____
نهوة ابن عمي
اديان: انتي داتفاجئيني صراحتا
صبا: ليش عيني
اديان: شو مدا تغارين
صبا: شنووو هههههههه يمه متت هههههههههههههه اغار ههههه
كمت اضحك بسخريه
اديان: ولج شبيج تخبلتي
صبا: ع شنو اغار خل يتزوجها ب اسرع وكت حته اخلص منه يكابل مرته ويكعد
اديان: لعد شنو انتي
صبا: اني بس بالاسم مرته
اديان: شلون يعني
صبا: استغفر الله هيج ماكو شي
اديان: مممم فهمت بس تدرين انتي ثوله
صبا: ليش
اديان: لانج مداتكسبين حبه لو كسبتي حبه راح تعيشين اميره لانو اول وتالي انتي هنا مصيرج وذا تزوج حبيبته صدكي راح تندمين لان بعد مالج فرصه تكسبين حبه
صبا: وانتي من كل عقلج تحجين حياتي اديان اني رايحه اساعد امج خطيه لانو كالت الي نظفي واني كلتلها بعدني عروس فعيب مني هل تصرف اروح حته متاخذ نضره عليه
اديان: براحتج بس فكري بكلامي زين و هم يكولون ابن عمي شيال همي انتي ليش كارهته
صبا: هه يا شيال همي قصدج شيال فرحتي
اديان: كبرر امشي امشي مو مال نصيحه
طلعت رحت نظفت كملت جان بيتهم صح جبير بس اصغر من بيتنا محسيت بالتعب لانو متعوده كملت رحت للمطبخ وكعدت اتاني ضرغام يجي حته اصب الغده طلعت فوني ضليت اللعب بالفون لحد ما اجه ضرغام رحت صبيت غده وتغدينا ورحنا اني و اديان نغسل مواعين كملت صعدت للغرفه وكعدت ع كرسي مال ميز وجان ضرغام كاعد ع جربايه يدخن ويباوع الي
صبا: خير شكو تباوعلي هيج
ضرغام: نعم شنو اكو لافته ممنوع النظر وحضرتج تحجين هيج
صبا: يوووه اكلك تره مابيه حيل اتعارك وطفي جكارتك ختنكت
ضرغام: ونعم التربيه خووش اداب عندج ومثلا شتسوين اذا مطفيتها
صبا: ضرغام تره دايخه وربي طفيها ختنكت شبيك متحس
ضرغام: مممممم لا ماحس
كام يمشي بتجاهي و وكف يمي ورفعلي حاجب
صبا: شبيكك انت شنو مداتسمعني
دخن بوجهي كمت اكح وصحت عليه
صبا: هيييي ضرغااااامممم كاااافي شبيكككك انتت متكليييي
ضرغام: مابيه شي بس شفتج نزعجتي وحبيت ازعجج مثل ماتزعجيني
صبا: هه يمته زاعجتك اني
ضرغام: اي غبي روحج من اجيناكم ولا عندج احترام ولا تكولين ابن عمي عيب بس هسه زوجج وشسوي بيج اسوي حته لو اذبحج محد راح يحجي
صبا: شو انت نقذتني وكمت تمن عليه تره انت حطيت ايدك ع نار مو اني كتلك تعال ساعدني ولا كعدت اتوسل بيك
ضرغام: وهسه كملتي حجيج
عافني وطلع هزيت ايدي ..
اجه ثاني يوم جنت بالحوش اني و اديان نسولف
ندك الباب طلعلهم ضرغام طلع منذر و سامر سلموا ع بعض وفرحانين صارلي هواي مشايفتهم كبرانين ومتغيرين
ركضت اديان شبكت اخوانها وفرحانه
واني واكفه بمكاني
منذر: هاي صبا مو
ضرغام: اي
منذر: ما شاء الله كبرانه وصايره مره بس انت هم يا خويه دير بالك عليها متلكه مثلها
ضرغام: خويه هسه تفضل معليك بيها
سلمت عليهم ودخلوا جوه عمتي صاحت اسوي جاي رحت اسوي جاي واديان ودته
رحت كعدت ع الدرج
اجتي اديان
اديان: ولج شبيج صبا خاتله هنا شكو كومي
صبا: لا ماريد
اديان: ولجج شنو تستحين هذوله ابناء عمج مو غربه ع شنو تستحين شو هسه يلا نكلبتي البنيه الخجوله
جرت ايدي وكومتني كعدت يمها وساكته وهم يسولفون
سامر: صبا شلونج هم بعدج ام لسان مثل قبل لو تغيرتي
ضرغام: هي هسه بلعت لسانها بس مشايف لسانها شلونه رشاشه وترمي عبالك
سامر: ههههههه
صبا: احمم اني ما بلعت لساني بس شنو تريدني اسوي غير لازم احترم
ضرغام: ما شاء الله هسه يلا عرفتي الاحترام
صبا: اعرفه من زمااان بس استعمله ويه اليستحق فقطط
خزرني مهتميت سكتت وصعدت لغرفتي
ومرت الايام عاديه لمده شهر اجوي بيت ام سرى يلي هي الساعه السوده يلي اجو بيها
ضيفناهم وسلمت عليهم ووحده تسلم من وره خشمهه مرتاحيتلها اكيد هي هاي سرى
يلي عرفته من اديان
انو خواتها 2 سجى 18 و ريم 27 متزوجه بس مجايه بس سجى
جان يكوم ضرغام وره شويه كالت سرى تريد تشرب مي كالت الها اديان هي تجيبلها كالت لا اني اجيب
اني كمت نيتي اروح لغرفتي بس سمعت صوتهم
سرى: حبيبي الى متى هاي تضل هنا
ضرغام: سرى افهميني مداحجي هندي داكلج ماكدر اطلكها بس ما راح اعوفج راح اتزوجج واني اصلا ممعتبرها زوجتي
سرى: وشنو اليثبت بيوم عرسك گلبي تكطع كوه لازمه روحي
ضرغام: جان خنتج وياها لو احبها
سرى: ماشي بس ماستحمل اشوفها وياك
ضرغام: داكلج ما حبها وهي اصلا ممهمته للموضوع ومعاجبها زواجنا اني ووياها ليش مكبره الموضوع واتعاملي وياها تعامل حلو هاي مخبله كلشي تسوي
سرى: ميخالف لخاطرك انت راح ما اتعارك وياها وهسه من رخصتك
رادت تطلع ركضت لغرفتي و ....
يتبع
أنت تقرأ
نهوة ابن عمي
Mystery / Thrillerالعبرة م̷ـــِْن قصتي ارضو باليكتبه •اللّـہ̣̥ الكم لان هو الراح يختار الكم الشي الصح والشي الراح ترتاحون. اله مهما تعذبتو مهما عشتو سنوات قاسيه عليكمم مهمت صار الكم اصبرو الصبر مفتاح الفرج كلشي بي حكمه كونو قنوعين بالشي الييرزقه ربكم الكم واحمد ع كلش...
