قصه اجيال ...
هي حكاية اجداد منبعهم الطيب والمحبة
هي قصة شهامة جد وكرم ومروءة جدة
انها قصة عشق خلده التاريخ
ورواية صداقة ترمز الى اسمى العلاقات
هنا تجدون الكرم.. الصدق.. الوفاء
ترون الحب على اصوله..
والصداقة في حقيقتهااا...
والعشق في اعالي سماه...
ه...
وبعدها صورنا بــ اول ابتدائي وتستمر صورنا بنفس المراحل العمريه الى ان توصل صورتنا بيوم لبسنا الحلقات واخر صوره هي اليوم لما حولنا الحلقات من اليمين لليسار.
وبعدها بدت مقتطفات اغاني اللي نعتبرهن اغانينا المشترڪه.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مساء الورد على عيون احلى متابعين.. وما يحلى المساء الا بيكم.. شلونكم اخباركم اكيد المعنويات عال العال بعد بارت البارحة.. البارت الجاي راح يكون يوم الخميس كافي وافي ويرضي الكل ان شاء الله وخاصة بعد ما مسك شافت تعليقاتكم وطلباتكم تطلبون مني تفاصيل كاملة لذلك راح تكون وياي بكل مشهد راح تشاركني بيه مو بس هي لا حتى باقي التفاصيل راح أخذها من البنات حتى يكون البارت مثل ما تحبون كامل من كل النواحي.. مسك راح ترجع لاقراص الديفدي ولمذكراتها بيوم عرسهم حتى وتنقلهم اللي واني بدروي انقلهم الكم حتى ما ننسى ولا تفصيله بناء على طلبكم راح يكون بارت طويل طويل جداً استوفي بيه أحداث العرس وكأن حاضرين وياهم بالعرس..
بعد هذا البارت أتصور اني ما مقصرة وياكم لخاطركم ولاجل محبتكم الي معزتكم بگلبي وكلماتكم الحلوه اضغط على نفسي واكتب الكم بارت هدية.. بس بهاي المره اللي أريده منكم تلتمسون اللي العذر.
وتقدرون وضعي الكل يعرف ماكو وحدة منا ما عدها مسؤوليات اذا مو ربة بيت فهي ربة بيت وموظفة واني تعرفون عندي دوام تصدگون شوكت مرات اغتنم فرصة حتى اكتب قبل لا يزاحمني الدوام أو مسؤوليات البيت وره صلاة الفجر واظل گاعده يعني شگد نومة الشته عزيزة اني لخاطركم.
احرم روحي منها حتى لا اقصر وياكم حتى من اطلب منكم استراحة تعذروني وتقدرون تعبي..
احنا مقبلين على امتحانات نصف السنة ولحد الان اني بعد وراي امتحان شهر ثالث وتصحيح أوراق وتنزيل درجات ومطلوب مني بعدها معدل النصف الأول من غير لازم اقدم أسئلة نصف السنة قبل موعدها وامتحانات الشفوية اللي تسبقها ودرجاتها واكيد جاي تفهمون عليه وخاصة الكادر التربوي يعرف بتقسيم الدرجات والسعي السنوي وقوائمه.. اتمنى ما اشوف كلمة سلبية او كلمة تكدر الخاطر.
تصدگون عندي واجبات مأجلتها اللي جايه من العمر اللي والده واللي متزوجة لان ما عندي وقت يشهد ربي تعبانة والم بعيوني من السهر والنهار يخلص بسرعة يجي الليل ما احس الا اغلب واجباتي ما الحگ أكملها لذلك من وصلت وياكم لهاي الأحداث المهمة واطمأنيتو حتى لا تگولون تركتنا نضرب اخماس اسداس بالعكس وصلت بيكم لحدث حلو وتفاصيل أجمل..
لذلك ما اگللكم أوقف القصة لااا راح اخذ استراحة قد تكون ثلاث اسابيع وبعدها ارجع واكمل الأحداث اللي بقت وهو ما بقى بگد ما مضى ان شاء الله راح ارتبها واختصرها.
وانزلها الكم اذا گدرت قبل عطلة نصف السنة واذا ما گدرت ان شاء الله بالعطلة راجعة الكم واكمل وياكم كل الأحداث..
اللي اتمناه تعذروني وهذا عشمي بيكم لان معتبرتكم عائلتي الثانية واخواتي وما حبيت اخذ استراحة بدون ما اخبركم وما اهتم لارائكم ولهذا التمس منكم العذر وانتم كرماء واني استاهل.. بكم يرتقي قلمي وتزهر كتاباتي احبكم ♥️
