"ကလေးလေး ကိုယ်ရှိတယ်နော်၊ကလေးကို ဘယ်သူကဘာလုပ်လိုက်လို့လဲ ကိုယ့်ကိုပြော"
"ဟင့်! ဘယ်သူကမှမလုပ်ဘူး၊ကျွန်တော်က လုပ်ခဲ့တာ အီးးဟီးးး"
သူကလည်း လုပ်လာသေးတယ်၊သူကပြန်ပြီးငိုနေသော ကလေးကြောင့် ခေတ်ဟန်တစ်ယောက် ချော့၍သာမေးမြန်းရပါတော့မည်။သူ့ကလေးက ဘယ်သူ့ကိုမှအကြောင်းအရင်းမရှိဘဲ ပြဿနာမရှာဘူးဆိုတာ သိနေ၍လည်းဖြစ်သည်။အဘယ်ကြောင့်ဆိုသော် ဤလူသားပေါက်စအား သူကအကြွင်းမဲ့ယုံကြည်သောကြောင့်ပင်။
"သူတို့က ကျွန်တော့်ကိုအရင်ရန်လာစတာ"
"ဟုတ်ပါပြီ၊ကိုယ်က ရာရာ့ကိုယုံတာမို့ ဘာဖြစ်ခဲ့တာလဲဆိုတာပြောပြမယ်မလား"
ရာရာသည် ခေါင်းလေးကိုခပ်ဖွဖွငြိမ့်လိုက်သည်။မျက်၀န်းများကိုကြည့်လိုက်ရုံနှင့် ထိုလူအားအရာရာပုံအပ်၍ယုံကြည်ပြီးဖြစ်ပါသည်။
"ကျွန်တော်က ပုံဆွဲနေတာကို သူတို့ကလာပြောတယ်၊မင်းရဲ့မောင်မောင်ကအခြောက်ကြီးတဲ့၊ပြီးတော့ သူနဲ့ပေါင်းပြီး မင်းပါခြောက်နေပြီတဲ့၊ယောက်ျားတစ်ယောက်ဖြစ်ပြီး ကိုယ်နဲ့မျိုးတူယောက်ျားတစ်ယောက်အောက်မှာသာယာနေတာ မရှက်ဘူးလားတဲ့"
အကြောင်းအရင်းမှန်ကိုသိလိုက်ရပြီမို့ ဤပြဿနာအား မကျယ်ပြန့်စေလို။
"အဲ့တော့ ကလေးကဘာပြန်ပြောလိုက်လဲ"
"မင်းတို့ကရော သူများရဲ့ဖြစ်တည်မှုကို လိုက်blameနေတာမရှက်ဘူးလား၊မင်းတို့ရဲ့မိဘတွေက မင်းတို့ကိုအဆင့်အတန်းမရှိအောင်သင်ပေးထားကြတာလားလို့ပြန်ပြောလိုက်တာ"
"အဲ့ဒါနဲ့....."
"ဆက်ပြီးတော့ဘာဖြစ်လဲ"ဟူသည့်သဘောဖြင့် သူမေးဆတ်ပြလိုက်တော့ ရာရာသည် ဖန်ခွက်အကြည်လေးထဲရှိ လက်ကျန်ရေကိုသောက်လိုက်ပြီး ပြန်ဖြေလာသည်။
"အဲ့ဒါနဲ့ သူတို့က ကျွန်တော့်ပုံဆွဲစာအုပ်ကို ဆွဲဖြဲပစ်တယ်၊ကျွန်တော်လည်း ဒေါသထွက်ပြီး ကျွန်တော့်ထမင်းချိုင့်နဲ့ သူတို့ခေါင်းကိုရိုက်လိုက်တာ ခေါင်းပေါက်သွားကြတယ်၊သွေးတွေထွက်လာတယ် သိလား၊ကျွန်တော်လည်းကြောက်ပြီး ပြန်လာခဲ့တာ"
YOU ARE READING
ချစ်ခြင်းတည်စေ
RomanceSeme~အဂ္ဂခွန်းပိုင် Uke~ခန့်ညားလွန်းမောင် မိဘမဲ့တစ်ယောက်ဖြစ်တဲ့ ခန့်ညားလွန်းမောင်။အဒေါ်မိသားစုရဲ့နှိပ်စက်မှုဒဏ်ကိုအမြဲခံနေရပြီး မြေအိုးထမင်းဆိုင်လေးမှာအလုပ်လုပ်ရင်းဘုရားသမိုင်းတွေကိုရှင်းပြရတဲ့ကောင်လေးတစ်ယောက်။သူ့ဘ၀ရဲ့အမှောင်မိုက်ဆုံးအချိန်တွေမှာ ခရ...
