”ဘာလို့လဲမောင်ထက်ရှားရဲ့”
”ကျွန်တော်..ဟာဗျာ..ကျွန်တော်မပြောရက်ဘူးဗျာ..အင့်”
”ဒေါ်ကြီးရင်တွေပူလိုက်တာကွယ်.ဘာဖြစ်တာလည်းပြောစမ်းပါ”
”ဦးမြင့်ကပြောတယ်သိလား.မင်းတို့ဒေါ်ကြီးကိုငါကကြိုက်လွန်းလို့မဟုတ်ဘူးတဲ့..မင်းတို့အဒေါ်ကငါ့ကိုတော်တော်ဖြစ်လို့ရခဲ့တာတဲ့”
ရှားစကားအဆုံးဒေါ်လှမျက်နှာမှာရဲတက်လာသည်၊ဦးမြင့်သည်လည်းရွာသားလက်ချက်ကြောင့်မလှုပ်နိုင်မပြောနိုင်နဲ့ပြူးပြူးပြာပြာဖြစ်နေရသည်။
”ငါမူးနေတုန်းမင်းတို့ဒေါ်ကြီးကပုခုံးပေါ်ကောက်တင်သွားလို့ရတာတဲ့..ငါကချစ်လွန်းလို့လို့တော့မထင်နဲ့တဲ့..ကျွန်တော်စိတ်မကောင်းဖြစ်လွန်းလို့ပါဗျာ”
အပီအပြင်ဝမ်းနည်းပြနေတဲ့ရှားကြောင့်ပြောသမျှအမှန်ထင်ပြီးကိုယ်တွင်းရှိသမျှဒေါသတွေငယ်ထိပ်တက်ဆောင့်လာတဲ့ဒေါ်လှကရွာငယ်ကိုလှည့်ကြည့်လာတာကြောင့်စိတ်မကောင်းတဲ့မျက်နှာလေးဖြင့်ခေါင်းညိမ့်ပြလိုက်သည်...ထိုအခါ....
”ရှင်လာစမ်း”
အားကြီးနဲ့လာနေတဲ့ဒေါ်လှကြောင့်ဦးလေးကိုလွှတ်ပေးလို့မောင့်စီလေအလျင်နဲ့ပြေးကပ်လိုက်သည်။
”အား..မိန်းမ..နာတယ်..အ”
လူကိုပုခုံးပေါ်ကိုယ်တစ်ဝက်ထမ်းတင်ပြီးဇရပ်စီလွှင့်လွှင့်ပစ်နေတာကြောင့်ဦးမြင့်မှာအော်ရုံကလွဲမတတ်နိုင်...ခန္ဓာဆိုက်ကပွင့်နဲ့ဗေလုဝကို..ဟိုနှစ်ကောင်ကတော့ဘယ်အချိန်ပြေးသွားလိုက်မှန်းမသိပေ၊ထိုနေ့ကကြာဇံဟင်းခါးအလှူရှင်ကြီးဦးမြင့်အာလူးတစ်သောင်းနဲ့တရားနာခဲ့ရလေသည်။
...............
အချိန်အားဖြင့်ညကိုးနာရီခွဲဝန်းကျင်ဖြစ်သည်၊လပြည့်ညဖြစ်တာကြောင့်ဘယ်အရာကိုမဆိုသဲကွဲအောင်မြင်လောက်သည်အထိလင်းထိန်နေသည်၊အရှေ့အနောက်ရွာလမ်းမအကျယ်ကြီးသည်ဘယ်သူမှမရှိတိတ်ဆိတ်နေသည်၊သိပ်မကြာလိုက်ခင်မှာပဲအရှေ့အရပ်မှအရိပ်နှစ်ခုရွေ့လျားလာလေသည်၊ဘောလုံးဝတ်စုံအနီရောင်ဝမ်းဆက်ကိုဆင်တူဝတ်လို့သူခိုးဒီဇိုင်းအပီအပြင်ထွင်လာသေးသည်၊ပါလာသည်ပုဆိုးများကိုမျက်လုံးအောက်နားစီကနေကပ်စည်းလိုက်ကြသည်၊တင်းနေအောင်စည်းပြီးသည်နဲ့အောက်ရှည်နေတဲ့နှစ်စထဲကအထက်တစ်စကိုယူကာနောက်သို့လှန်ချလိုက်သည်၊ပြီးသည်နဲ့မျက်လုံးပဲပေါ်သည်ထိခပ်တင်းတင်းထပ်ဆွဲလိုက်သေးသည်။
YOU ARE READING
အပျိုချောရွာရဲ့အရှုပ်တော်ပုံကြီး(ongoing)
Romanceရွာနာမည်ကအပျိုချော...အချောတွေပေါသလောက်အရှုပ်တွေရမယ်.... ၏ficအတွင်းပါဝင်သောအကြောင်းအရာများသည်စာရေးသူ၏စိတ်ကူးသပ်သပ်သာဖြစ်ပါသည်၊မည်သည့်တစ်စုံတစ်ရာမှကူးယူထားခြင်းမရှိပါ start date (11.7.2022) fic photo (crd)