Unicode~
ဖျားနေတဲ့လူက သည်လောက်ထိ ခွန်အားရှိနေတယ်ဆိုတာ ယုံနိုင်စရာပင်မရှိ။
သူ့ခါးကို တွယ်ဖက်ထားသော ကိုကြီးရဲ့လက်တစ်ဖက်က တင်းတင်းကျပ်ကျပ်။ သူဘယ်လိုမှ မရုန်းနိုင် မကန်နိုင်အောင်။
အဖျားကျဆေးနဲ့ အားဆေး တွဲထိုးပေးလိုက်တာတောင် မှားသွားပြီထင်ပါရဲ့။"အင်း..ဖက် ထား ပေး"
"မဖက်ထားပေးပါဘူး ဝေးဝေးနေ"
"မနေချင်ဘူး"
အသံက တိုးတိုးလေး.. နှစ်ကိုယ်ကြား ကြားရရုံလောက်လေး။ ကိုကြီးက အိပ်ပျော်နေတာတော့ မဟုတ်။ အဖျားလွန်ပြီး တစ်ရေးနိုးနေပေမဲ့ မျက်လုံးဖွင့်မရတာဖြစ်လိမ့်မည်။
"မျက်လုံးတွေ ပူနေလား"
"အင်း.."
"Boilerဖွင့်ထားပေးတယ်.. ချွေးထွက်လာရင် အဖျားကျသွားမှာ"
ပုံမှန်အတိုင်းဆို Taehyungက တစ်ရေးနိုးထပြီး ဝေယျာ၀စ္စတွေလုပ်ရတာကို လုံးလုံးလျားလျားမနှစ်သက်သူတစ်ယောက်။ ကိုကြီးနဲ့တွေ့မှ အိပ်ချင်စိတ်လေးတောင်ပျောက်သည်။
ဘယ့်နှယ်စိတ်ကောက်နေရင်းကနေ လူနာစောင့်ရော သူနာပြုပါ တစ်ပြိုင်နက်ဖြစ်သွားရတယ်လို့။"ချမ်း..တယ်"
"အင်း..နွေးသွားလိမ့်မယ်"
ကိုကြီးဘက်ကို လှည့်ပြီး ဖြေးဖြေးဖွဖွလေး ပြန်ဖက်တွယ်လိုက်သည်။ သူ့ပုံစံက စိတ်တိုနေရသူနဲ့တောင် မတူနိုင်တော့။
အရက်ဆက်တိုက်သောက်ထားတဲ့အရှိန်ကြောင့် အရက်နှာကျနေသင့်တဲ့အချိန်မှာတောင် အရက်နှာကျတဲ့ကိစ္စကြီးကို မေ့သွားသည်အထိ။"ကိုယ်တောင်းပန်ပါတယ်"
"အိပ်တော့.. စကားများမနေနဲ့"
"အိပ်မပျော်ဘူး"
"မျက်စိပိတ် ပါးစပ်ပိတ်ထား အိပ်ပျော်သွားလိမ့်မယ်"
ဖျားနေသူက အထွေးပွေ့ခံသင့်တယ်ဆိုသော်လည်း ကိုကြီးနဲ့ယှဥ်လျှင် သူ့မှာ သေးကွေးနေတော့ သူကပဲ အထွေးပွေ့ခံဖြစ်ရသည်။
ပူစပ်စပ် ဝင်လေထွက်လေက သူ့လည်ဂုတ်သားကို ရိုက်ခတ်နေပြီး သူ့ကို ဖက်တွယ်ထားတဲ့ ကိုကြီးလက်ကလည်း ပူနွေးလို့။ သည်အပူချိန်ကို ခံစားမိရုံနဲ့ပင် ကိုကြီးအဖျားမကျသေးဘူးဆိုတာ ခန့်မှန်းကြည့်လို့ရသည်။
YOU ARE READING
ᒪᑌᗷᗷ - ᗪᑌᑭ
FanfictionYour are the owner of my 'LUBB - DUP'. Recommended song - 'I don't know why' by NOTD, Astrid S Kookv JJK x KTH