عائلة البشباشي

|الـفـصـل الـرابـع : تـجـدد آلـم |

: انا بكلمك لـ حاجة لصالحك .. المناقصة دي بتاعتِ اطلع منها..متبقاش عنيد زي ابوك عشان ميروحش قلب ملوش ذنب...
و انقطع الإتصال ...
ممدوح : الو..الو
أعاد ممدوح الاتصال مجدداً لكن الرقم خاص لا يمكن الإتصال به .. جلس ممدوح وهو في حالة من التوتر و يريد جمع أفكاره من هذا المتصل المجهول...دلفت عزه و هي ممسكه بـ الحلة الخاصة بزوجها ولكنها رأته بتلك الحالة و زعرت للغاية
عزه بزعر : مالك يا ممدوح في ايه..؟ في حاجة حصلت رد عليا
أنتبه لها ممدوح : مافيش حاجة يا عزه هاتي البدلة عشان متأخرش
اعطته الحلة و فؤادها غير مطمئن لاضطرابه..

كان كريم مندمج للغاية في لوحته الذي بدأ في وضع اللمسات الأخيرة لها و لكن قطع اندماجه اقتحام خالد المرسم الخاص به
كريم بهدوء : ايه يا خالد داخل كده ليه
خالد بتوتر : بص انا..انا مش متعود اتكلم كتير بس ممكن شوية من وقتك
كريم : ماشي يا سيدي تعالى نتكلم
جلس خالد امام كريم..الذي قام بتحضير مشروب لنفسه
كريم : ها بقى شاي ولا قهوه و لا انت بتشرب حاجة تانية
خالد : لا..لا انا مش هشرب
نظر له كريم بتعجب من توتره و انفعاله : هو انتَ كويس طيب...؟
خالد : انا تمام
كريم : طيب يا خلود ايه بقى عايزنِ في ايه
خالد : احم هو انتَ متعرفش ليه تيم مدايق من تميم
تفاجئ كريم من سؤال خالد كثيراً لأن تميم صديق خالد و خالد يأخذ رأي تميم في كل صغيرة و كبيرة
وضع كريم الكوب أعلى المنضدة : الحقيقة يا خالد تيم مقالش أي حاجة تخص الموضوع ده و كمان تيم رافض النِقاش..انتَ بتسأل ليه..؟
خالد : اصل تميم مبقاش يتكلم معايا زي الاول
كريم بتفهم : تلاقيه بس مشغول حبتين
خالد : تمام شُكرا يا كريم
وغادر خالد وهو مخذول الخاطر..

غرفة أسماء..
جمعت أسماء الفتيات جميعهن لأنها قررت باستغلال فرصة ان مروة تريد ان نتواصل ببعضنا بأستمرار
زينه بملل : يلا بقى يا أسماء كل ده عشان تقولي كلمتين
أسماء بتوتر : انـا جــاي لـي عـريـس
صرخت الفتيات بفرحة عارمة من هذا الخبر الغير متوقع بالمره
تحدثت بسعاده : مين هو كلمك ازاي احنا نعرفه و قالك امتى
زينه : حيلك حيلك على البنت...هاتي رقمه نحدد معاد يجي
نادين بسخرية : هو ده اللي حيلك
نظرت لهم بـ أن يلتزموا الصمت : ها بقى يا سوسو مين هو
اسماء بـ حرج : هو اسمه حازم متولي معايا في الجامعة
زينه : ايوه و بعدين
أردفت أسماء بسرعة : و قال انه معجب بيا وعايز يتقدم
قاطع فرحتهم دلوف منال و هي تطلق زغرودة عالية
نادين بتصفيق : يا دبـلـة الخـطـوبة عقبـالنـا كلنا..

دلف ممدوح لغرفة المعيشة و استمع لصوت ضحكات عالية لم يرد أن يقاطع مرحهم لكن عليه بالدخول و الإطمئنان عليهم
منال : انا مستنتش اول ما دخلت كان لازم ازغرط
ابتسمت لـ حديثها : يا طنط كنتِ تستني طيب تسمعِ الاول يمكن سمعتِ غلط
رقيه : خلينا نفرح هو في احلى من
قاطع اندماجهم دخول ممدوح وعلى وجهه علامات الإرهاق وهذا القلق في عينيه
رقيه بـ قلق : مالك يا ممدوح ؟!
نظرنا جميعًا لـ ممدوح...و هرولت إليه أسماء بفزع : مالك يا بابا انتَ كويس؟
عانق ممدوح ابنته بحنان : بخير يا حبيبتي ده إرهاق الشغل بس
تحدث الجد : حمد لله على سلامتك يا ممدوح
اجابه ممدوح بابتسامة مصطنعة : الله يسلم حضرتك
ثم وجه نظره لـ شيرين : هو كامل فين يا شيرين
شيرين : تقريبا كده في مكتبه بيخلص مكالمة معاه
هز رأسه بـ فهم
عزه بحماس : تعالى يا ممدوح غير هدومك كده عشان عايزاك في موضوع مهم اوي
ممدوح بضيق : اطلعي وانا هتكلم مع كامل شوية و هحصلك
نظر لهُ جدي بغموض الى أن اختفى ممدوح من تحت نظره

توصل إلى مسمعه عدة طرقات إلى أن إذن الذي بالخارج بالدلوف
أشار كامل لـ ممدوح بالجلوس لبضع دقائق : ايوه يا نشأت ابعتلي بكره الصبح الورق على طول..لا لا مش عايز تأخير.. تمام خلاص اشوفك بكره
انتهى كامل من حديثه و وجهه نظره لأخيه
كامل : ايه يا ممدوح في حاجة ؟
ممدوح بتوتر : في حد كلمني و هددني بأنِ لو مسبتش المناقصة بتاعت قطعه الآثار دي يأذي حد من العيلة
كامل بهدوء : واحد بيهددك؟!..طب قالك ايه بظبط
روى لهُ ما دار بينه و بين المتحدث المجهول و انه لم يعطه فرصة للتحدث و معرفة من المتحدث
صمت كامل بعد سرد أحداث المكالمة و قاطع صمته ليتحدث ممدوح : ايه يا كامل هنعمل ايه
خرج كامل عن صمته ليردف بتحفظ : قبل اي شئ أبوك مينفعش نقوله حاجة ابوك لو عرف حاجة من دي ممكن يروح فيها بذات هيخاف على أحفاده قبل منه...اللي هيحصل كالآتي..

زينه بهمس : خالد خالد تعالى عايزاك انا ونادين في موضوع
خالد : طب و صوتك واطي ليه يا هبله
زينه : اسكت و هتفهم بس
انطلق خالد خلف زينه و هي ممسكة بيده إلى أن وقفت في جانب حديقة القصر
خالد : وقفنا ها بقى في ايه
ظهرت نادين من خلفه ممسكة بهاتفها : شوفوا بقى احنا هنعمل بيزنس بينا و نفس الوقت مفاجاه للعيله
نظر خالد لها بتفكير : طب و هنعمل كده ازاي
زينة : احنا هناخد شغل لنفسنا و نعرضه بره في معارض كتير بعتت لنا و حدو مش فارقة معاه مكتفي بس بالشغل اللي موجود لكن احنا عايزين نشتهر وكل الناس تعرف الفن و الابداع اللي موجود هنا.. نادين هتعمل صفحة نعرض عليها الشغل و تستقبل الطلبات
نظر له الفتاتين بتقرب لاجابته
خالد بحماس : معاكم اوي
تحمس كل منهم واتفقوا على ترتيب حين الانتهاء من تحضير المعرض..وتفرق كل منهم للتفكير في تلك الفكره
____________________________________
في صباح يوماً جديد..

استنشقت مروة رائحة الكعك الطازج المنبعثة من الموقد اثر فتح والدتها لهُ
تحدثت باستمتاع : الله الله يا ست الكل ايه الريحة دي بس ما تجيبي حته
شيرين و هي تضع القليل من صوص الشوكولاته : بس يا ميرو يا حبيبتي دي تجربه عشان اهل العريس لما يجوا
اردفت بتعجب : كيك يوم قرايه الفاتحه يا ماما ازاي لا طبعا مينفعش
شيرين بسخرية : وانتِ ايش فهمك اصلا في الحاجات دي لازم يتعمل حاجات فرش كده بسكويت شوية كيك عصاير فرش هتفهمِ اكتر مني اطلعي يا بت و اندهي عمتك و عزه و منال عشان يشوفوا معايا
نطقت بتأفف : يا ماما بقى لا هنجيـ
قاطعهم دلوف نادين بصراخ : الحقي يا مروه تيم و تميم بيتخانقوا...

يتبع..
تدريجيًا البارت بيكبر 🙆‍♀️💔