قسوة الشيخ وعذابي

البارت الخامس💔

البارت الخامس

اخاف من المخده بساعه الليل
واحط راسي عليهه وتبدي الهموم
حسباتي ثكيله وتهدم الحيل
وبعد ياعين عندي تطاوع النوم
بجفوني دمع ماقبل يسيل
ولحسبات تكعد بيه وتكوم

..................

دنك عليه وهمس اجه وكت عقابج ومنو يخلصج من ايدي وانتي صرتي مرتي يعني بختصار عليج راح ترحين سحك برجلين.... رجف كل جسمي من حجيه وشدد ع الرجلين شده قويه وهو صاك ع سوننه بعدت عنه شويه دخل عمي بتسمت بوجها مجامله بس انه الخوف ماليني من راسي لرجلي

الشيخ رافد..... ماوصيك بويه ع بت عمك

فيصل...... لا بويه وسفه خليها بنص كلبي

يحجي ويه عمي ويباوعلي ويبتسم بستسامه شريرة طلع عمي وانه طفرت اريد اطلع اريد اجر نفس احس نفسي مخنوكه من وجودي وياه بنفس المكان بس خله ايده على الباب يمنعني

فيصل..... تو تو تونه بدينه انكول يا الله تردين تعوفيني وترحين ماعرفتج خوفه لهل درجه

دنكت راسي وفرك بيديه.... خلي اروح

فيصل...... قبل لا ترحين سمعي الي عندي حرف حرف اولآ اذا شفتج مكربه ع علي بيدي اموتج ثانيا تبتعدين عني نهائي ثالثا الي اريده يصير كبل ماحجي اما عن عقابج ماناسي بس طلعتلي شغله اخلصها واجي اعلمج شغل الله

شردت من كدامه وحجيه يرن بذاني رن دخلت للبيت وانه اجر نفسس كوه عليه

نوران..... هااي شبيج شنو سوالج

دلع..... عقد عليه

فاطمه ونوران...... بصدمه تحجين صدددك

دلع...... اي والله وحتى غصبني عليه..... هنا ماحجن شي وحده تباوع لثانيه صعدت للغرفه ارتاح وتمددت ع الجربايه الي صرنه متقاسمينها انه ونوران غمضت عيوني ونزلت دموعي ليش ماعندي حظ بشي لا بام مثل العالم لا خوان لا عمام ولا خوال وهسه حتى زوجي مابي خير منو الي بي خير الي درت وجهي ع الحايط هو هذا حالي حايط ومحطوط لا الي راي لا احد يسمع رغباتي بحياة مجرد بنيه مدري ليش عايشه والمن حتى..... مرة ساعه وانه بس افكر وماعرف انام كمت رحت فتحت كنتور نوران اريد ابدل ملابسي اخذت بدله جوزيه حلوه ورحت سبحت ولبستها وشمرت الشال ونزلت جوه

نوران...... هلا بعروس

دلع.... بتسمت هلا بيج.... انتبهت عليه نوران وكالت

نوران.... هاااي مو بدلتي

دلع..... اي انتي مو كلتيلي عادي البس منج.... مهسيت غير هيه وفاطمه فوكاي ويجرن بيهاا عووفني والله انزعهااا ميلن عنييي تجين الضريات مدري منين احس بطني صارت توجعني حيل

فاطمه..... انتتي لازم تمووتين اخذتي شيي مو الج

نوران..... بنت ال..... جاي تلبس من ملابسي وتتمضيك هم