"Junoon-e-Ishq" 🔥

Qist 17

Arshi Rayyan ko dekhne lagti hai, uski aankhoun me ek ajeeb sa dar hota hai, Arshi uska hath mazeed mazbooti se pakre rehti hai...

Sikandar... Rayyan mere sath chalo mujhe baat krni tumse, Wajdaan Miss Arshiya ko ghar chor kr aao or Rayyan k aane tak wahen rehna
Wajdaan... G Dad, Arshiya chalo
...
Arshi, Rayyan ko dekhne lagti hai, Rayyan aankhain meechte howe use jane ko kehta hai, par uska hath nh chor pata... Mr Sikandar dekhte hain or Rayyan ko ghusse se kehte hain...
...
Sikandar... Rayyan use jaane do, Wajdaan suna nh tumne Miss Arshiya ko foran le kr jao yahan se
Wajdaan... G Dad
...
Wajdaan, Arshi ko pakr kr le jata hai... Rayyan is baar hath chordeta hai Arshi ka, Arshi use beyakeeni se dekh rhi hoti hai, pr kuch keh nh paati...
...
Wajdaan or Arshi ghar pohuchte hain...
Arshi... Bhai....!!! wo..... wo
Wajdaan, Arshi ki taraf mutawajja hote howe...
Wajdaan... Me janta houn kia pochna chahti ho tum, Wo Dad hain hamare
Arshi... Kia...... kia unhain sab pata chal gaya mere or Rayyan k baare me
Wajdaan... Han unhain sab pata hai... Waise tumhare liye ek khush khabri hai
Arshi uljhi hoi nighahoun se Wajdaan ko dekhti hai...
Arshi... Kia mtlb h is baat ka Bhai
Wajdaan... Dad Rayyan ko manalengen
Arshi... Kia mtlb kis cheez k liye manalengen
Wajdaan... Tumhain chorne k liye, ab tumhain us se nafrat krne k liye use roz nh dekhna hoga, agar kisi cheez ki zarorat hoto mujhe batana, me study me ja raha houn, Rayyan ayega to I'll go back
Arshiya kuch kahe, us se pehle hi Wajdaan study me chala jata hai...
...
Arshi ka dil tham sa jata hai, wo sofe pr beth jaati hai or aansoun uski palkoun se behte howe usk gaaloun ko bhighone lagte hain...
...
Arshi... Kyun ro rhi ho ab Arshiya khush hojao, yehi to chahti thi tum, ab khushiyaan manao tumhari nafrat jeet jayegi ab, Rayyan ki mohabbat har jayegi ab
...
Rayyan or Sikandar pohuchte hain Sikandar k ghar...

Rayyan, Sikandar k saamne khara howa hota hai...
...
Sikandar... Bhethi Rayyan mujhe baat krni h tumse
Rayyan... No Dad please.... Aapko Jo bhi baat krni h jaldi kren mujhe wapas Arshi k pass jana hai
...
Sikandar... Rayyan yeh theek nh kiya tumne Mr Muraad ki beti ko qaid kr k rakha, us se zabardasti shaadi bhi krli...
Rayyan... Majburi thi meri, me mohabbat krta houn us se, aaise hi uski jan khatre me nh chor sakta tha
Sikandar....... Aaahhhhhhhhhhh tumhain maloom h agar unhain maloom howa to hamare liye kitna bara masla hosakta h or sath hi sath wo tumhari jaan bhi le sakte hain unki beti k sath zabardasti shaadi krne par
...
Rayyan... Mujhe kisi ki parwah nh h Dad mujhe gharz h to sirf Arshi se
Sikandar... Par mujhe gharz hai, tumse Mr Muraad se or Arshiya se bhi... Jo bhi howa so hogaya ab faisla hogaya hai
...
Rayyan... Kaisa faisla Dad
Sikandar... Tum Arshiya ko divorce dena hoga or use Mr Muraad k hawale krna hoga
Rayyan... Kabhi nh Dad kabhi bhi nh.... Yeh karne se pehle me... me marna chahounga
Sikandar... Rayyan samjho is baat ko Arshi koi aakhri larki nh h, jis k liye tum khud ko khatre me daalte a rahe ho, us jaisi bohut mil jayengen tumhain
Rayyan besakhta has parhta hai...
Rayyan... Nh Dad Arshi jaisa koi nh hosakta, meri mohabbat, mera ishq, mera junoon, sab kuch sirf Arshi hai or koi nh or me use kisi keemat pr bhi nh chorounga sunlain aap
Sikandar... Agar tum chahte ho Arshi ko tumse koi na cheene to acha hoga khud use us k Dad k hawale krdo, warna is k bar-aks jo bhi howa, uska zimedaar me nh
Rayyan... Me aaisa kuch nh krne wala.... Me Arshi ko yahan se bohut door le jaounga aap log nh dhound payengen hamain
Rayyan jaane lagta hai... Sikandar use pukaarte hain ghusse me...
Sikandar.... Rayyannnn.......
Rayyan daant bheejte howe ruk jata hai...
Sikandar... Do din hai tumhare pass Rayyan do din, agar tumne Arshi ko nh chora to me khud tumhain us se door krdounga or me yeh kr sakta houn jaante ho tum
Rayyan... Aap aaisa kuch nh krengen Dad
Sikandar... Me kr sakta houn me Arshi ko tumse abhi bhi cheen sakta houn Rayyan pr time deta houn tumhain do din sirf do din or Arshi mujhe yahan chahiye ab tum ja sakte ho
Rayyan... Meri bhi akhri baat sunlain Dad me usko kabhi nh chorounga
...
Rayyan wahan se jaane lagta h, Sikandar use dekhte reh jaate hain...
...
Rayyan ghar aata hai, launch me Wajdaan betha howa hota hai, Rayyan ko dekh kr khara hojaata hai... Rayyan ka chehra peela para hota hai...
Wajdaan... Rayyan.... Tum theek ho
Rayyan inkaar krte howe Wajdaan ko dekhta hai, Wajdaan samajh jaata hai or Rayyan ko gale laga leta hai...
...
Wajdaan... Mujhe maaf krdena Rayyan me tumhare or tumhari mohabbat k liye kuch nh kr saka
...
Rayyan... Nh Bhai.... aap ki koi galti nh shayad meri duaoun me koi kami reh gai hai, shayad qudrat ko yehi manzoor hai, k me or Arshi sath na rahe, shayad uski bhaalayi isi me hai pr mujhe apni mohabbat pr yakeen hai Bhai...... Koi bhi mujhe us se cheen to sakta h, pr uski mohabbat mere dil se nh nikaal sakta or me akhri saans tak us k sath rehne k liye jo ho saka krounga
...
Wajdaan... Mujhe tum hamaesha apne sath khara paoge, Rayyan wada h mera
Rayyan... Jaanta houn Bhai... Yakeen h mujhe aap par shukriya
Wajdaan... Ab me chalta houn apna khayaal rakhna Khuda Hafiz
Rayyan... G Khuda Hafiz
...
Wajdaan wahan se chala jaata hai...
Wajdaan k jaane k baad, Arshi aati hai, Rayyan or Wajdaan ki baatain sun chuki hoti hai wo....
...
Wo donoun ek dosre ki taraf dekhne lagta hain... Rayyan, Arshi k hath thamte howe use sofe par bitha hai... Wo donoun ek dosre ki aankhoun me dekhte howe bina bole bhi bohut kuch bol rahe hote hain... Rayyan us k hath tham leta hai...

Or apna sar uski goud me rakhdeta hai...

Rayyan... Kuch dair bs...... Kuch dair or Arshi please...... Me thak gaya houn kuch dair sukoon ki talaash mujhe yeh krne par majboor kr rhi hai mujhe rokna mt please...
...
Arshi saakht bethi rehti hai, bina kuch kahe, use bhi shayad yakeen hogaya hota h, k Rayyan ka or uska sath ziyada nh hai, isiliye wo use kuch bhi na kehte howe wahen bethi hoti hai....
....
Rayyan aankhain mounde, Arshi ki goud me sar rakhe howa hota h, use duniya ki kisi cheez me itna sukoon mehsoos nh hota, jitna k saamne bethi larki k pas bethe use mil raha hota hai, sirf larki hi nh balke, apni shareek-e-hayat k pehlu me bethe mil raha hota hai, us k liye wo wakt wo lamha kisi b keemti cheez se kam nh hota......
...
Rayyan... Kisi ka mehboob hona yeh sab se bara aaizaaz hota h kisi k liye bhi or mene yeh aaezaaz tumhain diya h
Arshi... Itni shiddat se na chaho mujhe Rayyan
Rayyan... Yeh mere ikhtiyaar se bahar hai
Rayyan abhi bhi aankhain mounde waise hi betha hota hai...
...
Rayyan... Me jab jab tumhain dekhta houn, tumhain khud k qareeb pata houn, mujhe lagta h ALLAH ne is duniya ka saara sukoon mere liye tumhari zaat me rakhdiya h, phir me kaise na chahoun tumhain
Arshi... Me tumhari is shiddat-e-mohabbat ka farz aada nh karpaoungi Rayyan
...
Rayyan... Mujhe kisi b cheez ka koi badla nh chahiye Arshi
...
Arshi k aansoun behne lagte hain, or behte howe us k gaaloun se tapakte Rayyan k gaaloun pr girne lagte hain...
Rayyan uth bethta hai... Arshi ka chehra saaf krta hai... Arshi besaakhta bol parhti hai...
...
Arshi... Tumhari mohabbat ek inam ki surat mujhe ata ki gai hai, me itni behis houn k.... tumhari qeemti mohabbat ka haq ada nh payyi maaf krdena mujhe
Rayyan... Mujhe tumse koi shikayat nh hai Arshi, me tumse mohabbat krta houn or marte dam tk krta rahounga or me ab tumhain pareshaan nh karounga na khud se mohabbat krne k liye na khud ko sath rakhne k liye me tumhain azaad krta houn apni mohabbat se
Arshi... Rayyan
Rayyan... Bohut takleef di h mene tumhain mazeed nh dekh sakta me tumhari ankhoun me aansoun na hi in aasoun ki waja banna chahta houn ho sake to aj tak jitni bhi takleef pohchaayi mene tumhain us k liye mujhe maaf krdena
...
Rayyan ahista ahista piche qadam barhata howa wahan se chala jaata hai.. Arshi wahen bethi Rayyan ko jaata dekh rahi hoti hai... Uska dil doob raha hota hai, aakhoun k aansoun waja dhoundte howe nikalne lagte hain, wo kuch dair theherti hai or phir apne kamre me chali jaati hai.....
...
To be continued.........