قزح ١٠٧

الحلقة الثامنة

قصص واقعية ، 🌸 ':
Part 19
#قزح_107

مالي قسمه بـ كُلشي چا ظلَت عليك 💔؟

❥__ ❥

حضرت المشروبات ودنگت اجيب طاسة من الكاونتر وطفرت وانضرب راسي من سمعت صوت رجال صاح من ورايه...
حضرت المشروبات ودنگت اجيب طاسة من الكاونتر وطفرت وانضرب راسي من سمعت صوت رجال صاح من ورايه...

-اويلييييييييي قلبي الصغير لا يتحمل..

اللتفتت عليه انزل بفستاني الطافر وفتح عيونه متفاجئ، ضحك وكال..

-إيڤ؟!!

-العفو منك بس المعازيم يدخلون من الاستقبال

-لچ كبرانة هاي شنو صايره مرة

-تعرفني انتَ؟

-اني الي اعرفج

-إيڤ: هاا.. يعني انتَ من اقاربنه؟

ابتسم وهز براسه، تقرب من عندي ومد ايده يصافحني..

-بهنام

-اهلاً بنهام

-اسمي بهنام الهاء قبل النون
-ها، واني إيڤ

-عاشت الاسامي يا جميلة

-إيڤ: تفضل جوه

هز براسه ودخل جوه، رحت وراه صار عندي فضول اعرف هذا منو شو شكله اوڤر كشخة منين اجه گرايبنه..

توجه للاستقبال والطريق كله المعازيم يسألون عن احوالي ويجاملوني، دخلنه سوه وكال بصوت معتدل..

-مرحبا..

محد جاوب بس الكاعدين قريب من عدنه، اندار عليه وكال وهو عاقچ وجهه..

-واضح صوتي ناصي؟

-إيڤ: اي هوسة لازم تعيط

-بهنام: احممم يا اهل البيت مو سلمناا

اندارت بيبي وعمة اخلاص عليه وثنينهن صفنن، ابتسم بوجههن وصار يرمش بعيونه مثل الاطفال البريئه وكال..

-بهنام: هسة عرفت إيڤ منين وارثة جمالهه
-سيماء: شوكت رجعت؟

تمشى خطوتين وگعد على كرسي حط رجل على رجل وگال وملامحه جامده..

-مو مهم شوكت اجيت المهم اني هنا بين اهلي وناسي

-اخلاص ببرود: هلا بيك..

-بهنام: وينه ضلعي؟

-سيماء: مطنكر ضلعك

-بهنام: لاه ليش ماسمح بهالشي

-سيماء: روح حاجي اذا تريد

-بهنام: اي اكيد وينهم فلذات كبدي؟

-سيماء: بهنام رجاءً مالنه خلك مشاكل

-بهنام: لا لا ام السوس مو عيب مو اني ابن عم اولادج