" ဘာတွေ ဝမ်းနည်းသွားတာလဲ ကလေးရဲ့။ ဟင် ကိုယ့်ကိုပြောပြပါဉီး "
ရင်ခွင်ထဲထည့်ခံထားရသော ဟန်မှာ ဉီးဇန်ရဲ့ နူးညံ့သော အမေးကြောင့် ဝမ်းနည်းစိတ်များပိုဖြစ်လာရသည်။ ရုတ်တရက် မခံမရပ်နိုင်အောင် ခေါင်းမူးသွားပြီးနောက် အားငယ်စိတ်က ချက်ချင်းဝင်လာတာပင်။ သတိမထားမိခင်အချိန်မှာပဲ မျက်ရည်တွေကျကာ ဝမ်းနည်းသွားခဲ့တာဖြစ်သည်။
နေမကောင်းဖြစ်ဖြစ်ချင်း ဘေးမှာမိသားစုဝင်ကလည်းရှိမနေသလို သူ့အားစောင့်ရှောက်ပေးသည့် ဉီးဇန်ကလည်း အနားမှာရှိမနေခဲ့ပါ။ ထိုစဉ် ဆရာဝန်ရဲ့ဆေးထိုးခြင်းကိုလည်း ခံလိုက်ရသေး၏။
" ကျွန်တော့်ဘေးမှာ ဘယ်သူမှမရှိလို့ ဝမ်းနည်းသွားတာ။ "
" ကိုယ် မှားသွားတာ။ မနက်က ဟန် မျက်နှာမလန်းတာ စတိထားမိရက်နဲ့ ကျောင်းကိုလွှတ်လိုက်မိတာ။ "
" ဒါတော့ဘယ်ဟုတ်မလဲဗျ။ ကျွန်တော်ကိုယ်တိုင်က နေမကောင်းဖြစ်သွားမယ်လို့မှမထင်ထားခဲ့တာ။ "
" အင်း။ အခု အိပ်လိုက်ဉီး။ ကိုယ်အနားမှာရှိနေမယ်။ "
" ဟုတ် "
" အင်း "
ရင်ခွင်ထဲက အကောင်ပေါက်လေးက မျက်နှာတွေနီရဲနေကာ တစ်မျိုးတစ်မည်ချစ်ဖို့ကောင်းနေ၏။ မျက်လုံးတွေမှိတ်ထားလိုက်တော့ ဉီးဇန်က မျက်ခွံလေးကို တယုတယနမ်း၏။ ဟန် အထိအတွေ့ကြောင့် ရင်ခုန်လွန်းနေသော်လည်း အိပ်ချင်ယောင်သာဆောင်နေမိသည်။
နိုးနိုးလာချင်းတုန်းက ဉီးဇန်ရဲ့ စိုးရိမ်ပူပန်နေတဲ့မျက်ဝန်းတွေကို အထင်းသားမြင်ခဲ့ရသည်။ ဉီးဇန်ရဲ့ စိတ်မရှည်မှုဆိုတာတွေကို မတွေ့ခဲ့ရဖူးသည်က သူကံကောင်းလွန်းသည်ဟုပင် ယူဆရမည်။
လုံခြုံသော ရင်ခွင်ထဲသို့ရောက်နေသည့်နှယ် ဟန်ဟာ ဉီးဇန်ရဲ့ရင်ခွင်ထဲ အပူအပင်ကင်းကင်းနဲ့အိပ်ပျော်သွားတော့သည်။
......................
တစ်ဖက်တွင်...
ခွပ်!!!!
" တောက်စ်! အဖေ့မျက်နှာကို အိုးမဲသုတ်တဲ့ကောင်! မင်း ဘယ်ခြေလှမ်းတွေလှမ်းနေတာလဲ ပြောစမ်း! ကျော်ခန့်ပိုင်! "
YOU ARE READING
DEAREST
Romanceစိတ်ကူးယဉ်ပုံဖော်ထားသော ဇာတ်လမ်းဖြစ်သည့်အတွက် လက်တွေ့နှင့်လုံးဝမသက်ဆိုင်ပါ။ Sweet ပိုင်းပိုသွားတာမို့ အဆင်မပြေတာများရှိရင် ကျော်သွားဖို့ တောင်းဆိုပါရစေ။