صباح يوم جديد 🌿
عيله حازم كلها راحت ليه المستشفى و اتفجئو بارفاتي داخله معاهم
ايمان بصتله بضيق و مشيت و سابتهم
قاسم ابتسم:صباح الخير
بارو:صباح النور
قاسم:كنت متاكد انك هتيجي انهارده
بارو بصتله باستغراب ....اشمعنا
قاسم:عشان انتي مش من نوعيه اللي بتهرب من المواجهه فهمتي ليه
بارو بصتله و ماتكلمتش و مشيت بخطوات سريعه و قاسم حط ايده في جيبه و ابتسم
عمر خبطه علي كتفه :شكلك طبيت يامنيل
قاسم :منيل !! هو انا بلعب معاك احترم نفسك
عمر :ماتغيرش الموضوع طبيت ولا لا
قاسم ضحك:باين عليا اوي كدا
عمر:جدااا بس ذوقك عالي دايما بس دي لو قولتلها ارتباط و جو دا ممكن و شاور علي رقبته و ضحك
قاسم ضحك :لالا انا انت فهمت غلط خالص انا ناوي اتجوزها
عمر :ايوا بقي حازم يقوم بسلامه و نفرح هشوفك عريس يا ولا
قاسم ضحك و مجرد تخيل بقي فرحان اووي
منصور بحده :انتم واقفين هنا بتهببو ايه والدتكم فين
قاسم باحراج :احممم مشيت
منصور :و كاميليا
عمر :راحت معاهم
منصور :والبهوات واقفين هنا بيهببو ايه اتفضلو قدامي
مشيو كلهم و قاسم و عمر بيضحكو كان إيمان واقفه مع كامليا و بارو واقفه بعيد بتتكلم في الموبايل و نظرات ايمان لبارو كلها غضب و اللي لاحظ دا عمر
بارو بترفع وشها من الموبايل شافت ايمان بتبصلها ف ابتسمت ليها
منصور:اي يا دكتور حاله حازم دلوقتي
الدكتور:لا اتحسن كتير و اتنقل اوضه عاديه كمان
كامليا:يعني اقدر اشوفه
الدكتور :اه طبعا هو في جناح ٩ تقدرو تروحو ليه عن اذنكم
سئلو عن مكان الجناح و راحو ليه كان حازم قاعد علي سرير و الممرضه كانت بتشيل المحلول المتعلق
كامليا دخلت تجري عليه و حضنته و ضغطت علي جرح و حازم اتالم
الممرضه:براحه يا انسه حازم بيه لسه تعبان
كامليا :انا اسفه و جت تقوم حازم مانعها ....اقعدي جنبي انا كويس
عمر :خضتنا عليك يا عم اي عايز تعرف احنا بنحبك اد ايه اه يا سيدي احنا كلنا مش هنعرف نعيش من غيرك وراح يحضنه
أنت تقرأ
البلاك مامبا
General Fictionهي نقيض صعب يتوصف شكلها برئ ذي الاطفال و لكن خلف البرائه دي شخص اسوء من مخيلات اي عقل بشري بوضوح هي رقيقه كا الفراشه🦋 و اشرس م النسر🦅.
