-Unicode-
"စာတွေပိုင်နေပြီလား ကူကူး"
"မင်းအပူမပါဘူး။"
"ဟင် ကူကူးကလည်း တစ်ခါတလေလေးများစကားကောင်းကောင်းပြောကြည့်ပါလား။ အမြဲဘုနဲ့ဘောက်ချည်းပဲ"
"ငါးပါးစပ်နဲ့ငါဘယ်လိုပြောပြော"
ထယ်ယောင်းကဘေးကနေလိုက်ပြီး မျက်နှာကိုအချိုဆုံးထား၍အမေးအမြန်းထူကာစကားများသည်။ ဂျောင်ကုကတော့ မျက်နှာကိုတည်သည်ထက်တည်၍ ဘေးမှအမေးအမြန်းထူကာစကားများနေသူအား အေးတိအေးစက်ကြည့်ပြီးဘုနဲ့ဘောက်ခပ်ပြတ်ပြတ်ပြန်ပြောသည်။ ဒါသည် သူတို့နှစ်ဦး၏နေ့စဉ်ဖြတ်သန်းနေကျ မရိုးနိုင်သောပုံရိပ်ပင်ဖြစ်၏။
ဘာလိုလိုနှင့် မနက်ဖြန်ဆိုလျှင်စာမေးပွဲဖြေဆိုရတော့မည်။ 19ရက်နေ့မှစတင်မည်ဖြစ်သောစာမေးပွဲသည် 24ရက်နေ့၌ပြီးဆုံးမည်ဖြစ်ပြီး 25ရက်နေ့သည်ခရစ်စမတ်နေ့မို့ကျောင်းပိတ်လေသည်။ အရင်နှစ်တွေကဆို ခရစ်စမတ်နေ့၌ ကျောင်းတွင်ပျော်ပွဲရွှင်ပွဲလုပ်ပေးသော်လည်း ယခုနှစ်မှာတော့ နားရက်သာပေး၏။ သူတို့အဆောင်နေကျောင်းသားများသည်လည်း ထိုနေ့၌ မနက်(၆)နာရီကနေည(၈)နာရီအထိ အပြင်ထွက်ခွင့်ရထားသည်ပင်။
"25ရက်နေ့ကျငါးနှစ်ပြည့်ပြီ။"
သူ့စကားကြောင့် ထမင်းပန်းကန်ကိုင်ပြီးစားပွဲလွတ်ရှိရာသွားနေသည့်ကူကူး၏ခြေလှမ်းများတန့်သွားသည်မို့ သူပါသတိလက်လွတ်ဖြင့်လမ်းလျှောက်ခြင်းအားရပ်လိုက်မိလေသည်။ နောက်သို့ပြန်ငဲ့ကြည့်လာသောကူကူး၏မျက်ဝန်းနက်များထဲတွင် အဓိပ္ပာယ်ဖော်ရခက်သောအရိပ်အယောင်တို့ယှက်ပြေးနေ၏။
"အဲ့တာလည်း ငါ့ကိစ္စမဟုတ်ဘူး။"
လက်စွဲတော်စကားအားဆိုကာ ခပ်တည်တည်ပင်ရှေ့သို့ပြန်လှည့်၍ခြေလှမ်းများကိုဆက်သည်။
"သူ့ကိစ္စလို့ရောငါကပြောမိလို့လား ဟင့်! အလကားနေမာန်မာနမိုးပေါ်ရောက်နေတဲ့ကောင် အရူး"
မျက်နှာကိုမဲ့၍ပါးစပ်လှုပ်ရုံတီးတိုးရေရွတ်ကာ ဇွန်းကိုကိုင်လို့ခေါင်းကိုထုဟန်ပြုပြီး နောက်ကနေလိုက်ခဲ့၏။ တစ်ခါတလေကျတော့လည်းတွေးမိပါသည်။ ဒီလောက်ချေမိုးပြီးဘဝင်ရူးသွေးနားထင်ရောက်နေတဲ့ကောင်ကို ဘာကြည့်ပြီးများ ယခုချိန်ထိတန်းတန်းစွဲကြိုက်နေမိသလဲလို့ပေါ့...။
YOU ARE READING
CRUSH : Sunset With You
Fanfictionအစကတည်းကရှုံးပြီးသားလူပဲ ဒီထက်ရှုံးစရာလည်း ဘာမှမရှိတော့တာမို့ အချိန်တန်ရင် မင်းရွေးမယ့်သူကငါမဟုတ်မှန်းလည်းသိတာမို့ ဒီအချိန်ခနလေးမှာ ဘယ်လိုအခြေအနေနဲ့ပဲဖြစ်ဖြစ် မင်းအနားကပ်တွယ်နေချင်ခဲ့တယ်။ [Kim Tae Hyung] 3.Dec.2022
