فايا (حسناء قاتنة)

Part 2

‏أعتقد أن دلائل الرُقي وعلاماته مُرتبطة إلى حد كبير بالتخلّص من الفضول !
فضول النقاش ، فضول السؤال ، فضول النظر والخبر ، فضول التدخل في أمور الغير .
أن يترك الآخر للآخر و ينشغل دائماً أبداً بنفسه ، أن يعش حياتهُ لحياتهُ ، ويترُك الآخرينَ و شأنهُم .
_ أؤمن أن دائماً من حُسن إسلام المرء تركه مالا يعنيه .

الإنستقرام: al5ama
___________

نور: وسام والله تعبت شوف امك شنو كامت تسوي حتى بس تهججني

اجه جرني من شعري فتحت عيوني من الصدمة واني كل ضني اجه يحميني ويدافع عني وكال

وسام: انتِ وحده ساقطه تدرين لو لا

فتحت عيوني مصدومة من الي سمعته مستحيل يسوي هيج شي وله شنو عيطت على امه وهوه ما مفتهم سالفة بعده
طلع الفواتير مال تليفون الارضي وحطهن بوجهي كلها مكالمات تالي اليل

وسام: شنو هاي يا ساقطه

ضليت اباوع واريد اركز واعرف شنو رجع جر شعري وكلي

وسام: تنتظرين اروح حتى تسولفين ويا ولد براحتج لج انتِ حلال بيج الذبح بس ماريد اوصخ ايدي بيج

لساني نعكد واني اسمع حجي معرف شرد من عمتي تكول مسوية سحر ومنا هوا هيج يحجي واني معرف شنو سالفة ضليت اتلفت على وجوهم اريد احجي ودافع عن نفسي بس متطلع ولا كلمة من حلكي وكأنُ اني صدك مسويه كل هاي الاشياء  وما عدي اي تبرير

وسام: وفوكاها سحر وانتِ تدرين اتخبل من هاي سوالف عاط بـ ليلى بكل علو صوته وكال بسرعة لمي زبالتها وكل غراضها وجيبيهن

نور: همست واني صوتي مبحوح من البجي ..وين
صد عليه وكال
وسام: هسه تعرفين وين
نور: نزلت ليلى بايدها غراضي ما طولت دقيقه وجابتهم وجانت محضرتهن كلهن وتعرف كلش زين شنو راح يسوي بيه

وسام : انتِ طالك طالك طالك ..اخذي غراضج وطلعي برا ما الفي
ك*** بيتي

نور: رحت لزمت رجله وابجي واشكي واكله كله جذب اني مو هيج والله مو هيج كله تخطيط من عدهن حتى بس تعوفني
دفرني برجله ورجعني على الحايط انضربت بي وحسيت ضهري نقسم بالنص

وسام: ما راح اعيد الحجي الي كلته راح اصعد وانزل الكاج مختفيه من حياتي

نور: يعني حققت الي هنه يردنه ونطيتهن مرادهن صديت على ليلى واشوفها تبتسم بنصر وفرحانه بالي ديصير كدامها
رجعت صديت عليه وهوه جان يمشي يريد يصعد وكتها صدكني راح تتندم ندم وتطلب السماح ومراح أسامحك لا دنيا ولا أخرة