بسم الله الرحمن الرحيم )
تابعوا حسابي وصوتوا حبايب
٫قراءة ممتعه
القصة فصلية ليان
بقلم : سديم
أكتب بيت وأمسح بيت
هجمت بيوت وماطلعت البگلبي.
ادافعلك واقاتل وأحمل الطلقات
واعرف بلنهايه هايه مو حربي .
___________________________________
طلعت ليان من المستشفى هيه وام محمد وبس فاتت للبيت شافت ابتسامه سهام وقربت الها وكالت
:شفتي شيصير بالتحاول تاخذ شي ماتي
ليان:يجي يوم واندمج
سهام:هههههه روحي لعبي بعيد بابا
ليان راحت لغرفتها بس فاتت شافت دمها بالارض
كعدت تبجي بحرقه وراحت لفراشها ونامت
صار الليل فات محمد لغرفتها نقهر عليها وجهها تعبان
والغرفه مبهدله اجا كعد يمها وصار يلعب بشعرها
حست ليان وبتعدت عنه
وكامت تبجي:ابتعد قاتل
محمد بعصبيه:قاتل احسن من خاينه مثلج
ليان:اولا ياشيخ تدري زين اني ماطلع من البيت لاقبل ولاهسه ثانيا انته الكتلت ولدك ويجي يوم وتتندم لان قتلته بيدك
محمد:عندج دليل يثبت كلامك
ليان تنهدت:عندي الله ينصر المضلوم واليتيم الماعنده اهل
محمد:حطي الكلام بجيبج صورج وملابسج اجتي باكيت
ليان:واذا اي واحد بالبيت يكدر ياخذها ويدزها الك
محمد:شنو قصدج
ليان:تدري قصدي زين
محمد:مجنت ادري انتي هلكد تغارين
ليان:يجي يوم وتعرف الحقيقه ورجا اطلع اريد ارتاح
محمد:يصير خير ليان الا اشوفج شنو فصيله
.......
مشيت الايام والاسابيع
سهام بشهرها ال9
وليان حملت مره الخ بس مكالت لمحمد تخاف لايموت ابنها
وام محمد تحاول تعرف الحقيقه
....
سهام:مادزلك فلوس
....:افضحج
سهام:معندي
...:بعيني اليوم اكول لمحمد على الحقيقه
سهام:لالالا
...:باجر الفلوس يمي
سهام:ماشي مع السلامه
مجانت تدري ليان تسمعها ومستغربه
(هاي شبيها خايفه ومنو راح شوف باجر وتنطي فلوس لازم اعرف)
نزلت ركض لام محمد:يمه سمعت هيجي وهيجي
ام محمد:متاكده
ليان:يي بس منو راح تقابل وليش الفلوس وليش خايفه منه
ام محمد:باعي اني باجر الحكها لان محمد ميقبل انتي تطلعين
ليان ماشي يوم
:هاي امي مو امج
باوعتله ليان صفح وراحت سوي سلطه
محمد:شونج يمه
ام محمد:زينه بشوفتك وليدي
محمد:يوم مادام علاقتج ويا ذيج قويه كوليلها خل تعقل احسن ماذيها بالشارع
ليان بعصبيه:اولا ذيج عدها اسم ثانيا اني بابا وماما ميذبوني
محمد:منو ابوج وامج غير ميتين
ام محمد:محمد اني امها
ليان بدموع:اي صح ماعندي ام واب والا مجان هذا حالي عافت المطبخ وطلعت لغرفتها
ام محمد:ليش ياوليدي والله حرام
محمد بخزن:يوم تعبتني خايف اكون طلمتها وهايف الجان بطنها ولدي
ام محمد:ولدك يامحمد
محمد:اووف طالع يم سهام
ام محمد:اي اطلع للحيه خل سمم افكارك
عافها وطلع شاف سهام تصفن
ها سوسو الصفنه مو الج
سهام بتمثيل الحزن:محمد مقهوره
محمد ليش
سهام اهلي شويه حالتهم مو زينه هاي الفتره
محمد اي؟
سهام. اريد شويه فلوس اشتري بيها ملابس لخواتي
محمد طلع فلوس ونطها شكد متريدين اخذي
سهام كامت بحضنه وكعدت الله يحفظك الي حبيبي....
يتبع....
