الكاتبة نور محمد....
البارت ما قبل الاخير ،،،،،
#خيبة_امل
#البارت18
.
.
.
نفس: چنت متوترة و هيه اجت تريد تحچي معاي توترت بالأزيد گلت هسه تجي تسمعني حچايه بهاليوم بس ارتاحيت من گالت.....
الحجيه: بنتي لا تخافين هو يحبچ و اكيد مراح يأذيچ
نفس،بصدمه: هاا بس...
.
.
.
الحجيه: اعرف انتي خايفه و هذا الخوف كل البنات يمرن بيه بس انتي حالتچ خاصه
نفس: لي.. ليش يعني..
الحجيه: يجوز بسبب الماضي الي عشتيه لان صعب على بنت تعيش الي انتي مريتي بيه و تبقى قويه مثلچ
.
.
نفس: انتي انتي واثقه مني مو و مصدگتني لو لسعچ
الحجيه: اي واثقه بس چانت كل معاملتي معاچ يبنيتي خوفا على هالعيله بس هسه انه متاكده انچ البنت المناسبه لأسد و لهاي العيله وبعد صرتي وحده منه وبينه
.
.
.
نفس، ببچيه: والله خايفه اصده خايفه اتذكر الماضي و ابعده عني
الحجيه: اسد يحبچ و لا تخافين منه اعتبريني امچ و اسمعي نصيحتي لا تردينه حاولي تنسين
.
.
نفس: گمت عليها و گلت اليه الشرف والله انو يكون عندي ام مثلچ هيه حضنتني و بقت تحچي لي و تشرح شراح يصير و شنو اسوي متت خجل والله صح انه
.
.
.
دكتورة و اعرف كل هاي الاشياء بس مثل ما يگول المثل أسأل مجرب و لا تسأل حكيم😂😂
بعدها سمعنه الزفة اجه حبيب گلبي و زفو للغرفه ....
.
.
.
أسد: يعدما وصلنه للبيت اصدقائي ظلو يدبچون چوبي و بقيت يمهم برا لحد العشرة و نص بالگوة فلتت منهم😂 صعدوني بالزفه للغرفه احس و كأنه هاي اول مرة انزف لعروستي اي والله هاي نفسي مو اي وحده طبيت للغرفه شفت بيبي استغربت و خفت لا تكون مزعله
.
.
نفس بالكلام بس نفس چانت مدنگه حسيت راسها حينكسر بسبب الخجل😂😂كل شي ما فهمت
المهم طبيت و استقبلتني بيبي بست راسها و ظلت توصي بيه على نفس ياااا صدمة بالنسبه الي چانت
.
.
.
يعني هي بيبي حبابه والله بس مچنت متوقع تتصلح العلاقه ابينهن هي و نفس بس حبيبتي محد يگدر يظل زعلان عليها فدوة لربها چنها ملاك و الكل تحبها☺️
طلعت بيبي و سديت الباااب😂🙄....
.
.
.
نفس: بعدما طلعت الحجيه اسد ظل صافن عليه واگف يم الباب صح چنت خايفه بس من كلام الحجيه قررت انسى هالخوف او اتجاهله اليوم لازم كل شي يكون تمام
.
.
أسد: سديت الباب و تذكرت حچي الدكتورة لمن گالت لي حتى اذا تلهفت الها لا تخليها تخاف منك حتى لا ترجع تتذكر الماضي و قررت اتعامل معاها بكل هدوء اقصد احاول 😂
.
.
.
گلت و انه اتقرب منها ؛ شلونچ يمريتي و ام بيتي و جهالي
نفس: بخجل، جهالك
أسد: اي جهالي اريد املي البيت جهال 😂🙄
نفس،بضحكه؛ چم واحد راح تتبنى😂
.
.
أسد: اشو اتبنى لعد هالعضلات. المن😂😉
نفس: هههههه چم واحد تريد
أسد: انتي شگد متمنيه
نفس؛ امممم بصراحه ما اعرف ما بيوم فكرت
أسد: اي عادي من اليوم نفكر و حتى بالاسماء هم😂
.
.
.
أسد: يلا حبي روحي غسلي و توضي و تعاي نصلي ركعتين
نفس: چنت احاول ما ابين توتري بس من گال روحي گبل فلتت ظليت بالحمام فترة احاول انزع البدله چانت مثل القيطان حتى مو سحاب😢 طلعت و وگفت گباله
.
.
.
چان متمدد على الچربايه ابتسم لي و گام
أسد' شفت ايديها ترجف خليتها تروح تبدل حتى نصلي كون الله يوفقنه شويه و طلعت لسعها بالبدله رفعت راسي وهي ظلت واگفه ما حچت عرفت السالفه ابتسمت و گمت فكيت القيطان و احس حرارتي صعدت
.
.
.
ما گدرت ابعد عنها شميت رگبتها قوي و بست ظهرها وچان تسحب نفسها و گالت...
نفس، بتوتر: انه انه اروح اغسل
أسد، وهو يفرك و جهه: ها اي اي روحي
.
.
.
نفس: غسلت و لبست دشداشه قصيره ربع ردن هنه. حاطات كومه سيتات نوم بس انه لابسه مستور
و ارجف انوبه فاضح😂🤦
طلعت و لبست رداء الصلاة و صلينه و قدم لي الصينيه مالت الاكل و اكلنه شويه لان اصلا احنه اكلنه بالقاعه
.
.
.
أسد: طلعت من الحمام يااابوي شنو من جمال و انوبه قصير دخت گالت لي روح توضء حتى نصلي و انه اصلا فاقد ولچ مو شعلتي جد جدي 😂 صلينه و وكلتها كم لگمه ورجعت الصينيه على الميز وهيه گامت گعدت على الچربايه ابتسمت ورحت يمها و گلت
.
.
.
أسد: حبيبتي انه من هذا اليوم اقطع عهد على نفسي ما ازعلچ بيوم و اذا صار ابينه خلاف مستحيل انام و انتي زعلانه و اريدچ هم توعديني و ما نظم شي عن بعضنا
نفس: اي ماشي أسد ممكن اطلب منك طلب
أسد: عيونه لأسد اتدللي
.
.
.
نفس: أسد انه صار لي سنين احاول انام بدون دموع بس ما بيوم گدرت إذا اكون وحدي ولا بين ميت شخص لازم باليل يا اما بچي او كوابيس بس ، بس بهذيچ الليلة من بقينه سووا بغداد تتذكر مو
أسد: وشلون انسى اول ليله النه
.
.
.
نفس: اي🙂 بهذيچ الليلة اول مرة ما ابچي و لا احلم ولا افكر بأي شي اول مرة انام مرتاحه أسد توعدني لو مهما چان الخلاف ابينه ما تروح بعيد عني احضني اذا صديتك حاول تكون معاي و من يجي الليل نظل سوا
.
.
.
أسد: الف طلب مثل هالطلب من عيوني اصلا انه الممنون اذا بقيت يمچ انه بس هنا﴿ حط ايده على گلبها﴾ راحتي و حياتي و بس يمچ احس عايش و اتنفس
تقربت منها اكثر و بديت اشم بعطرها. و بشعرها و
.
.
.
بستها بهدوء انه من ما تبادلني اشتعل و اصير مثل الوحش خفت أأذيها بعدت عنها وانه گاضب وجها بأيدي
اثنينهن گلت
أسد، بهمس و شغف: بادليني
.
.
قبل ما اعرف جوابها حتى رجعت لشفايفها و نفذت طلبي وكلش فرحت و و و و. تم كلشي الحمدلله اخذت نيشانها بس انه قراري ما احد يشوفه لان انه مستحيل
.
.
.
اخليها بهيچ موقف محرج خفت لا تعتقد ما واثقين بيها بستها براسها بس هيه كلش تأذت حتى دموعها نزلن حضنتها قوي چانت تتلوا من الالم عصرني گلبي عليها
.
.
أسد: حبيبتي گومي اسبحي بمي دافي يعمري گومي
نفس: خدرت ابين ايديه و خاصة من گال بادليني چان شعور الخوف بگلبي بس ما گدرت امنعه من الي چان يتمناه و اخذني و حسيت بطني
.
.
.
تتگطع من الالم بچيت بهدوء هو رفع راسه و باسني براسي و حضني چان يحاول يخفف من المي گمت سبحت. بمي دافي و الالم بعده طلعت لگيته معدل الچربايه و اول ما شافني اجه شبه ركض حضني و گال
أسد؛ بلهفه اسف يعمري 🥺 شلون صرتي هسه
.
.
نفس،بخمول: عادي لا تعتذر احسن صرت
أسد: هاچ وهذا مسكن اخذي
نفس: اخذت المسكن و قريته چان خاص بهذي الالام .
.
.
سألته منو الي جابه و گال بأبتسامه
أسد ' ههههه حسبت حسابي بس هو كل دكتورة الا تقرا العلاج يلا تاخذه😂
.
.
نفس، بأبتسامة: ههه ما اعرف يمكن
أسد: يلا حبي ارتاحي و انه طالع شوي
نفس: راد يطلع بس النيشان ما اخذه گلت: اسد ما
.
.
اخذته و اشرت على النيشان
أسد: هاا ذكرتيني ،، اخذه و حطه بعلبه بدولاب وراد يطلع گلت؛ ما راح تشوفهم
.
.
أسد: تقرب مني وگال: هذا محد يشوفه غيري
باسني بشفتي سريع و طلع بس بصراحة فرحت يعني اكدلي انو راح يكون سندي ضد كلشي بهالدنيا شويه وسمعت الهلاهل گامت واجن البنات و باركن لي وظلن يحشسن براسي😂 و رجع بال12 ونمنه
.
.
.
.
أسد: الكل باركو لي الهلاهل طرشتني طرش😂
ظليت يم ربعي لل 12 ورجعت شفتها تعبانه يمكن لسعها تتوجع ما تقربت منها حضنتها و نمنه و هسه صار النه 3 شهور متزوجين احلا ايام حياتي معاها وحبنه دا يكبر اكثر و اكثر
.
.
نفس: مرن 3 شهور وانه و أسد احلا اثنين مرات تختلف ارأنه و نرجع نتعارك مثل گبل و اكثر بس بالنهاية بأبتسامه وحده من واحد منه تنتهي العركه حالتي النفسيه رائعه لان من خلصنه شهر العسل بتركيا و رحنه
.
.
لمصر و اسبوع بلبنان رجعنه لبغداد اخر اسبوع و خلاني
اتعرف على الدكتورة النفسيه كلش حبابه و بديت
.
.
احچي الها قصتي من البداية ما بيوم فكرت اروح لدكتورة نفسيه ما اعرف ليش و شنو السبب بس ما خطر ابالي هيچ فكرة طبعا
.
.
رحنه لأهلي ﴿ اهل عمر﴾ 3 مرات و چنه دوم نظل للمغرب و يرجعنه الاستاذ أسد ما يخليني يوم بعيده عنه و انه هم ما اريد ابعد عنه اخذنه نقل الي و اله لان
.
.
نوينه نستقر بالبصرة اااه يالبصرة عشت نص عمري مشتاگه لهواچ،، واسد رجع احسن من گبل مثل ما يگولون و الاحلا انو رجع يصيح ورد بنيتي هيه من
.
.
.
صاحها أول مرة انصدمت و من طلع اجت تركض وحضنتني قوي و ظلت تتشكر بس انه ما سويت شي من صدگ🙂
.
.
گبل شي شهر او اقل بشوي چان يوم خميس اسد اجه العصر من المضيف و احنه چنه كلنه بالأستقبال حتى بنات عمه وگال
.
.
أسد: خويه ام حسن ﴿ زوجة ابراهيم﴾ باچر يجوني اصدقائي من محافظات و اريدن تحظرين الي خوش غدا
.
.
مرة عم أسد؛ چاا و مريتك شني ما تعرف
سماهر ﴿ بنت عم أسد ﴾ تحبه بنفس الوقت 😒
طبعا الدكتورة ما تعرف تتطبخ نازكه غير
.
.
أسد : سمااااهر احچي عدل و مريتي ما اريدنها تتعب
نفس: باوعت الها شگد شطت من القهر غير هيه ما تعرف طبخي وانه عمري 15 سنه واگفه على جدر اكبر
.
.
من عمري بس ظليت ساكته اريدن اعرف شراح يحچي اسد من گال هيچ ابتسمت اله و گلت: حبيبي انه اطبخ هم خطيه ام حسن تعبانه
.
.
ام حسن ؛ لا يوو چاا شني السالفه انه اطبخ مثل كل مرة
سماهر ،ضحكت استهزاء: ههه اي طبعا الاكل ما يريدوه محروگ
.
.
.
الحجيه: كااافي و الغدا چنتنه الجديدة تطبخه
نفس: اي بيبي
أسد ' بس ...
.
.
نفس: الغدا انه راح اسويه و هسه تحظر حتى تجيب لي النواقص بس گلي شنو رايد شي محدد لو بكيفي
أسد: بهمس: نفس اذا ما تعرفين خلي ام حسن تط...
نفس: قاطعته و گلت بنتر: أسددد گلت انه يعني انه لو ماكو ثقه
.
.
أسد؛ يمه يمه ههههه يلا بكيفچ حبي بس لا تعصبين🙄
أسد: يعني نفس بعمري ما چنت متوقع تعرف تتطبخ و بيني و بينكم خفت لا الغدا يكون موش زين بس هيه عصبت و تكفلت بالموضوع خليت فهد يشوف النواقص
.
.
الي يمها و سألتني شنو اريد صفنت عليها هم تگلي اختار😂 خفت ازود طلباتي و ما تگدر گلت بس تشريب و تمن و السوالف هاي صدمتني من گالت
.
.
نفس: يااا وتريد ننفضح يم ربعك شني تشريب فهد هسه راح اكتب لك القائمه وما اريد نقص خيو
فهد: من عيوني
نقس؛ تسلم عيونك خويه
.
.
نفس: وانتي سماهر و عمه ام علي﴿ ام سماهر﴾ باچر يمنه على الغدا
سماهر؛ اي ليش ما نجي راح نجي من الغبشه حتى
.
.
نساعدچ
نفس،ببروود: لا حبيبتي تسلمين تعاي تونسي وبس
لان عيب نشغل الخطار😉
.
.
أسد: اباوع لنفس اكلت سماهر اكل 😂😂 بس غير تستاهل توني اتطمن على نفسي بغيابي طلعت گويه ولا هيه من زمان گويه من ضربتني راشدي طير خدي من اول ما شفتها😂🙄﴿ تتذكرون مو😉﴾
.
.
نفس: راحت الغثيثه طگگت گلبي شگد مايعه ضحكنه انه و البنات و گالن راح نساعدچ بس انه رفضت باچر انه راح افرض وجودي هنا مرت الضابط أسد 😎😂
اجه فهد المغرب جايب كل شي اعتازه خلصنه من العشا
.
.
و غسلنه المواعين و نضفنه المطبخ گعدنه شوي و كلمن راح لغرفته أسد معزوم يم صديق اله و ما اجه ضجت وحدي نزلت للمطبخ و بديت اسوي بالدولمه و بال10 و نص كملت سويت 3 جداري شويه وسط لان الجدر
.
.
الچبير تروح الطعمه بيه و حطيتهم بالثلاجه حتى باچر ما احتار بيهن خابرت أسد و گال راح اتأخر گمت سويت كبه تقريبا 50 كبايه ايديه راحن بهذيچ الليله بس چانت مسألة تحدي اثبات وجود😂😂😂
.
.
خلصت بال12 ألا گمت باوعت بالثلاجه كلش جعت اكلت كعك احنه مسوي البارحه و چان اشوف عجين بقلاوة انه اعرف اسوي العجينه چنت اتلهى بالعطله
.
.
بالاكل اتعلم و اكل😂😎 بس العجين الجاهز اسرع طبعا فه سويت 3 صياني و حطيتهن بالفرن و گمت اغني و اغسل بالورطه الي صارت بالمطبخ😂
﴿ اسوء فقرة😂😂﴾
ما حسيت غير على ايدين حاوطتني ...
.
.
أسد: عزمني صديقي و بقيت يمه لل11 و نص ترخصت منه و بالطريق شفت محل فاتح اخذت علاگه نمنميات لبنيتي و رجعت چان البيت هدوء بهيچ وقت الكل نايم من زمان ردت اصعد للدرج سمعت صوت جاي من
.
.
المطبخ رحت و چان اشوف حبيبتي تغني و تتمايل وشعرها معاها يروح و يرجع دخت بيها صوتها سحر كلش حلو صار شكثر من تزوجنه و لي هسه من اشوفها
و كأن اول مرة اشوفها و حتى هيه بكل مرة من اتقرب
.
.
الها تفقد اكثر من القبلها حضنتها و هيه خافت
نفس: هييييئ يمه منو
أسد: اششش حبيبتي شبيچ انه
نفس: گضبت گلبي و گلت: ااااااه أسد موتتني خوف شبيك هيچ لا حس و لا نفس
.
.
أسد: مو انه اختنگت و مدا اگدر اتنفس و اجيت اخذ اوكسجيني
نفس، بدلع: خلصنه نفس و اوكسجين حبيبي شوف الساعه شگد عزلنه يا حلو🙄😉
.
.
أسد: انوب تتدلع ياابوي احترگت گبل انقضيت على شفايفها و كأن هاي اول مرة ابوسها تبادلني و ترجع تدفعني 😂 اخر شي حسيتها اختنگت بعدت عنها و چانت تتنفس بصعوبه😂
.
.
.
أسد: أسسف بس والله چنت مخنوگ
نفس : وهيه تسحب نفس/ يعني انته مخنوگ و تجي تخنگني معاك والله سالفه😂😂
.
.
أسد: حاوطت خصرها بأيدي و گلت : احبنچ اوووف انتي شدا تسوين بيه مو انه يوميه و كأني اول مرة معاچ شسالفه ساحرتني😉😂😂
.
.
نفس: يووو اصلا اسمع السحر بس من يمكم يجوز انته ساحرني😂😂
أسد: بستها بهدوء و چان اشم ريحه ﴿ لأ مو عطرها😂﴾
ولچ نفس شنو هاي الريحه
.
.
نفس: يا ريح... عاااا البقلاوة راح تحترگ من وراك
أسد: ولچ يا بقلاوة 😂😂
طلعت الصينيه من الفرن اوووه شني هاي باع الشكل يخبل هاي انتي سويتيها
نفس: اي انه شنو مو بعينك
.
.
أسد: لا بعيني و نص و بگلبي حتى بس نزاكتچ مدا تخليني اقتنع😂
نفس: لا حبي اقتنع 😏😂
.
.
.
أسد: ليش مسويتهن اذا مشتهيه شي گولي اروحن هسه اجيبه
نفس : لا حبيبي انته تأخرت گلت الهي نفس بشي ليما تجي يلا امشي ننام اصلا كملت
.
.
نفس: صعدت سبح اسد و اجه يمي جايب حلويات چنت ميته تعب وما ردت منه بعدتهن عنه و حظنته قوي من صدگ مشتاگه اله هو ما صدگ,, يگلي انتي گايمه تتحارشين بيه 😂😂
.
.
گعدت الصبح من 8 على المنبه نزلت تريگنه و كملنه و بديت بالأكل سويت القوزي و حظرت برياني بصفه و البنات حاولن يساعدني بس انه طردتهن😂😂
وسماهر اجت من العشرة تراقب تشوف احد ساعدني او
.
.
لأ خلصت كل شي خليت عليهن الزلاطه و صعدت سبحت و صليت و كشخت لبست فستان ناعم وردي فاتح و بيه و ورود حمر بالحاشيه و لبست شال احمر
.
.
مكياج خفيف وتعطرت و نزلت اجوي الخطار من ال11 بس گالو الغدا ينصب بال12 و نص اجه أسد حسيته خايف لا اكو شي ناقص و طب للأستقبال و طلع معصب
و اجه و گال....
.
.
يتبع ......
الكتابة نور محمد....عَࢪفِتَڪ صدِفِهہ وبيِڪِ حٰبيِتَ اݪحٰيِآﮪ 🤍🥺.
انت حكايتي الجميلة ، التي لا اريدها ان تنتهي 🤍
أنت تقرأ
خيبة امل
Romanceالقصه تتحدث عن فتاة تتعرض لخيبة الامل من اقرب الاشخاص لها و عجزها في الدفاع عن صدقها مما يحطم قلبها الصغير في اول ايامه ليغلق ابوابه على نفسه في تلك الغرفة المظلمه التي تتكون من اضلعها فتخبئ تلك الجروح التي لا زالت تنزف و كأنها للتو بدأت ولكن هناك...