الجزء الثالث من قصه ـ في ضريح العشق حمامه ....💙🕊

ثامن عشر

في ضريح العشق حمامه......💙🕊

وئام الشيخلي .....

مساء الورد لمن يعكسون الجمال

وينشرون طيب الكلام

مساكم خير وسعادة.

ـــــــــــ

شلون الغوالي ان شالله بخير وصحه وسلامه.

قبل الاغلفه والمشهد نشطولي الذاڪره وينها البطله بنت البطل اللي تتذڪر شوڪت مُــخلــد سمع الحمامه هذا المقطع؟؟؟

متمسك بيدي مو راضي ارجع يگول بعدني والرب بعدني ما مليت نظري منج. ولا ارتويت من عيونج.

حسرات وآااااهات زين ليييش.؟؟؟

فاجٵني من گال مسك بالج واياج تتخلين عني هالمره معناها نهايتي.

حيل خفت من ڪلامه ورديت هو اني شوڪت تخليت عنك حتى تفڪر اتخلى عنك وتحذرني.

صاير شي ضام عني شي شنو سبب ڪلامك هذا.

بحسره گال لا والله ماڪو شي بس مرات يرادوني حلم ياخذوج مني. واصحى الهث وڪٵني داخل معرڪه حقيقيه حتى انقذج منهم. صوتي مبحوح ومتاذي حيل واخذ دقايق ياله استوعب هذا مجرد ڪابوس مزعج وانت الي ومستحيل اسمح ياخذوج مني.

توقعاتڪم للقادم.

ــــــــــــــــ
مسك ـــ

شيئان لا يتغيران في هذه الحياة أبدا.
إتجاه القبلة.. وإتجاه مشاعر القلوب الصادقه. وكلاهما يحتاجان يقينآ.....

اخذت تلفوني وصعدت لغرفتي جاوبته يگول اشتاگيت اسمع صوتج. الحمدلله خلصنا من الاتفاقات ممنوع تتصل وممنوع تراسل.

ضحڪت لان وقت المكالمه هو اليسولف ويتغزل ويعبر عن اشتياقه واني بس استمع واخر شي گال شو ساڪته رويحتي شو ساڪته.

بشرته ٵنس اجه يگول وصلني احساسج بالفرحه لجيته. ما طولت اتحججت اريد انزل جوه ومااگدر ارد ؏ اتصالك.