جاي اركض
انفاسي اسمعها
صوت كلبي يدك بسرعه
احس راح اختنك
وهدا اخر نفس واموت
اصارع روحي ويا انفاسي الاخيرة ....
.
.
.
فزيت افتح عيوني والاكي نفسي داخل ضلمه مااعرف بلضبط وين
شنو صار وياية عقلي واكف شي الوحيد الاذكرة موت محمد
مرة ثانية رجع ادموعي تنزل على نفس المسار الارسمها كل يومية من وكت طلعتنا من البيت لحد هسة وكل مرة تصير دمعتي احر و تحرك وبغصة اكثر
حركت رجليني انطي لروحي قوه اكوم واتحرك أو اهج...
واكتشف نفسي مقيدة بحبل خشن يحك يأدي اطرافي
جنت بأرض مبلط منشمرة ورجلية وأديني مربطين بحبل
وثكل الدنيا كلها فوك صدري اجرها بنفس وازفر
استوعبت ارجع ذاكرتي للخبصات الى صارت واشون جروني واني بس اسمع صوتهم
سديت اعيوني ابجي بصوت
حنين : تعبببببت اهواية تعبتت ... تشوفوون شراح اسويلكم اااخ الله ينتقم منكم انشالله انشالله
بديت اصيح واصورخ بصوت يلا ينسمع مبحوح وكل قوه مابية جنت مهزوزة بحيث لو انلزم من ايدي بقوه اموت
حنين : كلاب كلكم كلاب ياخونه اشلون تحجون عراقي تخونون بلدكم وتتقون على بنية ماعدكم شرف وذرة رجوله ياعديمين الاخلاق
واني ابجي بحركه واصرخ واطلع حرتي الي عمرها مراح تبرد مثل جمرة راح تبقى تشتعل بكلبي
جان الغرفة الى جنت بيها ضيكه وضلام وبيها بس رمل وملابس وسخه وريحة غرفة تكتل
حوطت وجهي بيدي وانفجرت ابجي وادعي عليهم واستنجد بلله واتذكر محمد
سمعت صوت باب ينفتح وصريرة يجي ع اذاني كلبت وجهي اباوع
دخل واحد ملثم ولابس اسود وبيده سلاح بطولي جان يمشي صوبي ويتقرب وبعدها دنك يباوع علية
ملثم : ماعدنا مرية صوتها تطلع
باوعت عليه واني صافنة واجمع اتفال واتفل بوجه شفته خزرني وكام من حيلة متعصب
ملثم : السانج حيييل اطويل وتصرفاتج أني اعالجها اصبريلي قندرة بنت المطية
حنين : تيل بيك دماغسزز مجرمين قتالين ولك الله شراح يسوووي بيكم ...
حجيت بنبرة ترجف ودموعي تنزل ومنهارة واخزرة بنضراتي سكتت من شفته شال اسلاحه من ركبته وشمرها على الارض وبعدها دنك ينزع جفوفة ويباوع علية بنضرات يخوف
اخدت نفس واني اعرف كلشي يجي من ايدهم يجوز هسة يكتلني واروح يم محمد هو هدا الجنت ناوية عليه وجان اخر همي الموت
طلع من جيبه باكيت وجداحة وخلاها بصفح وبعدها لزم فكي يعصرة بيده
حنين : وخر ايدك لا اكسرة الك وخرة نجسسس
أنت تقرأ
أسيرة2014
Romanceالعراق وهو من اكثر الدول الذي يزتنزف ارواح شعبه بكل الطرق ومنها الحروب .. حروب كدرت تخلف وراها ألاف من قصص ومنها قصة حنين الي راح تشرد من ايادي داعش ويا زوجها للجبال سنجار وهناك راح تبلش قصتها وألمها وشنو راح تشوف بعقبات حياتها ترقبوو ..
