السجيـن " بـ اللهجـة العراقيـة "

البـارت الـ16

#السجيـن

بـ قلـم الڪاتبـة : فاطمـــة مُســـلم

تـدنالي ولك واحنه بـ بداية ليل

ريـت الشمـس رمدة وعمـر ماتطـلع ..!

♡♡♡♡♡♡♡♡♡♡♡♡♡♡♡♡♡

ورا العشه طلعت اني ونـور للحديقـة كاعدين نسولف واجتي يقيـن كعدت يمنا ضلينا نسولف ونضحك واخذنا الوكت فتحت تلفوني بعد ما سمعت صوت رساله باوعت جانت من علي رفعت عيني ؏ الساعـة بـ11 بـ الليل دخلت المحادثة جان كاتـب :- ريا

- نعـم ؟

- وين انتي جيت للغرفة ما لكيتچ

- بـ الحديقـة كاعده .. ليش

- اريد احجي وياج

- اي كول

- باجـر نروح نعقد محكمـة

- شبسرعه

- مو بعد يومين ترجعـون لبغـداد

- اهاا اي صح

- اي عود باجر بـ 9 انروح

- تمام

- يلا نامي ليش كاعده لهسه

- بعد وكت

- مو باجر لازم تكعدين من وكت

- هو شويه ونام

نهيت المحادثـة وطلعت من الواتساب رفعت راسي لكيت نور حاطه راسها بـ التلفون ضحكت وكتلها :- عزا هاي صدك تحجين

- دشوفي شلون خايف عليج لا تسهرين

ضحكت بصوت عالي وكتلها :- هاي شبيج امي

- صدك باجر اجي وياج

- علوا تعاي

- تمام لعد تعاي نصعد انطلع ملابس انشوف شنـو نلبس

صعدنا للغرفة ونور طلعت ملابس الها وضلت تختار تالي ختارت فستان وسألتني :- وانتي شنو راح تلبسين

- ما ادري حايره

- شو طلعي ملابسـچ خلي انشوف شي حلو

كمت طلعت ملابسي وضليت حايره باوعت شفت بنطرون ابيض نسقت ويا كيمونه بيضه وفوكاهن البس ستره لون مورونـي شافتهن نـور وكالت :- ريا ترا لبسج رسمي مو مال عقد محكمـة

- عادي حبيبـي بالعكس حلوو

- مدري بعد بـ كيفـچ

- اني راح انام بعد لأن باجر لازم اكعد من وكت

- اي اني هم راح انام

كمت عزلت الملابس واخذت تلفوني ورحت تمددت ضليت شويه العب بـ التلفون بعدها طفيته ونمـت...

كعـت الصبـح ؏ صـوت امي وهي تكول :- يلا ماما كومي تحضري ما ضل وكت

- تمام ماما كايمه هسه