الجزء الثالث من قصه ـ في ضريح العشق حمامه ....💙🕊

السادس عشر

في ضريح العشق حمامه.........💙🕊

وئام الشيخلي..,,,,

مساء السعاده ؏ عيونڪم غوالي.

ــــــــــــــــــــــــ

شلون الغوالي ـــ

طبعا مالحگنا نصمم اغلفه للبارت الجاي وڪلش انشغلت ورجعت من دوامي متاخره.

المهم هذا مشهد من البارت القادم واحاول اڪتب وانزل الڪم باجر او بعده تصبيره.

مشهد ــ

گالت حاول تفهم مسك لان تعرف الوضع حاليا ابيت جدي مو مستوعبين ان مسك قسمتها مو الهم وتدري هي شگد تعزهم و تداري خواطرهم.

مااستغرب اذا گالت الك مو موافقه وتخليڪم بموقف.

فدوه لعيونك الحيد  اني عندي ثقه بيك وبــ اسلوبك بالڪلام.

وانت تعرف شنو غلاتها عندي وربي يستاهلها وشفت شلون اصر عليها. ابو حمودي فدوه اريدها منك.

ــــــــــــــــــــ

هل أنت قدر....
أم صدفه ..
حياة سندت روحي ؟

ــــــــــــــــــــ

من الامثال اللي نسمعها دائما يگولون في التٵني السلامه وفي العجله الندامه.

ويگولون خير البر عاجلهُ .

امثال واحد ضد الثاني بس ياترا ياهو بيهم الاصح؟

واللي شفته بحياتي بڪل عجله ندامه وخساره.

ياترا اشوف خير البر عاجلهُ لو راح يڪون استعجاله هالمره ندامه؟؟؟؟؟؟؟؟؟؟

الطريق ڪله اعيد الموقف ابالي ومفڪره اسولف لامي عن صديقتي ٵيام اللي تعرفها عز المعرفه وتدري هي من الصديقات اللي مستحيل ينمحن من ذاڪراتي.

بس لما دخلت للبيت واول شي سمعته مڪالمه ابويه وي ٵمي.  وعصبيته وهو يگول ليش يحرجوني؟؟؟

ليش يضغطون عليه بهذا الاسلوب؟؟

لمحوا اڪثر من مره وفهمتهم هالشي مستحيل.

وامي بس تهز راسها وتگول اي اي اخر شي گالت وهسه اروح لو انتظرك تجي ونروح سويه.؟

وهو خبصها مره يگولها روحي ومره يگولها لا انتظري.

ومره يگولها البسي العبايه. ومره يگولها شلون تفوتين للبيت وامه لااله الا الله يمهم.

احتارت وياه بس ما تناقش.

اخر شي ڪالها الياس قرب يوصل من يوصل اني افهمه.

لان اتصل بيه قبل لا اتصل بيج وگال دخلت بغداد. ونهت الاتصال وياه وهي متلبڪه ومااعرف شلون اوصف حالها.

اللي فهمته من ٵمي عمها اياد متصل بــ ابوي وگايل اڪو ناس جايينك خطار بس العدد هواي ومستٵذن منه الگعده تصير ابيت جدو عبدلله.