انا مش كتير بحب الاغاني القديمة..
بس بتهزمني والله..
قبل شوي طلعت بسيارة تاكسي قديمة و العم الي فيها باين عليه كبير بالعمر و لولا الحاجة ما كان اشتغل لهيك وقت متأخر ، الغريب انه كان مروق على الاخر و لابس بدلة متل يلي بالمسلسلات القديمة كانت سواقته هادية لمرحلة بتخليكي تحسي انه طالع بليل يتفتل بالشوارع مش منشان يشتغل ؛ سألته ؟
بفضول مني يا عم شو مطلعك بهيك وقت!!
جاوبني و قال الليل اله ناسه
ضحكت و حكيتله يعني انت ناسه.!
حكالي انا بحب الليل و بحب الرواق و بكره العجقة حكالي انه ما بحب يشوف كتير ناس ...
حكيتله بس الليل ما في شغل زي نهار...
سكت و حكالي الحياة تغيرت و كلشي غلي بس عارف ، بقولو كيلو الخبز صار ب نص دينار ولو صارت حبة القمح بدينار ما بهمني انا بعبد ربنا زي ما امرني و هو برزقني زي ما وعدني
قديش كمية الايمان يلي عنده و ثقة بالله
اخدت كمية وقت طويلة و انا صافن بكلامه و فكرت انه لو صبرت ربنا رح يوصلني الك!!
كونه ما في اشي بأيدي يعني
و هون راحت فيني الصفنة لتهزمني ام كلثوم بمقطع بقول :
"و غلبني الشوق و غلّبني و الليل البعد موتني "
انا غلبني الشوق
