مالي خلگ لكلشي صاير
خاطري مكسور احسه
استثكلت كلشي بحياتي
حتى هدمي اللي البسه
الراد يمشي يروح عادي
اتيقنت بعد الخساير
ان الانسان بحياته ،
خلي يخسر كلشي عادي
"الا نفسه" .
ـــــــــــــــــــــــــــــــــــــــــــ
الكاتبه غرام عمار
تائهه بين الضلم
ــــــــــــــــــــــــــــــــــــــــــــــــــــــ
garam_010 الانستا تابعوهه
ــــــــــــــــــــــــــــــــــــــــــــــــ
الساعه 4:00
بغداد
شيراز:- فتحت عيوني ع صوت فردوس
تكعدني دنروح للنجف
اني وضيغم
كمت غسلت وجهي وبدلت وكعدت يم ضيغم
يتريك
ضيغم:تعاي اكلي وياي
شيراز:ماريد.... بقيت مدنكه انتضره شرب جاي واكل شويه
وكمنه طلعنه الجو بارد مدري اني جسمي يرجف
صعدنه بسياره وتحركنه
طول طريق ساكتين محد حجه بينه بس
ضيغم يتنهد
واني صافنه ع طريق
تالي كسرت الصمت وحجيت انا
ـ ضيغم شلون لكيتوني
باوعلي وگال
ـ بتنهيده.... مهيمن مراقب أدهم
ومن اندل المكان خابرني ولكيتج
ـ تدري اخوك واحد نذل
هز راسه وكال
ـ مو بس هوه كل احنه انذال مكدرنه نحميج
ـ لا تحجي هيج شنو بيدك انت اخوك
حب يفرض كلمته
ضحكت بوجع وسكتت
وصلنه للنجف بـ5:50
گال
ـ نزور ابو الحسنين ونروح الأهلج
ـ هزيت راسي بـ لا اخذني لأهلي
مكال شي وصلنه للمقبره واني اذب حسرات
اجيتكم بس شلون احضنكم
ياريت تكومون وتحاجوني وتصبرون عليه
ياريت
شفت كبورهم بصف بعض ودموعي
ضلن يجرن واشهك بصوت ناصي
وصلن يمهم وكعدت يم كبر ماما
وخليت راسي علي وگعن دموعي
بحركه ضليت ساعه بس صافنة
والعب بتراب كبرهة ودموعي تنزل
همسيت بصوت ناصي،،، ماما
ماما محتاجتج والله محتاجتج هواي
ماما كسرو كلبي وعذبوني هواي
ماما اتهمني باطل ولعب بية لعب ماما
اخذيني يمج "الدنيا عذبتني يمه"
محد صارلي منهم سند ولي احتميت بي
وثقيت بي عذبني وكسرني وصرت اخاف
الفض اسمه يمه والله تعبت ولعباس تعبت
صرخت بصوت عالي ومكسور
اخذيني يمجج مامااااا تعببب والله
صررت اختنككك يوووم رحتوو وعفتووني
صاار عمري 23سنه واناا
اكووول تهووون وبااجر تصيررر مشااكلي
سووالف واضل اضحك عليه بسس الى
متى يوووم ياااابه حااجيني الى متى
اني ابقه لااني للسماا ولااني للكااع
YOU ARE READING
تائهة بين الضلم والماضي
Short Story"تخذلكَ الحياةُ مرةً و مرتان و ربما مئة مره و لكن مهما خذلتكَ و مهما حصل لا تتراجع فالتراجعُ هو خذلانكَ أنت لنفسكَ و أحلامك
