdan sila. Hindi pa man umaandar ang carousel ay halatang tuwang tuwa na si Thea habang nakasakay sa kabayo.

Nilabas ko ang phone ko para picture-an si Thea pero dahil magkatabi sila ni Carol ay sinama ko na rin s'ya sa pictures.

"Thea! Look here!" Sigaw ko pa. Tumingin naman si Thea sa camera so I took a picture pero pansin kong nakabusangot si Carol. "Ngiti naman d'yan, Miss." Puna ko sa kanya. Ngumiti naman s'ya pero yung ngiting sarcastic. Tsk. Pangit talaga kabonding.

Nagsimula ng umikot ang ride. Sa tuwing dadaan sila sa direksyon ko ay kinakawayan ko si Thea, iniextend naman nito ang kamay n'ya na parang inaabot ako. Pinanood ko lang sila, maya maya ay nakangiti na rin yung isa. Parang nag eenjoy na rin sa ride lalo pa't halatang masaya talaga si Thea.

"Ang ganda niya kahit ang sungit." Bulong ko sa sarili.

"Uy iba na 'yan." A voice spoke behind me. Gulat akong bumaling dito. Si Niks pala. Tangina, nakakahiya. Bakit saktong sumulpot 'to nung may binubulong ako? Naglakad ito papunta sa tabi ko nang nakangiti.

"Niks, salamat pala ha. Kung hindi dahil sa'yo, 'di ko makakasama si Thea ngayon." Pasalamat ko sa kanya para hindi n'ya na rin pansinin yung unang sinabi ko.

"Walang salamat, salamat. Utang mo sa'kin 'yan at sisingilin ko 'yan pagdating ng panahon." Mapagbirong saad naman nito.

"Sige ba, kahit ilista mo pa." Pagpayag ko naman habang natatawa. Kahit hindi n'ya sabihin, if ever naman na kailanganin n'ya ng tulong ko e hindi naman ako magdadalawang isip. "Bakit ka pala bumalik? Uuwi na ba sila? Ako nalang maghahatid."