قصة : ( توأم من الظلام ) ل سهيلة سعيد المنجي

الحلقة ١٣ و ١٤

قصة : { #توأم_من_الظلام 👥 } { ⚔ Twins of Darkness ⚔ } ❌

الحلقة الثالثة عشر { ١٣ } ☠

( تشاورله ب اة )
اسر : هو اكيد عمل زينا وبقا ف المدرسة ، ف لازم نتوقع منه اي حاجة ، ونتوقع إننا نشوفه كتير
سارة : طب نهرب 😟
اسر : مش هنفضل دايماً هربانين ي سارة ، لازم نواجه 😐
( يعدي الوقت ويخلص اليوم الدراسي ، قدام المدرسة واقف رامي مع بنت )
رامي : طب اديني الرقم بقا عشان ابقا اطمن بنفسي
البنت : ههههه اوك 🤭
( تلمحه چنى من بعيد وهو واقف بيهزر مع البنت وبياخد رقمها ، تتغاظ وتقرب عليه )
جنى : رامي !
( يتخض ويبصلها )
رامي ب ارتباك : ااا طب اشوفك بكرة بقا باي 😬
البنت : اوك باي !
( تمشي البنت )
جنى : انت بتعمل ايه ؟!
رامي : چوچو عاملة ايه ي قلبي ؟
جنى ب انفعال : رد علياااا كنت بتعمل ايه مع البنت دي ؟!
رامي : وطي صوتك بس في ايه ؟!
جنى : في إني شوفتك وانت بتاخد رقمها 😐
رامي : ايوة ايه المشكلة ؟
جنى ب استغراب : نعم يعني واقف بتاخد رقم بنت عادي كدة ، دة ايه البرود الي انت فيه دة !!
رامي : تؤ تؤ تؤ ، اهدي كدة ومتطوليش لسانك ☝️
جنى : والله ؟!
رامي : ايوة انا اعمل الي انا عاوزه ، ومحدش يقدر يحاسبني ع دة
جنى وعيونها بتدمع : طب وانا 😟
رامي وهو بيحط ايده ع خدها : انتي الي ف القلب ي روحي 👋
جنى وهي بتزق ايده ب عنف : اوعا كدة ، كان عندها حق هبة اما قالت إنك حيوان وبتاع بنات 😡
( تمشي چنى )
رامي ب غيظ : هبة ، ماشي 😐
( تاني يوم ، ف المدرسة ، اسر وهبة قاعدين ف المسرح ، ع كراسي الجمهور )
هبة : استنى انا صوتي حلو والله هغنيلك غنوة حلوة 😃
اسر ب ابتسامة : اوك 🙂
هبة : ع بالي انا وانت ف حتة بعييييد ، مفيش ف خيالي غير صورتك ولمسة اييييد ، واديني جيت اهو لوحدي ، ي ارض اتهدي ميييين ادي ، بدعي الليلة ما تعدي ووقتي يذييييييذ 🥰
( باصصلها اسر ب حب )
هبة : امانة عليك ي واخد عقلي مني بقوووول ، ل تفضل جنبي متسبنيش كدة ع طوووول ، وجودك ج ..........
( وفجأة ، عزف بيانو ع المسرح ، يبصوا يلاقوا ماليك قاعد بيعزف *لا كامبانيلا* ل فرانز ليست ب كل احترافية ، يبصله اسر ب حرص ، يوقف ماليك ، تسقفله هبة ب حماس ، يبصلها اسر ، يقوم ماليك يقف ويأدي التحية ل هبة وينزل من ع المسرح ويقرب عليهم ، يشد اسر هبة من ايدها ويوقفها وراه ، تستغرب )
ماليك ل هبة : صوتك حلو اوي ي هبة 🙂
هبة : ميرسي وعزفك كمان حلو اوي 😃
ماليك وهو بيبص ل اسر : شكراً 🙂
( يفضله باصين لبعض وساكتين ، تبصلهم هبة ب استغراب )
هبة : ان .........
اسر : هبة م تروحي تشوفي سارة فين عشان تعبانة 😐
هبة : اة حاضر
( تمشي هبة تخرج م المسرح ، يبتسم ماليك )
ماليك : بالمناسبة ، المملكة وحشة اوي من غير سارة ، هبقا اسلم عليها
اسر ب تحذير : قرب منها بس ، وانا هجيبلك الحرب لحد عندك 😐
ماليك : لا مهي جاتلي ، ف قلت اجيبها واجيلك 🙂
اسر : خليك بعيد ي ماليك احسنلك
ماليك : وإلا ؟
( ميردش )
ماليك : وإلااااا ؟؟
( يقرب منه اسر اوي ويقرب عند ودنه )
اسر : وإلا هخليك تجرب م القوة الي انت هتموت عليها
( يبتسم ماليك )
ماليك وهو بيحط ايده ف جيبه : هو دة المطلوب ، بس لا وقته ولا مكانه للأسف 💁🏻‍♂️
( يبص حواليه ويرجع يبص ل اسر )
ماليك : عمتاً انا مش مستعجل 🤷🏻‍♂️
( يبصله اسر ب غيظ )
ماليك : هستنى 🙂
( يمشي ماليك ، يتنهد اسر ب قلق ، عند هبة ، واقفة مع سارة ، يقرب عليها رامي )
رامي : عاوزك 😐
هبة : عاوز ايه ؟!
رامي ب اصرار : عاوزك قلت
هبة ب تنهيدة : طيب ، ثواني ي سارة
سارة : اوك !
( تروح هبة تقف مع رامي ع جنب )
رامي : انتي رحتي تقولي ل چنى إني حيوان وبتاع بنات ؟!
( تتخض هبة )
هبة : مين الي قالك الكلام دة 😬
رامي ب انفعال : هي الي قالتلي الكلام دااا 🤷🏻‍♂️
هبة : اهدى طيب !!
رامي : اهدى ايه انتي مجنونة ، ايه الي خلاكي تقوليلها عليا كدة ، اطلع عليكي شغل الحيوانات بقا دلوقتي ؟
هبة : هههههه 😆
رامي ب غيظ : متستفزنيش 😐
هبة : مهو انت فعلاً بتاع بنات ي رامي انا مكدبتش ، وهي كانت بتاخد رأيي ف قلته بصراحة 🤷🏻‍♀️
رامي : مش دة الي شاغلني ، انا حيوان ي هبة ؟!
هبة : انا مقلتش حيوان ع فكرة دي اضافة من عندها 🙄
( يقرب اسر عليهم )
رامي ب عصبية : والله هي فارقة يعني ، م انتوا الأتنين ات .........
اسر ل رامي : في حاجة ؟
رامي ب ارتباك : ااا لأ 😐
اسر : ليه بتزعق لما هو لأ ؟!
هبة : دة سوء تفاهم بس ي اسر مش معايا دة مع واحدة صاحبتنا
اسر : امممم !
رامي : هبقا اتصرف انا معاها 😒
هبة : اوك
( يمشي رامي )
اسر : انتي متضايقة منه ؟
هبة : لا ي بني والله الحوار ميخصنيش انا 🤷🏻‍♀️
اسر ب استغراب : ابنك ، انا مش ابنك !!
هبة : انت حبيبي وابني واخويا وكل حاجة 😊♥️
اسر : دة بجد ؟
هبة : بجد ♥️
( يبتسم ويبصلها ب حب ، يعدي من وراه ماليك ويبصله ، يترعش جسم اسر ويبصله ب طرف عيونه وهو واقف مكانه ، يبتسم ماليك ويكمل مشي ، يتنهد اسر ب قلق ، يعدي الوقت وييجي الليل ، ف بيت يمان ، اسر قاعد جوة البُول غطسان ونايم ف ارض البُول وباصص ل فوق ومفتح عيونه ، يشوف يمان واقف ، يقوم ويطلع ع وش الماية )
يمان : عاوزك
اسر ب استغراب : اوك !!
( يمشي يمان يقعد قريب م البُول ، يطلع اسر ويقرب عليه ، يمسك فوطة من ع الكرسي ينشف بيها شعره وبعدين يحطها ع الترابيزة ويقعد قصاد يمان )
يمان : بقالك يومين مش متظبط خالص !
اسر وهو بيبص ل الأرض : اة 😒
يمان : سارة قالتلي السبب
( يبصله )
يمان : انا عارف إنك مضغوط وإنك كمان المفروض ترجع المملكة بعد عيد ميلادك عشان تبقا جاهز ل كل دة ، لكن سوء الحظ جابه لحد عندك
اسر : نفس احساسي بالضعف ، نفس احساسي إني مش هعرف احمي الي حواليا وإن سبب اذيتهم هيكون انا 😕
يمان : انا مش عاوزك تقلق خالص ع سارة مستحيل اي خطر يقرب منها ، انا حاميها كويس
اسر : عارف ، بس برضو مش قادر اطمن طول م ماليك قريب مننا اوي كدة 🤦🏻‍♂️
يمان : فاهمك
اسر : حاسس بالخوف طول الوقت ، وبحاول ابان هادي جداً قدام سارة عشان هي لو حست ب خوفي هتنهار بجد 😟
يمان : اسر انت اقوى من كدة ، متخليش ماليك يتحكم ف اعصابك ومشاعرك ، هو لاقيلك نقطتين ضعف هبة وسارة وضاغط بيهم ، لكن هو عارف ومتأكد إنه ميقدرش يأذي حد فيهم ف وجودك
( وفجأة .................. )
سارة ب صريخ : اسررررررررررر 😨
( يتخضه وف ثانية يكونوا جوة اوضتها بسرعة رهيبة ، يلاقوها واقفة جنب سريرها وهدومها كلها غرقانة دم والسرير كمان ، يجري عليها )
اسر ب خضة : فيكي ايه فيكي ايه ؟؟
سارة : مفياش حاجة 😟
اسر وهو بيفتش ف جسمها : الدم دة ، منين الدم ؟!
سارة : مش مني !!
اسر ب استغراب : اومال منين ؟!
سارة : انا كنت نايمة وجيت قلقت بتقلب لقيتني بتقلب ع الدم دة ، لكن انا كويسة 😕
( اسر ويمان يبصوا لبعض )
سارة ب خوف : انا خايفة 😟