هوس ذياب

البارت (21)

قصة ::- هوس ذياب

بقلمي ::- الكاتبه توته

مهم ⚠️" تصويت + تعليق بين الفقرات متابعه لحساباتي فضلا" user84505518

وخليك علئ نظرة شوگ تتحسـر
وراويك الوجـوه شلـون تتغيـر .."

◎❵══─━━──═∞═──━━─══❴◎

صعدت فوك واني امشي اريد ادخل لغرفه ميس انسحبت من ورا ونصم حلكي بيد سند اني شفته لوو رجليه صارت خيوط دفعته بقوه عني واني خايفه

_لك انتَ شنوو من بشرر ماتستحي ماتخجل شنو هل تصرفات شتريد مني

سند : خرب عرضج شطاااالعه ليوم تحرگين گلبي بهذا لبسج ادري بيج تردين عود تغثيني

_لا والله ترا حيل مصدك روحك انتَ بس لهنا وكافي والله ياسند اذا ماتوخر من طريقي لسويلك فضيحه واخليك علچ بحلوگ الكل ابتعد عن حياتي اني مامتحمله اخوك تجيني انتَ الثاني شنوو من بشريه انتم.

سند :اريد افهم انتِ ليش عنيده شايفه من ذياب بس الضيم والقهر والضرب متمسكه بيه لان شخصيته قويه وشغله اقوه من شغلي اذا علئ الفلوس اخليج تمشين علئ فلـوس والله انتِ بس أشري بيدچ كلشي تردينه يجرالج

_تخسئ يا نذل يانكس انزل روحي لمستواك ماتهمني لا انتَ ولا فلوسك لاتدخل بحياتي يضربني ذياب يعذبني هل شيء ميخصك اني اعرف كلش زين شلون اتصرف.

ميس ; شكوو شبيكم

درت وجهي شفت ميس واكفه ورانه مباشراً حسيت روحي انتهيت ياربي بس لاسمعت كلامنه بس حته لو تسمعه اني ما مسويه غلط اخوها هوه الغلطان راح عليها سند

سند ; ماكوو شي حبيبتي سألتها علئ ذياب خابرني عمي كال يلا نطلع ومالگيته بالغرفه مالته

ميس : هاا قبل شويه شفته طلع تلگاه جوه يلا هوس تاخرنه سيارات كلها قبطت مابقالنه مكان

_اي اي جايه

رحت وياها اخذنه جبب لبسناهن وطلعنه برا اباوع ذياب مركز بشكلي ماشاف شي من لبسي لان لبست جبه وشال

صعدنه بالسياره طلعت هواي سيارات كدامنه هواي كلها عاليه وحلووه ذياب مگعد الكبار وياه عمه والحجي والشيخ الي راح يعقد الهم

تمنيت لوو هيج جان عرسي وهيج الزفه حلووه وصلنه لبيتهم بسرعه ماطولنه 10 دقايق لان همه بنفس المنطقه بس بالفرع الثاني

نزلت الزلم بالباب صارت هوسه نسوان گالو تدخل من الباب الخلفي دخلنه من الباب الخلفي هلاهل وركص

جانت زينب طالعه تحفه تخبل مابيها ولاغلطه مكياجها صح اوفر بس لايگ عليها وهيه وجهه مدور وعيونها كبار تخبل