عزيزي الأب عزيزتي الأم.....
ما تخسر شي من تخصص فد ساعة يومياً أو يوم بالاسبوع تكعد وي ابنك تسأله عن أحواله اخباره شسويت اليوم منو أصدقائك خو ما عندك مشكلة محتاج شي بابا بنفسك شي بابا شلونها دراستك إذا كان يدرس أو شلونه شغلك إذا كان يدرس.
إذا دخل بسن المراهقة دير بالك عليه صير صديقة حاول تخليك قريب شكد متريد لأ تضغط عليه زايد لأن الضغط يولد الإنفجار
عزيزتي الأم أنتِ الج الدور الأكبر أنتِ الأستاذ المربي المرشد أنتِ الدكتور أنتِ المعلم من الصفر.
احتوي ابنائكِ و بالأخص البنت البنت كائن حساس جداً عبارة عن ُكتلة من المشاعر ممكن كلمة وحده حلوة تصعدها ل سابع سما وممكن كلمة وحده جارحة تنزلها لسابع ارض خليج إلها صديقة كلميها لأن صدكيني شكد متتقربين منها ما راح تخطأ ما راح تنحرف راح تلجأ الج ليش وقت الغلط تصيرين إلها سيف خو كولي هي ليش غلطت ليش هيج سوت لدكولين مقصرت وياها بشي لا التقصير مو بس باللبس و وتجيبلها كُلشي التقصير بالحب و الحنان
اتقربي إلها تعالي ماما احجيلي شبيج ضايجة ليش مدمعه عيونج ليش مخنوكة منو وياج سولفيلي حسسيها ب الأمان قربج .
كوني ام كد معنى كلمة الأم....♥️،😔
هلي كل التعب منكم
هلي لو بيدي اكاومكم
هلي والما حجيته الكم يأذيني
هلي و الشيب لاحكني على عشريني
هلي وموش بهله الينكاد خسران
هلي أكثر من زعلكم گلبي تعبان
هلي لو بيدي ما أكبر... ،💔😔
أما أنت عزيزي الأخ ما ألك أي حق تحاسب أختك على كلشي ما دام الأب موجود.
أما إذا كان ذلك بدافع حبك و حرصك عليها أي عزيزي ميخالف احجي بطريقة لائقة دون طريقة الشك و العصبية و المراقبة الي تدمر شخصية أختك
خليك حنون خليك صديق إلها.
ولازم تذكر شي مهما سويت بحياتك راح يرجع هذا الشي ب أختك لأن كلشي بهذا الدنيا دين العمل الصالح العمل السيء الكلام فعل الخير حب الناس كلشي له مقابل .
بس مو أنت 24 ساعة مخابرات من وحدة ل وحدة و فاتح كام ومواعيد من وحدة ل وحدة وتريد اختك متنزل راسك.
إذا تريد تحافظ عليها حافظ على بنات الناس ولأ تخلي وحدة تتعلق بيك إلي ما تقبله على اختك لأ تقبله على بنات الناس لأن هنا مو لعبة عندك حتى تتسلى بيهن و تخلص وقت وتذكر الحوبة تبطي بس ما تخطي.
دير بالك عليها لأ تضغط عليها صير إلها صديق انصحها بطريقة حلوة وشوف إذا تجرأت و نزلت راسك.
البنية عبارة عن ُكتلة من المشاعر حساسة جداً أي كلمة تأذيها و تبجيها.
لذلك أوصيكم ياا يا أيها الأب و الأم و الأخ احتوا بناتكم حسسوهم بالأمان خلوا بيوتكم مسكن طمأنينة و راحة لأ تخلوها تكره حياتها و تتمنى تزوج في سبيل تطلع من البيت لأ تخليوها تتمنى الموت وهي بعمر الورد لأ تخلوها تكبر أكبر من عمرها خلوها تعيش كل عمر بحبها ببرائتها خلوها تعيش طفولتها وشبابها خلوها ترسم حياتها لأ تسودون حياتها بنظراتكم و بأسلوبكم .
YOU ARE READING
دروس تثقيفية ،✍️🌱
General Fiction"أيها الناس لا نصر في قهر الأحبة ، فلا تقهروا طفلاً ولا رجلاً ولا إمرأة ، إن جرح القهر يظل مفتوحاً "،🦋💜
