الاكواخ السبع

المغامره الاولي

بعد ست ساعات طيران وصلوا لمنطقه لا يمكنهم الطيران بها يجب السير علي الاقدام كانت في الصحراء وقت الظهيره و الشمس ساطعه
مشوا ومشوا حتي وجدوا امامهم ثعبان كبير يجري بتجاههم
ارتعب بريق ولكن لتين لم تهتز
كاد الثعبان يعض رجل بريق ولكن في سرعه البرق كان الثعبان في يد لتين وكانت تمسكه بحترافيه ومن ثم اخرجت من جيبها سكيت صغير ومزقت به رأس الثعبان
كان بريق متجمد لا يتحرك تحدثت لتين
_خد التعبان دا حطه ف الشنطه هينفعنا نبقي نتطبخه
_ءءء ايه اللي حصل
_اهدي مفيش حاجه هي ملمستكش
_انتي ازاي كداا
_طب اشكرني طب انا انقظتك كان زمانك وجبه للتعبان
_بجد شكرا بس ازاي قدرتي تعملي كدا
_هحكيلك ف الطريق يلا بس نتحرك
_ماشي
وبدأوا في اتحرك ثم تحدثت لتين
_بص يسيدي انا بقا اغلبيه عيشتي في الغابات والحجات دي بحب استكشفها جدا ومن وانا صغيره وعارفه ازاي اتعامل مع الحيوانات المفترسه عشان كدا كنت متحمسه اني اوصل للاكواخ دي
_هو مش انت كنت ف فريق كشافه اكيد عارف برده تتعامل ليه خايف كدا
_دا كان اول يوم ليا كان اسود يوم
ضحكت لتين
_طب بما اننا ماشيين ف صحرا والجو حر متحكيلي قصتك نتسلي شويه
_هتتسلي عليا يعني
ردت عليه لتين بضحك
_حاجه شبه كدا
_ماشي بصي بقا انا بريق عندي 27سنه كنت عايش بعيد عن اهلي في محافظه تانيه وكنت بشتغل سكرتير في مستشفي كانت حياتي روتينيه جدا لحد ما فيوم اتعرفت علي صديق وهو اللي عرفني علي فريق الكشافه وقولت دا اكيد حاجه هتغير من روتيني وهتبقي ممتعه وف اليوم دا واحنا عاملين الخيم حبيت اتمشي شويه ولما لقيت الكوخ دخلته ولقيت نفسي ف العالم دا
_طب وعملت ايه لما لقيت نفسك هنا
_اتصدمت طبعا وكنت ف نفس الوقت منبهر بالمكان مكنش معايا فلوس ولا اي حاجه لحد ما قابلني راجل كبير ف السن سالني قاعد ف الشارع ليه حكيتله قصتي  وشغلني عنده لما لقا دماغي حلوه خلاني مساعده وفضلت اترقي لحد معملت شركه لنفسي
_اوو قصتك حلوه
_احكيلي انتي قصتك بقا
_انا حياتي كانت مليانه مغامرات من بلد لبلد ومن غابه لغابه كنت بكتشف حجات كتير جدا وعندي معلومات مهوله لحد ما فيوم اتطريت ارجع البلد عشان جامعتي المهم جه شخص وقالي ان هو محتاج للمعلومات دي وهيبقي يديها للمنتخب بأسمه ف مقابل مبلغ كبير بس انا موفقتش وقولت ان دي معلوماتي وانا اللي هتشهر بيها وعشان كدا خطفوني ولما هربت لقيت الكوخ ودخلت وبعد كدا قابلتك
_شكلك مثقفه جامد
_حاجه زي كدا(قالتها بضحك)
قاطع ضحكهم بوقوعهم في رمال متحركه لم يروها وهم يمشوا
_لتين انتي كويسه
_اه متقلقش
_هنعمل ايه
_بص هطلع وطلعك اصبر ارخي جسمك بس ومتقاومش
_ماشي
كان هناك شجره كبيره بجانبهم اخرجت من شنطتها حبل وربطه ومن ثم رمته علي الشجره وخرجت رمت الحبل لبريق وخرج
_يبت اللعيبه دا انتي طلعتي ذكيه
غمزت له لتين وهي تضحك
_عيب عليك
اكملوا مشي حتي اتي الليل اقترحت لتين بالجلوس حتي الصباح
_ماشي بس افرض طلع تعبان ولا عقرب هنعمل ايه
_متقلقش عامله حسابي في اسلاك كدا هنحطها علي الارض حولينا مش هتخلي الحيوانات تعدي
_تمام
اقاموا الخيم ووضعوا الاسلاك واشعلوا النار ثم اكلو ونامو
في صباح اليوم الثاني عندما خرجت لتين وجدت ان هناك عقرب وثعبان متعلقين بالاسلاك اخذتهم معها حتي يكونوا طعاما وقت الحاجه
استيقظ بريق وقال لها وهو يضحك
_ايه اللي لتعمليه في الزواحف دا هتحنطيهم ولا ايه
_لا يخفيف هناكلهم
_ااااء ايه لا طبعا
_خلاص لما الاكل يخلص ابقا موت من الجوع
_بس احنا معانا اكل وشرب كتير
_احنا متعرفش هنقعد قد ايه هنا لازم نعمل حسابنا
_تمام يلا نتحرك
تحركوا حتي وجدوا مدينه صغيره
تحدث بريق بسعاده كبيره
_لتين لتين مدينه يلتين
_دي مش مدينه دا سراب
_ايه
_سراب مش حقيقي انت بدات تهلوس يلا نكمل مشي
_لا دي مدينه هنروحها
_لا سراب لو رحناها مش هنلاقي حاجه دي بيضيعنا عن وجهتنا يلا نكمل
تحدث بريق بخيبه امل
_ماشي
مشوا حتي وجدوا الكهف الموجود في الخريطه
تحدثت لتين
_اهو الكهف يلا ندخل
بالفعل دخلوا وكان الظلام دامس ولعوا الشعلات ومشوا اكثر من ثلاث ساعات
تحدثت لتين بتعب
_كفايه خلينا ناخد راحه شويه
_يلا يلتين قربنا خلينا ننجز
_مش قادره تعبت
_طيب هنرتاح شويه
شربوا الماء واراحوا قليلا ثم مشوا مجددا
وهم يمشوا وجدوا اربع مفاتيج تجاهلها بريق واكمل ولكن لتين اخذتهم
_ليه خدتيهم ملهمش لزمه
_مفيش حاجه ملهاش لازمه اتعلم كدا
_ماشي يست الفقيقه اما نشوف اخرتها
مشوا حتي اخر الكهف ووجدوا باب ضخم ذهب بريق ليفتحه ولكنه كان مغلق اخرجت لتين المفتاح وضحكت
_شوفت قولتلك كنا هنرجع اربع ساعات تاني
_لا الحمدلله يلا افتحي الباب
فتحته ووجدت جنه
شلال كبير وطيور رائعه وايضا ثمار
ذهب بريق بجري للشجره صرخت لتين
_بريق لااااا
وجد بريق نفسه في قفص كبير وكل شئ اختفي وتحول لصحراء تجمع عليه بشر كثيرون و قيدوا يديه وازاحوا القفص وامكسوه
اختبأت لتين قبل ان يراها احد وجلست تفكر في خطه لاخراجه
اذهبوا به اللي المشواه وقيدوه بها ومن ثم اشعلوا النار
تحدث بريق وهو يولول
_يالهوي يالهوي هتتاكل يبريق دا كان يوم اسود يلتين يوم معرفتك
احس انه يحترق كان اللهيب عالي جدا
رمت لتين قطعه الثعبان علي الارض واصدر صوت عالي
ذهبوا اكلي اللحوم بسرعه للثعبان حتي يأكلوه وفي نفس الوقت ذهبت لتين لتفك قيد بريق ولكن استطاعوا ان يروهم ف ركضوا ورائهم
حملها بريق وفي ثواني كان يرقض بسرعه البرق
لم يستطعوا الامساك بهم ف عادوا مكانهم
تحدثت لتين وهي تصفك بعدما هربوا وانزلها بريق
_برافو يبريق كنت سريع جداا
_انا واخد المركز الاول ف العالم ف رياضه الركض
_اوه جامد
_يلا دلوقتي نمشي قبل منلاقي حاجه تانيه تاكلنا
ضحكت لتين ووافقته
مشوا ثلاث ايام ومن ثم وصلوا اللي المكان الثاني وهو حصن الالغام
تحدث بريق للتين
_لتين خدي بالك اي حركه بفوره
_متقلقش خير انشاء الله
كان في الخريطه مرسوم اماكن الالغام ف استطاعوا ان يبتعدوا عنها ولكن فجاءه
دعست لتين علي لغم وتجمدت مكانها
تحدث بريق وهو يحاول تمالك نفسه
_متتحركيش يلتين اصبري
_ح ح حاضر
ذهب بحذر واحضر طوبه كبيره ووضعها بجانب ارجل لتين وبهدوء قال لها
_شيلي رجلك ف هدوء
_انا خايفه
_متخفيش مش هيحصل حاجه انا حطيت الطوبه
ازاحت ارجلها بهدوء وبالفعل لم تنفجر
حمدوا الله
بعد وقت طويل وحذر شديد خرجوا من المكان
وصلوا اللي اخر شئ يوصلهم للكوخ
تحدث بريق بحماس
_دي اخر حاجه يلاا بسرعه
ذهبوا اللي الكهف الثاني ومشوا به ومن ثم وجدوا المفتاح
تحدث بريق وهو يضحك
_المرادي هاخد المفتاح
ضحكت لتين ايضا
_شاطر بقيت تستوعب بسرعه
وصلوا اللي اخر الكهف بعد مشي سبع ساعات وثلاث راحات
وجدوا الباب وفتحوا بالمفتاح ومن ثم بكل هدوء فتحوا الباب
وجدوا ظلام شديد وتذكر بريق ان الشيخ خليل قال له لا يذهب داخل الكهف ويفتح الباب الا في الصباح ف قال للتين هذا الشئ واغلقوا الباب وناموا
في اليوم الثاني استيقظوا وفتحوا الباب ودخلوا
_استرها يارب
وجدوا غابه كبيره رات لتين ثعابين علي الاشجار وكذلك الارض ولكن كانت نائمه
اخد بريق يولولو ويصيح
_يالهوي ياني عليا وعلي سنيني السوده
_ششش اهدي هتصحيهم
_شكل الشيخ خليل قال الصبح عشان نقدر نشوفهم بس هنعدي منهم ازاي
_التعابين دي كلها نوع واحد خلي بالك دي سامه جدا بس بتصحي بليل بس وبتنام الصبح وعشان كدا الشيخ خليل قال نروح الصبح
_هنعديها ازاي
_شايف الطريق اللي فاضي دا اكيد اخره حاجه كويسه
_ماشي يلا بسرعه
بالفعل ذهبوا وبعد مشي طويل وجدوا عربه صغيره في اخر الطريق فرحوا وركبوها ولكن كانت بحاجه لبنزين تذكرت لتين شئ
_البنزين عند التعابين فوق كل شجره علبه بنزين
_يالهوي
_بطل ولولوله وفكر ف حل معاياا
_لا حل ايه انا هرجع مكان مجيت
_بطل هبل احنا قربنا نوصل
_انا هسكت احسن
لاحظ بريق ان هذه العربه لها اجنحه الكترونيه كانت نظام قديم
_لتين دي بطير
_هي ايه دي اللي بطير
_العربيهه ركزي
_بجد حلو جدا
_بس احنا لسه برده محتاجين البنزين
_انا هروح اجيبه بسرعه وجيلك
_هاجي معاكي
_لا هروح لوحدي انا فاهمه ازاي اتعامل انما انت لا
_طيب خدي بالك
ذهبت لتين وتسلقت الشجره بحزر واخذت البنزين من الثعبان بكل هدوء حتي لا تيقظه كانت علبه صغيره لن تكفي ف كان يجب عليها الذهاب اللي الشجره التي بجانبها ولكن كان هناك ثعابين في الارض وكذلك لا تستطيع النط علي الشجره لانها ستصدر صوت جلست تفكر حتي اخرجت حبل من شنتطها وربطته في الشجره ونطت دون اصدار صوت تسلقت الشجره واخدت البنزين وهكذا حتي جمعت عشر علب ورجعت مكانها مره اخري
_ها عرفتي تجيبي
_عيب عليك اهو
_حلو جدا بس دا مش هيكفي
_مش هقدر اجيب اكتر من كدا نبقي نجمع لما يقرب يخلص دلوقتي يلا نتحرك
تحركوا وكانوا يرو الثعابين نائمه وهم خائفين ان تستيقظ
اقترب البنزين ان ينتهي ففتحت لتين الباب ورمت الحبل علي الشجره واخذت علبه البنزين وظلت هكذا طول الطريق
اتي الليل واستيقظت الثعابين واكتشفوا انها تطير
_يخبر
تحدث بريق وهو يحاول الهدوء
_لتين واضح ان التعابين دي بتنام مع النور خلينا نفتح الكشاف حولين العربيه ف كل متوصلنا هتنام من النور
_حلو جدا وتفكير ذكي شغل انوار العربيه بسرعه وهشغل انا الكشاف
_كل حاجه بقت تمام
كان كل ثعبان يصل للعربه يقع نائم ويستيقظ ويحاول مره اخري وهكذا
صفقت لتين
_عملناهاااا
_بسببي
_امشي ياض
_متشكرين
وصلوا بعد طيران طويل اللي كوخ يشبه الكوخ الذي دخله به
تحدثت لتين بفرح
_بريق الكوخ
كان الكوخ بجانبه بير كبير وايضا اشجار بأنواع مختلفه وبها ثمار نزلوا وشربوا ومن ثم دخلوا الكوخ
وجدوا به الطعام اكلوا ومن ثم ناموا
في اليوم الثاني استيقظوا ف تحدثت لتين
_جاهز للمغامره التانيه
بريق وهو يرتعش
_لا دي ديناصورات يلتين خلينا هنا
_خلي قلبك جامد