🔥//شـجآعة غمـوضـ//🔥

البارت 3

هلولو شلونكم يلة هذا بارت اسفة طولت بس يمنة خطار وبيتنة هوسة مالحكت النهار كلة هسة يلة صارلي مجال يلة نبلشش صوتوو ❤️😔

يكول الحسن: عٌشٍيِّرةّ مَأّګدِرتّ عٌلَيِّ ګدِرتّ عٌلَيِّهِ عٌيِّوِنِهِأّ 😣😩😩😩 ❤️❤️✨🦋🦋🦋

-----------------------------------

- طلع وسد الباب مرت الايام هيج وابوية يريد يفترسني بس يريد يلكة فرصة الا ان اجة يوم من الايام اجاني عمي فرحان جان يكول

- بانت حوبتج الله ميحب يضلم احد

- كتلة شنو شكو جان يكول

- صباح اندعم ومسوين عملية لرجلة وهو حجة شلون جذب وتهمج ووكعج

- صح ارتاحيت بس كلبي منطاني علية يبقة هوة اخوية الوحيد وطالعين من نفس الضهر والاضفر عمرة متبرة من اللحم كتلة وديني الة سكت شوية وكال

-شلون اوديج الة وهو السبب الي انتي بية هسة

- لحيت علية واخير قبل طبعا اشترالي عربانة لبست عباتي ورحنة دخلت بلعربانة وشفت امي وامه وابوية من شافني دنك راسة وميباوع علية تقدمت وشفت نضراته كلهة ندم جريت ايدة وبستهة وهوة يبجي واني وياه على الواهس كتلة

- شستفاديت من الي سويتة منو يكول امشي بعد منو يكول ارجع اوكف جان يحجي بصوت متقطع بسبب شهاكتة

- اسسف اسف والله اسف سممو عقلي عليج مجان قصدي يصير الي صار

- سحبني عمو طلعني وطلعني من الغرفة وصلت يم ابوية دنك راسة كتلة

- ارفع راسك اني مسويت شي ينزل راسك ولا مشيت بطريق غلط مو خوفا منك لا بس احتراما لبيبيتي الي ربتني بدمع عينها ولانقصت شي عليه تاخذ من حلكها وتخلي بحلكي. منو من البنات وهية عمرها 6 سنوات وتلبس حجولة ثنين برجهلة هااا لو انتة الي ازوجت ورحت عفتني هااا شمسويتلك اني حتة تعاملني هيج منو من بناتك ختمتلك القران منو الي من تصلي تصليلك وياهة منو الي من بناتك تلبس عباية

- بعدها طلعني عمو رحنة لغرفة المدير مال المستشفى اسالمو ومدري شنو الي فهمتة همة اصدقاء شافني الدكتور عيوني وارمة من البجي سالني شبيها الحلوة اردف عمو وكالة

- اريد دكتور مال مفاصل زين ووين مجان اروحلة

-صفن شوية وكالة اكو بس يكلفك هواايية

- كلة علما يكلف روحي اروحلة

- عاد انطاه الاسم هجران **** كلهة لك غير هذا صديق روحي المهم رجعنة للبيت ورة كم ساعة رجعو البقية وهو وياهم دخل ابوية شايل علاكة بيضة كعد كدامي وطلع حلويات جايب لفات وحلقوم وبسكت يعني كلشي احبة بقيت اباوع لايدة ودموعي تنزل اخر شي رفع ايدة عبالي يريد يضربني رئسن ضميت وجهي بايدي كام وكف وكال بنبرة مستحيل انساهة صوتة وهو مكسور يمرد كلبي

- كال ردت بس اشمج بس مادام هيج خايفة مني هاهية

- نمت بدون تفكير بس نبرتة ماراحت من بالي صار الصبح وقرر عمي وابوية نطلع للبصرة مر اليوم وسبحت بليل وحطيت ماسكات وعناية طلعت اخبل ولاعبالك مريضة وداد حضرت ملابسي وطلعت عباتي الجديدة وعطرتها وكوتها وعلكتها صار الصبح ولبست عباتي وتعطرت وانطلقنة للبصرة بعد عناء وتعب يلة وصلنة صح اني رايحة بس ماذكر شكل ابنة بس الي اعرفة انو طويل وعندة شوارب نزلنة للبيت كلش جبير وحراس 2 واكفين يم الباب ومن الباب الخارجي شفت حديقة تمووت بيهة شجرة تيننن بدون وعي صرخت

- اريددددد تييين علة صرختي طلع واحد من الباب الداخلي لابس جينز اسود وقميص بيجي صرخ صرخة بحيث لا اراديا ردت اوكع من العربانة  جان يكول بصوت عالي

- هاييي منوووو عاااط

-من الخوف كلت بيني وبين نفسي شكل عندي السكر رفعتلة اصبعي شوية بخوف شايفين الي الطلب الي ممحضر الواجب اني هيج باوع علية بخزرة بس مبتسم كال

-  هاي انتي مشلولة وهيج لعد اذا صاحية شلون

-راحت ابتسامتي بوكتهة حسيت نفسي صدك مشلولة نزلت راسي ودفعني عمو للبيت سمعتة يسلم علة امي طبينة وكعدنة كالي عمو

- معليج بي هوة هيج عصبي

-ردت احجي ونزلن دموعي شفتت عموو يكلي مشلولة والله اني مو مشلولة بس وكعت وصار هيج كلتهة وكمت اشهك من كل كلبي حضني وسكتني وطلع اجت مرته رتبتلي اغراضي وبدلتلي ومشطتني وطلعت

-----------------------------

باجر انشاء الله هم انزللكم بليل واسفة مرة ثانية لان كلتلكم عدنة خطار ولتهيت النهار كلة اتعرفون بعد الامهات من يجون خطار شتسوي 🤡😂😂 المهم علقو وصوتو لبارت باييي تصبحون على خير ❤️❤️❤️🦋

بقلمـي زهہرآء ❤️💗