كنت مفكرة بأنو خلص الحياة عندي وقفت عند نقطة مُعينة
لما صار حاجز بيني وبين أكتر شخص مهم بحياتي
حاجز بدون رجعة عالأغلب ..
سودت الدنيا بوجهي ، دخلت بحالة أكتئاب بيني وبين حالي بدون ما بين لأي شخص إني أنا بحالة نفسية مُتعبة جداً ، ما كان بدي شفقة
ولا تعاطف ، ولا شوية كلمات خفيفة عليهم
وتقيلة عليي متل " أنسي ، تجاوزي ، ما بيستاهلك "
ماكنت مستعدة لأسمع أي كلمة سلبية عنو
ماعاد أهتميت بحالي ، تغيرت كتير للأسوأ
بلشت خاف من حالي ومن طيشي ومن التهور يلي عم فكر فيه ، كنت عطول سكر البرامج وغيب
بعد عن رفقاتي وأرجع لاقي منن رسايل كتير
أكره حالي وأنانيتي ، حاول فهمهم بأنو هيك طبعي بحب ضل لحالي بهيك حالة ..
بأخر وقت ضليت فيه لحالي .. حسيت حالي وعيت
شفت آشيا بينتلي بأنو عالأغلب أنا الوحيدة يلي عم عاني نفسياً وداخلياً ، أنا الوحيدة يلي ماعم أهتم بحالي ..
ومن بعد هداك اليوم ولحد الأن تغيرت
و فهمت بأنو الحياة قطار وماشي ، ويلي راح بأرادتو وبسبب آشيا براسو مالازم نتمسك فيه
أدركت بأنو صحتي وجسمي إلهم حق عليي
رجعت أهتميت بحالي متل الأول
بلشت صلي ، خصصت جزء من القرآن لكل يوم عند صلاة الصبح
بلشت نظم وقتي بين الدراسه و البيت وبين متطلباتي
صرت أطلع من البيت ، وبعد الطريق قد مافيني حتى أمشي
بلشت بالرياضة لأرجع متل الأول وبلشت بدون ما قول
" بكرة بلش " وأتماهل ، ورجعت
أيقنّت بأنو عنا طاقة وهالطاقة بتخلص
بس فينا نرجع نشحنها بأرادتنا ، وبإيمانَ
_ لا تنطفو بسبب أشخاص عالأغلب هنن عايشين ومتجاوزين ، أعطو لحالكم أنتو فرصة تانية ، مو للطرف الأخر ، الحياة ملياة ناس حلوة 🌸
