جاي نحجي وسمعت ضحك بلبيت
حيل حسيت كلبي انعصرطلعت الشيخة جمارة برة للبستان
( اباوعلهة حلوة حيل ولابسة ملابس صح ريفية
بس حيل حلوة الوانهة ومبتسمة
بس باوعتلي وشافتني دارت وجهة مني بغضب
وراحت)اني بقيت بمكاني اباوع طلع وراهة الشيخ وراحو
بأتجاه الحمام
اني هنا اجى يغمى عليه من القهررحت لغرفتي وكلبي احس راح يطلع من مكانه
بقيت ابجي حيل وبحركة
ليش هيج اني حضي، يعني اني الوحيدة الي
يوم زواجهة تكعد الصبح وزوجهة مو يمهة
. زين على الاقل يجي يطمئن عليهفجأة انفتح الباب
شيخة كريمة شافتني ابجيشيخة كريمة : بنيتي لا تبجين
( وحضنتني)بقيت ابجي بحضنهة بحركة كلب
خلود : شيخة ليش هيج اني حضي
شيخة كريمة : يمة لزوم تتعلمين على هلحال
أنا جدامج ما افكن حلكي،
ولون احترك كلبي الزم مصلايتي وابجي
وربج كريمخلود بقهر : بس احس كلبي راح يطك
من القهر شيخةشيخة كريمة : اتعلمي يمة اتعلمي، وكافي بجي
بسعاد راح تحضرلج الريوك لبين ما الشيخ يجيبلج
خادمة.خلود بتفاجئ: ليش هي مو بس وحدة
شيخة كريمة : لا يمة كل وحدة الهة خادمة
لانه اذا هيج ما يلحكن، وهنة هم بشر حالهن حالنة
مو نركبهن اكثر، ما يكدرن حرام( راحت وورة شوية اجتي بسعاد انطتني الريوك)
خلود : عادي اسألج
بسعاد : آمريني شيخة
خلود : يعني مثلا غرفتي اني انضفهة صح؟
بسعاد : اي شيخة هدومج وهدوم الشيخ انتي تسويهن، لجن المواعين وغسل وتنضيف البيت
احنة نساويهخلود : يعني شلون المواعين
بسعاد : هساع هاي الصينية آنا ما اخذهة،
يو انتي تآمريني آخذهة يو اتطلعينهة من غرفتج
للمطبخ واحنة نغسلهن(فهمت قصدهة يعني الخدم ميطلعون
اي شي من الغرفة ولا يلمسون اي شي
اذا احنة منكوللهم)خلود : عادي بلة زحمة تاخذين الصينية
بسعاد : تآمرين شيخة
خلود : فدوة لعينج حبيبتي
بسعاد : محتاجة شي بعد
خلود : لا مشكورة
بسعاد : رايحة آنا
( ابتسمت الهة وراحت)
(بقيت اكل بنفسي من القهر
صار شكد من كعدو والشيخ ما كلف نفسه
يجيني ويطيب خاطري بكم كلمة؟؟
اوكفي لحظة خلود!!!!
هاي انتي صدكتي نفسج عروس
اصحي ترا انتي مجرد فصلية
واكيد جان يجاملني او يضحك على عقلي
لان صدكت نفسي عروسة وعشت الدور)
![](https://img.wattpad.com/cover/323602065-288-k18820.jpg)
YOU ARE READING
فصلية الشيخ ذياب
ChickLitقصة عن العادات والتقاليد البالية التي ظلمت الكثيرين وخصوصاً النساء ، واستخدامهن كأداة لتصفية الحسابات تعالو لنروي قصة للشيخ ذياب وفصليته التي تعذبت في كنف هذه العادات ٢٠٢٢/١٠/١٣ ٢٤/١١/٢٠٢٢ ............................. اتمنى لكم قراءة ممتعة معنا...