وردة الشهم

البارت 6

ردني ردني
يالبگتني
بليلة أجيتك
دورت روحي اعلئ روحي
لا شفتها ولا لگيتك

كاظم الگاطع
- - - - - - - - - - - - - - - - - - - -
حجت بيبي
::- عباس اتصل ب سند خل نشوف شكو

ماقبل جدو وكالة هو يجي ونعرف بس بيبي بقت تلوب كالت لام فرح تصب الغدة وتحظرة من بعد ساعتين وربع اتصلت ب خالو وكاللها جاي عشر دقايق ونوصل اوسم وتيمور ما يخلون من العركات والشقة والضحك حتى ام فرح ما سلمت منهم طبعا ام فرح تشتغل عدنا طباخة وكلش نحبها ومتعلقين بيها وهي حبابة وخلوقة عدها بس بنية اسمها فرح هم تدرس وياي خامس علمي وصديقتي المقربة وابوهن ميت حظرنا العشة انفتحت الباب الرئيسية مال الشارع ونزل منها خالو شهم ركضت حتى استقبلة ووكفت مصدومة نزل وياه بنية ناعمة حلوة لابسة تراك بيتي ومبين عليها مضروبة رفعت راسها باوعتلنا وصارت ورة ضهر خالو باوعلي تنهد وحجة

::- حور حبيبتي دخليها خل ترتاح

هزيت راسي واجو كلهم يباوعولها لزمت البنية وسندتها لان شادة رجلها مبينة متكدر تمشي مشيتها وهي ترجف بايدي انكسر خاطري عليها حيل وتسالت من امها دخلتها للصالة وبيبي تحجي

::- شكو شهم منو هاي البنية

التفت باوعلها وهي دمعة بطرف عينها نزلت راسها دموعها تصب اشرلي خالي ادخلها اخذتها لوحدة من الغرف الجوة وكتلها ترتاح هي بس مدنكة وتهز براسها حجيت

::- متحاجة شي بعد حبيبتي

رفعت راسها ابتسمت ومسحت دموعها بردن تشيرتها وكالت هزت راسها ب لا طلعت وعفتها خالي شهم كاعد وهم واكفين ع راسة رفع راسة الي كال

::- ها شلونها

::- دخلتها للغرفة بس ليش،هيج وضعها خطية بس تبجي

تنهد وبقى ساكت حجت بيبي
::- ولك يمة احجي منو هاي البنية لا تخبلني

باوع لامة وتنهد
::- يمة احجيلج ولله بس انطيني مجال راسي راح ينفجر

باوعلي وكال
::- حبيبتي حورية كلاص ماي

::- صار خالو

رحت جبت مي الة وانطيتة ساكت وكلساع يتنهد حجة جدو

::- ها بوية هديت انشالله تكدر تفهمنا هاي منو

تنهد خالو وبدة بحجيلنا كلشي يخصها طول ما هو يحجي وبيبي تكول ياا عمت عيني خطية الله يساعد كلبها يااا عمية عيني عليج يا يمة بعدهي صغيرة واني ابجي عليها فعلا مشكلتها تهز جبال الله يعينها ويساعدها حجة خالو

::- جبتها هنا خوالها ما يتامنون

عباس
::- زين سويت بعد ابوك