أحببت سفاحا ❣️مكتملة ❣️

الجزء 21 ❣️

البارت:21

علي: اممم مالك نازلة مدرمة بحال لحلووف فيناهوا خلاص توصيلة
انا:(باستغباء) اشمن خلاااص تاني
علي: اجي نوريك (جر ليا وجهي وجمع حناكي بيدو وباسني بوسة قوية فشنايفي)
انا: واااعععععع العكر تمسح
علي: (بابتسامة) العكر ديرييه ليا غير انا سيري احبيبة ملي تخرجي اتلقايني كنتسنااك
انا: اوكي بيبييي
جيت نزل جرنيي
انا'': وااااع شنو بغيتي تاااني 😭😭😭
علي: تدوي مع شي وااحد نقتلللك
انا: لا لا كوون هاني (بغيت نزرب عليه) يااله باي اموواااح
علي:نقتلك
انا:متقدرش ..وهربت ليه
مع نزلت لقيت وااااحد ربااااعة ديااال سفريييطااات حاااضيين علي وكيتغااامزو عليه ويتلوزو من حدااااه
انا:معامركم شفتووو زين
البنت1: ونتي شنوو دخلك
انا:والله ومتجمعي عليا فمك حتى نجي نوريك اش دخلني
البنت2 : سيري سيري دابا نخسر لختي الكمااارة لي عاجبااها
طل عليها علي من شرجم وهضر باش ندفن موك وانتي حاية
البنات: تزيرو وبدااو كيكمكمو ويعوجو فمهم وانا كنقلي ليهم سم
خرجت ليهم لساني وهو صيفطت ليه بوسة في هواء طلق عجاج واقيلة ومشيت دخلت
كانت عندي حصة دوك العقروشات مابقيتش تلفت ليهم دخلت لقاعة معطلة جيت وحليت الباب بحالا دااخلا لداار باا كاتبان ليا القااعة كاملة كتشوف جيهتي هههه وااو واش جيت زوينة بزااف زعما
استاد:اهلا اهلا بلالة سيلين مزال حال
انا: (فرحت 😅 تميت مدرمة داخلة) شكرا استاااد
استاد:رجعي خرجي براااا
انا:(بعفوية) اويييلي 😱
الطلاب: ههههههه
استاد:تغيسي فيه يا الله خرجي جايني حتى قالها ليك موخك عندي كافي هنا
انا: (بديت نتلحون ونسلك عليه فالكدووب) حق مووولاااانا استااااد كنت في سبيطار
استاد:ايه اش درك معدة ولا مسارن
انا: (بشوية) باوااه طيحاان؟؟؟
انا: لا لا لا بيت نقوول كنت كنسخف بزاااف (بالخلعة ديال لمضاربات هههه)
استاد:اري شي شهادة ديال سبيطار
انا: (صافي مشيت فيها)
نسيييتهاا والله الحصة جايا نجيبها ليك استاد اخليني ندخل احمبااك
استاد:غير خرجي ابنتي راه قولب حفظهم
انا: (بديت نتغبن) و..والله غداا نجييبها عافاك غا هاد المرة الله يزوجك
استاد:امين😉😉 ياله دخلي ونهاية حصة غادي نتفهم معاك حيث اخر مرة
مشيت نجري بانت لياا امينة طرت عليها بتعنيقة كنا غادي نقلبها مندبة قررنا حتى نخرجوو برااا
امينة : ههههه طيرتيني امسخوووطة هههه
انا: هههه المهم دخلت صحة
الاستاد: الااالة واااش دخلتك باش تجمعي
انا:سوووري
استاد :كمل شرح ديالو
مهم ديك ساعة دازت مملمة...بقيت عطيهاا لحتيت انا واموونة حتى حسيت بي حلقي نشف عودت ليهاا كلشي
امينة:(بصدمة) واااا فييييلم حرييييرة طاحتي فيها اصاحبتي دابا اش غاديري مع مؤيد
انا:اف بغيت ليه موصيبة بحال هو شغل تفول غادي يصرف عليه وبصراحة انا كيخلعني مكرهتش نخدم ونجمع فلوس وندرق زلفتي حيث مبقا عندي حتى شي ريااال ا امينة
خاصني نخدم مي حريرة شكون يخاليك وانا منقدرش نشد من عند علي اف حرت ودخت وقربت نتحار
امينة: شتي واااخا تهربي يجبدووك يجبدووووك واخا تكوني فسااابع سماا فيقي احنينتي
انا:اف انا بغيت غير فلوس يكونو جيبي بعداا زمان غادر وانا عارف معنى ديال يتقلب عليك زمان..
امينة: اش بغيتيهم
انا:اويلي نبغي نشري غير اولوز مبقاش عندي ريال يدوور طبيت والله
امينة: ايلا قلتيها ل علي مايقولش ليك لا
انا:وي اصلا كيجيب ليا كلشي قبل منحل حتى فمي غير هو كون يفهم موخو ويعطني حتى فلوس
امينة: قوليهالو بالفن
انا:بحالش هدا الفن اش غادي نقول ليعطه
امينة: ونتي تعرفي حبيبك اش كيعجبو 😉 مثلا ملي يكون خداام فيك ههه قوليهالو دااك سااع ماغيرفضش
انا:زعمة هكا علي بغيت فلوس
انا قلت نهز ليه ومنقول ليه والو
امينة: وي مع تلحوين شوية قولي ليه كنحتاج فلوس..لا اصكعة و ايلا حصلك وفهمها عوجة
انا:مغادي يدير والو
امينة: ماتغاامريش اصاحبتي ديري هادشي لي قلت ليك بعدا
انا:اف خفتو غير يقمعني واخ هكاك بفيت نخدم
شحال قدو يعطني هو راه باينة فيه مخادم ما ردام
امينة: اوكي طلبيه يخليك تخدمي مي عرفي الوقت المناسب فين تقوليها لو 😉
انا:واخ هكاك راك مكتعرفيش علي راه واخ يكونو يشهدو ليه ينوض يخلي دار عشتي راه غادي تجيه بحال اهانة الا قلت ليه بغيت نخدم بحال كنقول ليه راك مموافرش ليا داكشي لبغايت هكا غادي تججيييه وووالله
امينة:مممم كاين حال ياك بغيتي تخدمي
انا:اه اه اااه عتتتقييي
امينة:كااااينة واحدة شريكة ديال هندسة كتقبل تخدم معااها بلماا تمشي عندهم خدمة باغ بيسييي
انا:(ضربتها لكتفهاا ) وسااااكتة
امينة:اي اي اي ياللله تفكرت مي كاين مشكل
انا:فين هووو مشكل
امينة:واش غادي يقبلووك وانتي ياله اول عام
انا:اف اف مي ياله نمشيوو ويكون غير عندي قوة الاقناااع نحاول ومنها نغير جووو
امينة:وقريااا
اناا:نضربوة سوايع
امينة:اممم اكي
طرت عليهااا 😘😘 خرجناا من مدرسة شديناا طاكسي لبلاصة تاع شريكات حاطنا طاكسي قداممم واحد شريكة واوا دخت كلهاا زجاج منظرها انيق بزاف وتصميم طوب ودير بيها واحد جريدة زوينة عطها رونق وجمال لمكان اكثرر  ولكن فاش هزيت عيني وشفت كانت صدمة اكثر من جمال مكاان ....
دخلنا انا وياعا للشريكة معا دخلة..غير هزيت راسي وانا نتصدم.. اه تصدمت صدمة ثلاثية الابعاد.. اه دنياااا.. الدنيا بنت لحرام غدارة.. كيفاش مفكرتش فيها و نسيت انا لافامي " سميرس" هي اكبر موزع للمعدات الطبية فالمغرب وان كل اعمال هاد الشركة كتمشا غير عبر الانترنت و التكنولوجيا الحديثة.. اه تلاقيت نزار سميرس لي كان كيموت على تراب رجلي وكيغيني غير نضحك فوجهو مع صديقة العمر سهيلة البقالي لي قرات معايا من الابتدائي وكانت صديقة الطفولة ونهار تقلبات حياتي كان حتى هي وحدة من اسباب قليب حياتي حيت صديقتي الصادقات لقيتها كتحاب هي و خطيبي العزيز و سط الفيلا ديالهم (ملي مشيت عندو باش يوقف معايا) وملي اعترضت و بغيت نضربها سي نزار لاحني انا فالزنقة وقالي بالحرف " هادي لالاك" المتشردة ... مجردة شفتهم تفكرت كلشي جاع الدكرايات الخاية دازو من دماغي كرهت راسي و كرهت شي حاجة سميتها لخدمة و ندمت اصلا علاش فكرت نخدم و قبل مايشوفوني او تعيق بيا امينة كنت خارجة من الشركة وكنجري ...
امينة مسكينة مفهمات والو وتبعاتني وردات البال انا صفرة وكولي كنقفقف ومرتبكة فهمتها اش كاين وفهمات ولكن مكانش ممكن تمشي خصوصا انها كانت دايرا مع شخص و كان غادي يتوسط ليا فخدمة هادشي علاش كانت مضطرة تعيطلو وهزات تلفونها
امينة: عماد مغديش نجيو حنا فعلا وصلنا حدا الشركة ولكن صاحبتي مبقاتش باغا تخدم..
شافت فساعتها وكملات الهضرة فالتلفون
امينة: واخا احنا نتسناوك...
دارت عندي امينةو قالتلي نتسناوه واحد 10 دقائق هاهو غادي ينزل عندنا عارضنا لغدا..
فعلا تنسنينا 10 دقائق وهو ينزل عندنا عماد ولد عمرو شي 30 سنة زويون بزاف و بلا متحتاج تعاودلي امينة عرفت انا كاين شي حاجة بناتهم و هاد عماد خدام فمصلحة الموارد البشرية ديال سميرس تكنولوجي..
المهم ركبنا فطونوبيل عماد و شاعلين موسيقة شوية صونا تلفوني كان علي ضارت شافت فيا امينة وانا بالخلعة بديت نقول
انا: نقص نقصو نقصو عفاكم و حتى واحد ميهضر..
طفا مسكين عماد البوسط ضربو الطم بجوج هو و امينة وانا نجاوب
انا: الو حبيبي علي... اه باقا اخر حصة حتى ل 4 ان شاء الله .. صافي واخا واخا نقرب نسالي نصيفطلك ميساج..
قطعت وانا كلي كرجف وخايفا وداك عماد كيشوف فيا من لمرايا وهو ينطق
عماد: صاحبك؟؟
انا: اه
عماد بابتسامة شريرة: شتو منوض فيك الرعب؟؟
انا (ارتبكت وانا نقوليه): لا لا غير غير كنحتارمو وصافي .. بغيت نقول هو مغيار شوية كثر من القياس و مكنبغيش نخصرليه..
معاود قالي عماد والو كمل سوقانو و عاودات شعلات امينة البوسط و انا فنفس الوقت قلبي مقبوط و معرفت مالي، وصلنا لواحد سيدي مطعم انا لي كنت حاسبا راسي كنت عايشا البرجوازية عمرني مشيتلو دخلنا وستقبلو داك عماد احسن استقبال خدنا احسن طابلة نصحنا عماد باحسن اكل عندهم طلبناه شوية وانا نستاذن مشيت للحمام..
فعلا مشيت للحمام قضيت حاجتي غسلت وجهي عاودت ماكياجي حاولت نبرد من صدمت نزال ومكالمة علي لي طيراتها مني خلعا وانا كاذبة عليه الله ينعل بو النهار لي فكرت فيه نخدم وانا راجعة باش نمشي لطبلتي كيبالي
تصدمت صدمت حياتي ماكنتش متوقعة غادي نشوف هاد لمنضر ماكنتش حتي كنحلم بيه مابقيتش عارفة بالضبط واش نيت بصح داكشي لي كنشوف ولا غير كنحلم بقيت واقفة مصدومة مدهوشة من لمنضر حسيت بركابية فشلو علي شوية كنت نطيح
.....يتبع