منطقة الحُب

الحلقه الثالثه

‏أيا حُلوَة الوجهِ أنتِ الهدى
ومن مقلتيكِ فؤادي اهتدى
وماذا سَيفعل قلبٌ جريحٌ
رمتهُ عيونك فَاستشهدا .
****************************
قراءة ممتعه.....

_ابتسمت بأستفزاز لتلعبين بالنار تتندمين بعدين....

_ابتسمت مثله مااندم
عفته ومشيت ماجذب خفت كُلش بس شراح يسوي يعني طالعه من فطر الكاع ميسوي شيء

شفت بطريقي جهاد

جهاد_اييي الله جابج فطيمة هاج هاي لنور

_شنو هاي الي حصة بيهن

_لا بس الها والله اذا اخذتي اعلكج بالبنكه خلي تاكل خدودها ذبلانه سوده عليه

_ابتسمت لتخاف تاكل اكثر مني ومنك عفته وطبيت لبيت عمتي
نوووووويره

نور_ها هنا بالصاله داباوع مسلسل

_شمرت العلاكه بحضنها هاي حبشكلات من ابو جهالج

_ابتسمت حبيبي اروحله فدوه

_ماسولفتلج شصار

_شكو

فاطمه_كعدت اسولفلها على هذا المجرم خرطت كلشي

_عزا لعزاج بعد ممنوع تروحين ليسويلج شي يمعوده

_ماعوفه الا اهججه منا والنبي

_نجبي فطيمان لاتصيرين نچرة براسي لايطيح حضج بعدين

_اخذت من ايدها الجبس عود ابو جهالج صاير صاروف ويشتري شفته وشافني لابس البرموده الي شتريها اله

_ابتسمت من تذكرت شلون انطيتها اله بالختله خوف وحب وحماس حبنا مستحيل اكو مثله حب على الفطرة حب اطفال وبعدها حب مراهقين وبعدها...

نور_اشتريتلك هدية عيد ميلادك واريد انطيها بيدي شوفلي طريقه

جهاد_شلون وين اكدر اشوفج بالسطح؟؟؟؟

_هايهيه اصعد هسه
عدلت نفسي وصعدت جنت قصيره كُلش مو مثل هسه جنت رابع اعدادي وهسه سادس عود هسه طولت

_ضحكت لج ها دتشوفيني لولا

_عطت واني اكمز لا دودي

_عمت عين دوديج حطي حجاره يروحي

_حطيت حجارة شفت وجه تنفست براحه وضحكت جنه عشقانين لحد الهوس من صغرنا نحب بعض مستحيل يجي حُب مثل حبنا اني وجهاد

_يانور حياتي ليش كلفتي روحج اني اجيبلج هدايا ليش تجيبيلي انتِ

_اش لتكول هيج غير عيد ميلاد حبيبي هاك اشتريتها بسرعه لان امي وياي

_لزمت ايديناتها من بين الحايط وبستها حيل اموت عليج

_ابتسمت واني هم

فاطمه _اهووو هم عادت قصة روز وجاك السطوح مامليتي منه كل يوم مكتوله بعدني بالكماط وانتي وجهاد سويه مدري شنو من بشر