وكما هو متفق عليه بعد الإجازة سوف نجتمع في استراحة البوم لنتشارك ما توصلنا إليه.
/ عملت ايه يا هاري انت ورون لقيتوا حاجة مفيدة؟
هاري: اسكت ياعم متفكرنيش.
هنزو: ليه حصل ايه؟
هاري: هرمايني قالتلي ادور في القسم المحظورة من المكتبة وروحت فعلاً بس فيلتش طب عليا وكان هيقفشني، بس نجوت يعني وكده ولكن ملقتش أي حاجه.
رون: وانا كنت نايم الصراحه ملحقتش ادور.
هرمايني: انا مش قادرة اصدق انا ازاي كنت بالسذاجة دي، خليتكم تدوروا في المكان الغلط، لما كنت بقرا ده كنوع من القراية الخفيفة عرفت مين هو نيكولاس فلاميل وايه الحاجة اللي مستخبيه.
وأشارت بيدها الي ما كتاب كبير.
رون: بلوضي هيل، انتي بتسمي ده قرايه خفيفة.
بطه: هو مين نيكولاس فلاميل ده؟
هاري: انت مقولتلهمش!
/مكانش فيه داعي لأني افتكرت نيكولاس فلاميل ده والحاجة اللي هرمايني بتتكلم عنها هي حجر الفلاسفة.
هرمايني: ايوه مظبوط، الحجر ده عباره عن حجر احمر اللون بيقدر يحول اي معدن لذهب صافي ولكن مش ده سبب شهرته سبب شهرته انه يعتبر مادة أساسية في اكسير الحياة والحجر بيعود لمالكه وصانعه الوحيد نيكولاس فلاميل.
سلامندر: سنايب مدرس في هوجورتس ومظنش انه محتاج ذهب ده واكل شارب نايم ببلاش طول السنه وهما كلهم تلات شهور وبعدين بيرجع تاني.
دودو: اما حوار اكسير الحياة، فانا مظنش انه من الناس اللي حابه الحياة للدرجة دي.
هاري: منعرفش لسه ايه السبب بس هو اكيد سنايب.
معزة: انت جايب الثقة دي كلها منين انه سنايب.
نظر الثلاثي إلي بعض ففهمت بانهم يتحاورون فيما بينهم ما إذا كان يجب ان يخبرونا ام لا وانتهي هذا النقاش بحديث هرمايني قائلة: احساس، هو عنده احساس ان سنايب شرير وانه عايز يضره وكمان حادثة الكويدتش.
معزة: حادثة ايه؟
رون: سنايب كان بيعمل تعويذة علي هاري عشان كده ف نص الماتش هاري بقي رايح جاي وكان هيقع من علي العصاية.
/ عشان كده حرقتيله العبايه بتاعته.
هنزو: هو ده كان انتي، عاش.
بطه: شوف انا حبتها خلاص.
سلامندر: عشان كده بيقولوا عليكي اذكي ساحره في سنك، اعرف ناس من سليذ لسه ميعرفوش يلقوا تعويذة incendio.
دودو: أولا انا مبحبش استخدمها لاني مبحبش اللعب بالنار ثانيا النار اللي كانت ماسكه في سنايب كانت برتقاني واخد لبالك incendio بتطلع نار برتقاني محمر ف إذا دي مش incendio دي lacarnum inflamari وبهذا اختم مرافعتي سيدي الرئيس.
هرمايني بانبهار: صح فعلا انا استخدمت lacarnum inflamari.
دودو: خدي الحلاوة دي متغلاش عليكي.
تناولت هرمايني الحلويات وقد احمرت وجنتاها من الاطراء.
معزة: انتي جيبتيها إزاي من المسافة دي؟
دودو: يامري، انت بتحسدني يخربيتك.
هرمايني: طب نظراً لان واضح ان مفيش معلومات تانيه خلونا نتكلم عن ايه تعاويذكم المفضلة؟ وهل ممكن تعلموهالنا؟
قضينا مايقرب من الساعتين ونحن نتسامر ونتشارك المعرفة ونضحك تارة ونصمت لنستمع لاحدنا وهو يتحدث بما يثير اهتمامنا تارة أخري ولم يمنعنا من ان نكمل سهرتنا إلا اقتراب الساعه العاشرة مساء فانفض الاجتماع وخرجنا منه مثقلين بالأسئلة اكثر مما بدأنا.
في اليوم التالي، كنا انا وهنزو متجهين إلي درس الجرعات ودارت بيننا ماحدثة كانت كالآتي.
هنزو: فكرك مخبين علينا ايه؟
/ علمي علمك.
هنزو: لا يراجل انت هتصيع عليا.
/ في ايه؟ ايه التحول ده؟
هنزو: الكلام ده تقوله لأي حد الا اختك يلا، انت ناسي اني عارفه انك ليجلمنس ولا ايه؟
/ ياستي مش ناسي بس في خصوصية وكده وانت فاهمه بقي.
هنزو: خصوصية مين يابو خصوصية انت كنت مركز مع الواد.
/ عادي مانتي برده كنتي مركزه معاه ولا هي جت عندي وحرمت لا مؤاخذة،ثم لازم يكون فيه تواصل بصري عشان اقدر أستخدم قدراتي.
هنزو: ولا انجز انت عارف وانا عارفه انك مولود بمهارة عالية وبتقدر تستخدم القدرة بتاعتك من غير ما تقول التعويذة او تعمل اتصال بصري، فلخص وقول عرفت ايه؟
/ حاضر، ده ايه الهم ده، عرفت ان سبب شكهم في سنايب هو ان هاري لما راح القسم المحظورة وفيلتش كان هيقشه هرب ولكنه وف طريقه شاف بروفيسور سنايب زانق بروفيسور كويريل في الحيطه وبيهدده وقاله انهم هيتقابلوا تاني لما يحدد ولاءه لمين.
هنزو: لمين بقي؟
/ معرفش ملحقتش، أصل الواد عقله مفتوح علي البحري، تصدقي انهم كانوا منومينه تحت السلم وابن خالته الغلس كان بيتعمد انه يفضل طالع نازل طالع نازل ويهبد ع السقف عشان يصحيه ده كانوا معيشينه ف عذاب.
هنزو: يخربيتك يعني انت سايب المهم وقاعد بتاخد جوله في احزان الولا.
/ ياعم هي الاحزان والمخاوف دي بيبقوا ف الأول ف انا اضطريت اعدي منهم وهما كانوا كتير قوي الصراحة لحد ماوصل للمهم.
هنزو: انت امتي هتعلمي الليجلمنسي؟
/ أما نخلص من الصداع ده ثم الفكرة انك محتاجه حد تتمرني عليه وانا صدقت مقفلت عقلي وحصنته الصراحه ف اول مهلاقي متطوع اهبل يوافق هنبدا علي طول.
بعد عدة أيام وأثناء تجمعنا في القاعة العامة وعلي طاولة سليذرين.
بطه: شوفتوا حصل ايه امبارح؟
دودو: حصل ايه؟
بطه: الواد دراكو أخويا فتن علي الواد هاري ورون والبت هرمايني وخلي مكونجال تعاقبهم.
هنزو: تعاقبهم! ليه هما عملوا ايه؟
بطه: عشان كانوا برا الحجرة العامة لجرايفن في وقت الحظر.
سلامندر: طب وهو الواد ده عرف ازاي يعني؟
بطه: ماهو هو برده كان بره الحجرة العامة لسليذ في وقت الحظر و مكونجال عاقبته معاهم برده.
هنزو: يستاهل.
دودو: اخوكي ده كلاون قوي.
بطه: حصل، ومش بس كده عارفين العقاب كان إيه؟
هنزو: ايه؟
بطه: انهم يطلعوا مع هاجريد ويروحوا الغابة المحرمة.
دودو: بجد!
بطه: اه بجد، ومش بس كده كمان بعد مادخلوا انفصلوا عن هاجريد هو وهاري.
هنزو: ينهار مش فايت!
سلامندر: هو مش المفروض في خطر علي حياتهم كده؟
بطه: ماهو كان معاهم فانج.
سلامندر: المفروض نتطمن كده.
بطه: علي رأيك ده اول محصل عليهم هجوم في الغابة طلع يجري علي طول.
هنزو: فانج ولا اخوكي؟
بطه: الاتنين وحياتك.
دودو: وسابوا هاري لوحده؟!
بطه: اه بس متقلقوش محصلهوش حاجة.
/ هما كانوا بيعملوا ايه لما اخوكي شافهم؟
بطع: إيه ده؟ هو انت من أمتي وانت بتهتم بالنميمة دي؟
/ انجزي.
بطه: كانوا عند هاجريد.
/ إيه اللي هاجمهم؟
/ معرفش، دراكو جري أول ما الكائن بص عليهم ولكنه قالي ان الكائن ده كان مرعب جدآ وكان بيشرب من دم يونيكورن.
/امممممم.
هنزو: امممم ايه؟
/ عايزين نعمل اجتماع تاني بليل، فين معزة عشان يبلغهم؟
سلامندر: قاعد علي طرابيزة جرايفن.
/ طب انا هروح اقوله.
ذهبت الي معزة وانا يدور في بالي ماذا حدث في تلك الليلة؟ وما ذاك الشئ الذي هاجم هاري؟ او بمعنى اصح من؟ أجل فدماء اليونيكورن يقال عنها انها تمنح من يشربها قبلة الحياة فهي تمنحه نصف حياة ولكن نص حياة ملعونه فمن هذا الشخص اليائس كفاية ليعيش حياة كهذه.
حسنا هاقد حان موعد التجمع الجميع هنا عدا الثلاثي.
بطه: هما هيتاخروا؟
هنزو: زمانهم جايين.
مرت ساعة فالثانية ولم يظهروا بعد.
دودو: انت متاكد يامعزة انك قولتلهم علي المعاد؟
معزة: اه يجماعة قولتلهم.
سلامندر: طب وهما قالولك تمام هنيجي؟
معزة: ايوه وافقوا وقالوا انهم كانوا عايزين الاجتماع أصلا عشان عايزين يقولولنا علي شويه حاجات عرفوها.
هنزو: خلاص نستني كمان شويه.
ظللنا منتظرين حتي تخطت العاشره.
معزة: لا كده كتير، احنا لو اتقفشنا هنتعلق.
هنزو: انا قلقت عليهم هما ليه مجوش لحد دلوقتي؟
بطه: تفتكري حصلهم حاجة؟
دودو: بحق لحية ميرلين، أنت جايه تقلقينا اكتر ولا إيه؟
/ معزة تعالي معايا.
معزة: إيه؟
سلامندر: انت عايزه معاك ليه؟
هنزو: واحنا هنعمل ايه؟
بطه: هنفضل مستنيكم لحد مترجعوا يعني ولا ايه؟
/ اهدوا شويه في حاجة انا شاكك منها واتمني انها متحصلش ولكن التأخير ده بيزود شكي اكتر ف انا هاخد معزة معايا وانتوا استنوا هنا وحاولوا متعملوش صوت.
خرجنا انا ومعزة ووضعنا علينا عباءة اخفاء كنت قد احضرتها معي، اتجهنا الي حجرة جرايفندور العامة قال معزة كلمة السر وولجنا الي الداخل لنجد امامنا ذاك الطالب ذو الوجه الدائري الذي سألني في بداية العام عن ضفدعه ولكنه كان ملقي علي الأرض لا يستطيع الحراك، فتيقنت بأنه تحت تأثير تعويذة petrificus totalus، لا يمكنني تحمل تكلفة الانتظار ليزول تأثير التعويذة فنزعت عنا العباءة ووجهت عصاي الي نيفيل الذي تحركة عيناه ناحيتنا وعلي الرغم من جمود تعابيره الا انني استطيع الجزم بانه هلع.
/ نيفيل انا زيفر هشيل عنك أثر التعويذة بس مش عايزك تطلع صوت وتجاوب علي اسئلتي تمام، هعتبر انك موافق،REPARIFORS.
زال عنه تأثير التعويذة ونهض وهو يتنفس كمن انقذ من الغرق.
نيفيل: شكراً.
/ العفو، دلوقتي قولي هرمايني اللي عملت فيك كده.
نيفيل والصدمة علي وجهه: ايوه انت عرفت منين؟
تجاهلت سؤاله كليا / هاري ورون كانوا معاها مش كده؟
نيفيل ومازال مصدوما: آه، وخرجوا وسمعتهم بيتكلموا عن انهم لازم ينقذوا حاجة كده بسرعة.
/ تمام خليك هنا انت يامعزة مع نيفيل، وقبل ماتفكر انك تعترض الموضوع اخطر مما تتصور ومينفعش تيجي معانا، اوعدني انك مش هتحاول تيجي ورانا.
معزة:.......
/معزة اوعدني انك مش هتحاول تيجي ورانا!
معزة: حاضر مش هحاول اجي وراكم.
/جميل خليكم هنا ومتتحركوش.
تركتهم وكل ما بذهني مابال هؤلاء الحمقي ألا يعلمون بأن مهمة كهذه تعتبر انتحارية في حالتهم.
أسرعت إلي استراحه البوم واخبرتهم بما قاله نيفيل وبشكوكي وبما يقبل عليه هؤلاء الحمقي، وبانهم يحاولون الوصول إلي الحجر قبل سنايب.
/ يلا بينا عشان نلحق الهبل دول قبل ما تحصل كارثة.
نهاية الفصل التاسع.
YOU ARE READING
Just another HP fanfic: philosopher's stone
Fanfictionفي عالم السحر حيث وقعت أحداث سلسلة هاري بوتر كان هناك مجموعة أخري من الاصدقاء يخوضون مغامراتهم الخاصة وتتقاطع اقدارهم أحياناً مع اقدار ابطال الرواية الاصليه، فكيف سيتعاملون مع الصعوبات والمغامرات التي ستواجههم؟
