زواجي من صهري 💍مكتملة💍

الجزء 22 💍❤️

**بارت22**
**زواجي من صهري**
نجلاء: خرية سكتينا من الصداع قررت وغنقطعو وبلا متصدعني انا عندي غراض بهذاشي
يسرى:(شدتها من يدها)نجلاء انا عارفة علاش بغتي تقطعيه انتي كدري هكا باش اباك اغوت عليك ياك
نجلاء: لا باش اهدر معيا هو مكيهدرش معيا بزوين خليه اهدر معيا بالخياب مكيقسنيش اطبطب على ضهري ولا على راسي ولا اقيس وجهي بلطف خليه اقيسو بعنف وقسوة انا بغيت نحس بلي هدر معيا وقسني ودبا تحركي قدامي وسكتي ولا نتف ليك دوك جوج زغبات لي باقين ليك فراسك
يسرى:نجلاء متفرطيش فشعرك عافك
نجلاء: عرفتي اشنو هاكي هذاشي وسري جلسي فديك محلبة حتى نسالي ونجي عندك عرفتي تبعني غنتسيف عليك وانتي كتعرفني فخليني نكون هاديئة الله ارحم باك
يسرى:(شافت فيها باسف وهي درب برسها )وخا اصلا منقدرش نمشي معاك دري هذا الجريمة فحق شعرك
نجلاء: خرجو عليك المسلسلات تاع دوزيم جريمة فحق راسك تلاحي خرية متخلي لواحد اكون مهدن (مشات نجلاء دخلات لصالون لقات واحد المرأة كتقاد شعرها وحدة لبنت جلسة لبسة طبلية بيضة )سلام
الكل :سلام
البنت:باغية تقدي شي حاجة اختي
نجلاء: بغيت نقطع شعري
البنت: اه دوزي اخي نقطع ليك (جلسات نجلاء ودارت ليها لبنت واحد ليزار على عنقها  وحلات شعرها طويل الرطب تصدمو كاع لي تما ) اش بغتي ندير ليك اختي😮
نجلاء: (مدات ليها تليفون )دري هذي وسربي اختي مزال تبعني طريق
البنت:😳😳😳كيفاش هذي
نجلاء: مكتعرفيش ليها
البنت:لا كنعرف غير هو علاش غديرها شعرك زوين وطويل
نجلاء: وانا بغيت نقصرو سربني اختي
المرأة:(لي كانت كتسيب فجوج زغبات بقين عندها)عافك بنتي متخصريش شعرك هو رطب وزوين علاش غتقطعيه شوفي انا كون غير عندي
نجلاء: اختي طلقني والى مبغتيش انمشي لصالون اخور وكنضن عطاهم الله فبلا مديعيش لي وقتي
(شافت لبنت فمولات المحال هي لي كانت كتصيب شعر لديك المرة)
البنت:اختي فوزية منقدرش ارى نقاد لمرأة وقطعي ليها انتي
فوزية:(شافت فالبنت وفنجلاء لي بغات تنوض تخرج فحلها )جلسي اختي انا نقطع ليك
نجلاء: مزيان يلاه غنزض نمشي فحالي حيت بان ليا هنا عندكم لنصائح ماشي صالون لشعر
(الحاصول كردات نجلاء الشعر وقاداتو ليها الكوفورة وخرجات من المحال من بعد مخلصات الكوافورة توجهات عند صحبتها )
نجلاء: مشينا
يسرى:(كانت كتشرب فالعصير بخاتو من فمها بصدمة وبدات تكح )كح كح
نجلاء:(كتهز خصلات شعرها لي مرضوها كتردهم ورا ودنيها وكدرب فضهر صحبتها بدكشي لي عندها)القحبة متعرفي تشربي بشوية البقرة شوهتينا فالمدينة
يسرى:الخرى بعدي راه درتني (ناضت وقفات وكتشوف فيها )ناري طحبة قطعتيه بصاح مي جاك زوين الطحبة لموك غدي تخرجي علينا الى شافك الحاريس تاع دخلية خرجة بلوك وداخلة بلوك
نجلاء:امشي اعودها لمو هو لي بقا ليا نبرر ليه تجمعي يلاه نمشيو قبل ميمشي لكار نصدقو بيتين هنا (مشات نجلاء هي وصحبتها يسرى لمحطة يسرى بقات غير حضية الوك تاع نجلاء لي غادية بهدوء لي شفها بداك الوجه يحلف عليها غير بيبي بريئ يلاه خارج من كرش امو مي هي فليفلة مع رسها تغامر دير بزاف ديال الحوايج مي فحدود وهذا الحوايج غنتعرفو عليهم  فالاجزاء لي جين وعلاش كديرهم
العودة الى الحاضرة
رشيد:(كيلوح بيدو قدام وجها )هيو نجلاء فين مشتي
نجلاء:هأ لا انا معاك شوف هز هذاشي  تاعك وخرج بغيت نبدل حويجي
رشيد:فين غدية ياك يلاه جتي
نجلاء:مغدية فين غنمشي غير ندور شوية فالدوار 😈
رشيد:اه وخا انا نمشي نوري هذي ل امال 😈(اه سير قلي ليها السم لمسمومة الله ارضي عليك)
خرج رشيد وناضت نجلاء جبدات واحد سروال تاع كيطمة  كحل لبساتو ولبسات معاه تشورت بيض وسبرديلة بيضة وطلقات شعرها قداتو هزات تليفونها دارت ليكيت فودنيها وخشات تليفون فجيب وخرجات كتغني مع الاغنية ونزلة مع الدروج
توريا :افين غدية اداك عزري دوار
نجلاء:(دارت شافت فيها وهي تهز حاجب ومنزلة لاخور )معيا انا  كتهدري
توريا:مع خيالك
نجلاء :خرجة ندير ليكم البوز فالدوار جواب مقنع ياك (غدية خرجة )
توريا:والله غير اوصل حتى نقولها ليه
نجلاء: اه عمريه مزيان قولي هذاشي لي درت وزدي عليه شي حاجة من عندك قولي ليه درتها مهم متقصريش ومتخلي من جهدك بغيت ملي نرجع نلقاه شاعل عافك (خرجات وخلتها بغات تموت بسم وفنفس الوقت كتعجب فيها )
توريا:اويلي مال هذي علايش كتقلب وكيفاش ولات بحال هكا ناري ياك مكتعطى المخدرات
عند نجلاء خرجات حتى لباب ورجعات لدار دازت على نوريا بحلا مكيناش طلعات لبيت هزات واحد لميكة وخرجات تاني كدندن مع الموسيقي ولي داز عليه تقول سلام وتبتسم وخا الناس كيشفو فيها شي شوفات غراب دازت على واحد المجمع تاع العيلات
نجلاء: سلام عليكم لباس (شيرات بيدها 👋 ودازت)
وحدة من دوك لعيلات:ناري شوفو اش دارت فرسها
مرأة تانية:ناري ياختي الله استر هي غير نزلات تقرى ف افورار كون مشات لشي بلاصة اخرى اعلم الله اش غدير
المرأة تالت:اودي الله استرنا وصافي ويستر بنتنا
1: انا بعدا منخليش بنتي تنزل تكمل قريتها الى غتجني بحال هكا
2: اودي راه لي بغا اقرا كيقرا ياك ختها كانت تقرا تما وكنت محترمة رسها حتى تزوجات هذي معرفت علاش خرجات بحال هكي
3:_ ختها ربتها الام وهذي ترابي تاع توريا كيف بغيتوها تخرج
المراة :وييه اختي عندك الحق ترابي تاع توريا هدوك (برافو عليكم العيلات هذاشي لي بغات نجلاء نيت )
نجلاء: (بقات كتسمع لناس لي دازت من حداه ابقا اوشوش الرجال وعيلات وهي تبتاسم )نجحت الخطة هكا غنتسما بنت براهيم بزز منو فات وقت النحس دبا نولي نجيب الشوهة 😏كل مرة نجدد باش سي براهيم ميملش وهو كيعيرني بنفس المعيور هههه(وصلات الوجهة تعها شافت فيه كان جلس وشادة راديو فيدو كيقلب فالادعات ولابس طاقية صفرة تاع الخيط وجلابة قهوية شافتو وبتسمات بحب )سلام عمي العربي
العربي:(سمع صوتها وهو يبتسم ومع هز راسو وهو يتصدم )نجلاء بنتي
نجلاء: (قربات عندو وتحنات على يدو بستها بحب وباس راسو )كيف دير عمي لباس
العربي:الباس ابنتي جلسي(مد ليها رسي صغير جلسات فيه)
نجلاء: توحشتك وتوحشت نجلس معاك
العربي:حتى انا ابنتي كيف غدية مع القريا
نجلاء: مزيان اعمي (سكتو بجوج شحال وهي تنطق)مبغتيش تسولني على شعري وعلاش درت هكا
العربي:بغيت نسولك مي كنضن عرفت كلشي وعمري نشوف فيك شي شوفة خايبة وصورتك غتبقى نقية فعيني وخا نشوفك غدية عريانة عرفتي علاش
نجلاء: (بغاو عنيها ادمعو هزاتهم لسماء )علاش اعمي
العربي:حيت انتي نقية وشريفة وقلبك نقي بزاف معرفت كفاش ولا امتي ولتي هكا ولاكين كنعرف علاش كدري هذاشي لي بغيت نقول ليك ابنتي وانتي كتقلبي على شي حاجة مفقودة فحياتك ردي  لبال لضيعي راسك وتودري نجلاء صغيرة البريئة
نجلاء: (شافت فيه وهي دور وجها كتشوف لبعيد )نجلاء صغيرة البريئة ودرتها ومن شحال هذا معرفت فين وامتي تفرقنا اقدر نجلاء صغيرة باقي وقفة قدام لباب كتسنى اباها اجي توريه الناتجة تعها ولا تكون باقية فالزريبة كتبكي على المعيزة وتشكي همها وهي كتسنى فختها ترجع ولا تفرقنا فاش كانت نجلاء صغيرة كتسرح النعاج فالشمس الحارة وبجوع اه اقدر نجلاء صغيرة باقي كتسنى  فاللعبة تعها لي كتغني معرفت اعمي فين بقات مي راه ودرتها وشحال هذا