فصليتي متمردة «مكتملة»

البارت 8

البارت الثامن

ضحكت كتله؛:

-عمه باعي نمر شسوه بشفتي..

كالت..:

-ايي يمه غير كرزايه ومن الله لونه يشع مو مثل ذيج العالم زركه وتخلي حمره حمره شتطلع

قمر: تطلع عبالك قرقوز

عمة:

-يمه شني قرقور مدري شسمه

قمر: ياا عمه غير قرد شبيج

ضحكت وكالت.... والله عندج سوالف

- طبعن غير جنتج وزوجت شيخ نمر

ضحكت وكالت:

- هههه يمعودة هسة كل هذاا لخبال العندج والسوالف من وراي اني ووليدي نمر..

- اي عمة غير ابنج مخبلني ومطلع عندي الضغط.. عبالك كاتلة أهله ويريد يموتني قهر ويكتلني قبل وقتي.. هذاا ماعنده ضمير..

- منو الماعنده ضمير أني ولج؟

باوعت لگيت نمر واكف ومخصر ايديه... بلعت ريكي واجيت يمه اركض وگلت..

- هااا حياتي الله يساعدك شكوت اجيت

- من وقت ماگلتي عني انو ماعندي احساس ولا ضمير

- لالا ماكنت اقصد... انتة زوجي وحياتي.. انتة شيخنا الي نفتخر بي شلون اكول عليك هيج... بس اني جنت اقصد اكو اشخاص ضالمين حقودين سيئين بهذاا العالم ماعندهم احساس ابد وگلت عكس حبيبي اني نويمري مثال للشهامة والرجولة والاخلاق.. حتة اسئل عمة هي تشهدء ع هذاا ع هلحجي صح عمة؟

گلتها واني امثل الابتسامة وباعت لعمة بتوسل واني اسويلها حركات بوجهي عود تشهد على كلامي اشو هاي خربانة ضحك.. رجعت باوعت اله جان يتنهد ويكول-

-والله انج مصيبة شنو من لسان عندج انتي.. يلة بوية اني رايح ع غرفتي تعبان

- لحظة اوكف... بلا دنك مالوحك اني زقجة مثل ماتكول علية وانتة ماشاء الله شطولك

ضحك هوه وگال:

- واخيراا عترفتي أنج زقجة...

باوعتله واني رافعة حاجب:

- نويمر لاتضحك علية ترة أني أكول ع نفسي الي بكيفي بس مو اية احد أسمحله يحجي علية.. وبعدين أنتة زوجي وعادي اذاا قتبست جم كلمة من كلمات الحلوة الي تنكط عسل..

- اويلي شنو من لسان عندج انتي..

- بلا يلة دنك عاد...

دنك و بسته، براسه وبين عيونه وبأنفه هوه ضل يضحك وكال:

-ولعباس راحت هيبتي من وراج

- قصدك من اول يوم شفتني هههه

كلتها وضحكت ضحكة مستفزة