بيـــن وصـــالك أوصاف ؛
أستغفر الله العظيم وأتوب اليه 🩶
*
المملكة العربية السعودية وتحديداً عاصمتها الرياض في « بيت ابو سيف »
4:30 pm
نزلت وهي مستعجله , وعقد حواجبه ابو سيف : سلامات ؟
دانه : قسم بالله ان يفصلوني هل مره !
اسيا : احسن انا لو اني مكان مدير المستشفى والله ماتجلسين دقيقه وحده على ذا الاسّتهتار !
ناظرتها بستخفاف : اقول انتي ورا مترجعين بيتك ورجّالك احسن لنا ولك يعني ؟
اسيا بذهول : روحي بس جالسه فوق راسك أنا ! جالسه بيت ابوي ترا .
سحبت جزمتها : فوق ماني متاخره اقابل وجهك
اسيا : حاصلك اصلاً ؟
دانه : طيري بس
طلعت بستعجل تركب السيارة وتتوجه إلى المستشفى وبعد زحمة الطريق قدرت توصل بسلام , دخلت المستشفى توقع تأخير كلعاده وتتحلطم : مدرسة وقسم موب مستشفى ،
سحبت رجولها بملل لمكتبها تدخل وتكتفت تناظر الاوراق والملفات متراكمه على المكتب بصدمه : ليكون هذا كله انا اسويه !
فزت تلف لصوت خلفها بصدمه : بسم الله !
مُدير القسم - علي - : اجل من ؟
بلعت ريقها , وناظرها بحده : بِمانك ساحبه الاسبوعين الأخيرة هذا عقابك زياده خصم راتب واتمنى ان ذي الأوراق كله تنتهي اليوم !
ناظرته بذهول تراقب خروجه وترجع تناظر الملفات : لا رسمي مدرسه جعلكم الساحق المحاق والعقرب المتلاحق كلكم يامتخلفين يامتخلف ياعلي يالزفت يالي ماتخاف ربك ،
~ مكتب عبدالعزيز ~
جالس على الكرسي ورجله على مكتبه المتناثر بالاوراق والملفات والكثير من المُهملات دخل علي وفز يتمسك بالكرسي قبل يطيح , ناظره بصدمه : الملفات وين ؟
فرك ركبته بالم : ايء ملفات ؟
علي : الملفــات الــي الصبــح اعطيتكيـاها
عبدالعزيز : بسويها طيب !
علي بتهديد : قسم بالله اذا ماتعدلت اني لنقص من مرتبتك زي ماسويت فـ الي قبلك !
عبدالعزيز : طيب .
طلع علي تاركه هو الثاني برضو يتحلطم : اوف يارب الصبر بس من وين طلع ذا بعد !
~ مكتب دانه ~
ياخذها الوقت بِساعاته بين ملفاتها واوراقها تنظمها وتدخلها بالحاسب وتكمل عملها , زفرت تشوف اخر ورقه بسم - عبدالعزيز محمد - : الله ياخذك ياعلي وين نلقاه ذا بعد
سكرت الحاسب تاخذ أغراضها والورقة وتخرج من المكتب تتوجه لمكتبه : يارب يارب انه موجود مالي خلق ياربي ادوره
طقت الباب وصلها الصوت يأذن لها بدخول , ودخلت : سلام عليكم .
عبدالعزيز : وعليكم السلام ؟
دانه : عبدالعزيز ..
عبدالعزيز بستغراب اكثر : هاه؟
دانه : اقصد دكتور عبدالعزيز
عبدالعزيز : امحق دكتور وجه دكتور انا ؟
دانه : هاه؟
عبدالعزيز : لا ولا شيء
حمدت ربها على نعمة العقل وناظرته : علي معطيني اوراقك لـ..
فتح أدرج يطلع أوراقها : ادري ، عندي أوراق لك انا بعد
ناظرته بصدمه : وش اوراقه توني مخلصه !
عبدالعزيز : وانا وش دراني تصرخين علي !
زفرت تاخذ أوراقها وتتمت بقهر تطلع : الله ياخذك ياعلي الله ياخذك ،
توجهت لمكتب البنات تشوفهم مجتمعين يسولفون ويكملون شغلهم : اسمعوا انا والله معد اتحمل اجلس دقيقه زايده وحده منكم تزين الاوراق هاذي وتعطيها المصروع
خولة : المصروع ليكون علي ؟
دانه : فيه احد غيره ؟
منار : جيبيها انا اسويها
رمت لها بوسه : جعلك من اهل الجنه
ضحكت بخفه : امين ومن يقول .
طلعت تنزل للمواقف وتركب سيارتها تحرك وتخرج راجعة لبيتهم بعد يوم بنسبه لها مُتعب ..
