بقايا شغف

خلافات

زهراء :
بعد الخطوبة بيوم اجا ضرغام يستأذن من اهلي يدور يعقد محكمة رغم الاتفاق المسبق ما نسوي اي حفلة او فرح لحد ما تفوت سنة زين اني لا بحاله نفسية ولا ظروف تسمح الي هسه افرح وهم بعد لنهاية العام الدراسي هوايه وما معلوم شوكت نمتحن اصلا بسبب الحظر اللي ديصير وكل شي تخربط بهذيج السنة بحياتي واجا ضرغام يكمل  ... امي اعترضت بس زياد وافقه الرأي حتى كال لا تسوون عرس ولا غيره هي صح ظروف كورونا وكل شي متوقف بس عالاقل بيناتنا ...واني ضليت حايرة بين اوافق ولا واذا رفضت راح ينزعج ويزعل اكيد بقيت اماطل بالاجابة كلت نتفق غير وقت اني وياه...

بالليل اتصل وكدرت كوه اقنعه ناجل السالفة شهر  وهو قبل بس مو راضي ..بقينا نسولف شويه وسديته كمت اتحسس من سالفة الاتصال بسبب امه وهو هم ما يلح بالسالفه ...

قلت جياته لبيتنا وخاصه من كام زياد يطلع وياهم ورجع شويه احسن بهالفترة اني ملتهية تسليم بحث تخرجي وغيرها من امتحانات اريد اخلص يا ريت وصدك تنتهي هالسنة اللي كانت متعبة النا فوك حد ااتحمل ...بيوم خميس وجان نهاية اسبوع رجعت من الدوام ميته تعب لكيته ببيتنا هو وامه كلش انقبضت روحي من شفتها

سلمت وكعدت يمهم مستغربة ما كال يجينا حاجتني هي بدون مقدمات حاجتني
-هااا يلا يمه بدلي نلحك السوك باوعت اله ما عندي خبر وهو هز راسه بمعنى وافقي سألتها
-وين نطلع خاله
-نشتري الذهب ووالهدوم غير العقد هالايام
باوعت لضرغام ساكت ضجت البارحة وافقني واليوم قلب....وامي هم طبعا لهسه احنا لا حاجين بذهب ولا نيشان ولا اي شي وهاي كلها شكليات ما تفرق عدنا كمت لغرفتي بدلت واجتني عبير تسألني شنو شعجب الذهب من هسه لا عقد لا شي

رحنا وياهم وامه ما خلتنا نختار شي من تدخلها وهو ما يعلق واني تضايقت المن بعد ماخذين اذا راي تحصيل حاصل وهي اللي تختار ...ما حجيت شي ابد ومشينا اشترت الي للعقد فساتين وشكم طقم ونفس الحاله ويه الذهب تفرض علينا اللون لو ااموديل واني امشي الامور لان صدقا ما تعني الي شي كل شي عندي اني بس القهرني رادت عبير تختار الي عباية على حسابها والحجية ضلت تدردم علينا واني عيني على ضرغام هسه يحجي يدافع عني ماكو ساكت وان كوه ساكتة وامشي لان محتارة بيها وبتصرفاتها هي فرحانة

رجعنا للبيت تسولف لامي وتشوفها الذهب خطيه امي كامت تبجي مقهورة ابويه وعارف وهاله كلهم ما موجودين والفرح ما يلوك بعد النا

سكتوها بحجة فال مو زين البجي واني مقبلة على زواج المفروض يكون سعيد !!

بعد ساعة راحوا واني لميت اغراضي وقفلت عليهن ليوم العقد يلا افتحهن ...وبس وصلوا اتصل ويبرر ويعتذر عن مواقف امه وهم يكول على راحتنا نعقد بهالاسابيع التجي رديته وشويه خشن كلامي هالمره
-بس انت كلت شهر وهاي بالكوة وافقت عود وانت تدري بظروفي شلونها
-عمري زهورة هو اني غير اريد ااعقد حتى اكدر اجي براحتي تحين يمنا اذا ردنا خو ما اضل مق حتى استحي اجي بعد
-احد منعك لو سمعك حجاية م احنا صغار وانت بيتنا هسه كمت تستحي وتنحرج
سكت فترة خلاني افرغ مخزون غضبي كله
-باوعي هالعصبية بالكلام والشد ما احبه اريدج زوجتي حلال .. بيها شي
-واني كل طلبي كان وقت
-ما عندي وما اكدر وانت تتحججين عليه زهراء ؟؟؟
تغير كلامه ااهادئ وسكتت عنه ما اريد اكبر سالفة ما تسوى بس ما كان ببالي هاي تراكمات كلها تأثر على علاقتنا