دكة حجل

حلقه 21

بقلمي…..

حلقه 21

حَاير و أَحَسّ بِخَطَر 

حَيَّرَه حَمَامَةٌ بِمَطَر ، لَوْ مَا لكيتك وَطَن ماضال بأغصانك 

ماحاولت تَلْتَفِت ؟ 

تفتقد حنيتي ؟ 

مو چنت ڪلشـَي أَلَك لِمَيِّتِك مِن أُلْهُوَّةٌ وضميتك بريتي ! 

و هـذا النطيته أَلَك مو وكتي ! عافيتي . 

ﺂنـه بوجودك قَوِيٌّ ومكتملة شخصيتي 

وَمَنْ رَاحَ خَوْفِك كَلّت رَاحَت اهميتي 

چـا هاي تاليتي ؟ 

تَبْتَعِد عَنِّي بِسَبَب حِرْصِي و انانيتي ؟ 

تتخله عَنِّي بِوَقْت تعبانه نفسيتي ؟ .

كعدت ع هوست بلمستشفى وشرطه وحت لممرضه تتراقب  اذا دخلت عليه وتنطيني جرعه، عرفت اانه مصوبه بجتفي، 

حجيت ولساني ثكيل: بابا 

الممرضه: اطمني حبيبتي انتي بحمايتنه وحمايتة الحكومه محد يكدر يمد ايده عليج والصوبج حاليآ هوه بلسجن 

ليرا: اريد بابا عفيه 

الممرضه: وينه منهم ابوج يمكن اكدر اجيبه الج 

ليرا: مقعد ع كرسي عجزه 

لممرضه:الاسف الشرطه مانعه والدج يدخل اني عبالي والدج يكون واحد من الحكومه الموجوده برا

ليرا: التفت باوعت للمغذي، وهوه ينكط شوي شوي، اجت وزرقت ابره غمضت عيوني بتعب، واتنهدت فتحت عيوني، وحجيت بثكل بلساني، منو خبر الشرطه 

الممرضه: مدير المستشفى اتصل ع الشرطه، صارت عركه بلباب مال ناس مشايخ، وتهديد وصل للدكتور اذا يسويلج العمليه راح ينقتل، ف ضروري اتصلنه ع الشرطه وعرفنه قضيتج متسمه(غسل عار) 

ليرا: شنو راح يسون بيه هسه 

الممرضه: الكل راحو للتحقيق ، اخذتهم الشرطه لاتخافين اصابتج قليله تحتاجين يومين بلمستشفى وبعدها انشوف شنو قرار الحكومه 

ليرا: يعني مراح يسلموني الاهلي 

الممرضه: لا اكيد مراح يسلمونج الاهلج الا ب كفالة اطلعين وياخذونج ، الله يستر عليج بحق النبي محمد 

ليرا: نزلن دموعي واحسهن يچوني چوي، رجعت نمت وماادري شكم ساعه نايمه، كعدت ع صوت وحده سامعته وناسيته، 

:هلو العاهره، شلونج بنت الملاهي، بنت الشواارع 

ليرا: جفن عيني صار شثكله اريد افتح عيني ماكو، وكانو بحلم 

:والله على ذمتي اخليج عايشه، هسه نختار يا حياتج يا حياتي، منو راح اتعيش ، عذريني بنت رجلي اسفه كلش بس مجبورة اسوي هالشي الخاطر اخوانج رامي واميرا اتخلصنه منج ورجعتيلنه، ورجعتج هاي ممكن اتخربنه، واطشرنه لا بس اني عايشه واشم الهوى مااسمحلج ابدا،،،