❤️ كنــــــــــــيتي مصـــــــــــيبة♥ (الدراجة المغربية) - تيما مبارك

✳ الجزء 12 ✳ ❤️ كنــــــــــــيتي مصـــــــــــيبة♥ 🌸ادمينات وردات الملوك

✳ الجزء 12 ✳

   ❤️ كنــــــــــــيتي مصـــــــــــيبة♥

🌸ادمينات وردات الملوك🌸

🔥 ممنوع من النشر منعا باتا 🔥

فاطمة الزهرة خرجات تنهيدة القلب و بدأت تعاود وليهم و هي متحصرة تقول مات ليها شي واحد

فاطمة الزهرة:اوا انا فاطمة الزهراء البغلة ولدات، جدي الله اجعل مثواه مثوى البغلة العاقمة ميولد ميطرح
اوا السلطان قرر وزمم فكتاب الحكم، ادير كنية لرعيتوا،وصيفط القائد لهاد الوجيبة
عيا وضار وجا لباب الدار دسيدي عبد السلام لي هو جدي ياكو

البنات:ايييه

فاطمة الزهرة:داك النهار جدي كيتسنا البغلا تولد.

عمران:علاه البغلة كتولد

فاطمة الزهرة:باش تشوف اسي طبيب عقل زمان، البغل متولد متضرار ، ماعاد الا كان باها ماشي حمار
اوا سيهم، الفسيان عيا وضار وجا لباب دار سي عبد السلام لي مزبلها اليوم وخايف كيتسنى اشوف اش ولدات ليه بهيمتوا ،واش ذكر ولا نثوى

نجوى:علاش

فاطمة الزهرة:الا ولدت ذكر اديه لسيدو عْمَرْ
ولا ولدات نثوى اديها لموسم سيدي سماعيل لقبيلة لالة ضاوية اديرها حجة وزيارة
جا القائد ودق باب الدار وخرج جدي افرفر من الخلعة مخلا حتى قنت مفييبرا

ناضت من بلاصتها و بدأت تقلد ليهم الاصوات  واحد بواحد

القائد : اهلا سي عبد السلام اليوم جينا نزمموا بالقلم نسب ليك ، حيت ما كتعرف كثاروا السميات ومعرفنا من حمد من محمد اوا جينا ،نديروا ليك نسب ليك ولحفادك الماجيين
عبد السلام : ابيه ابيه مرحبا
القائد : وملي نزمموا يلاه تكلم لسلطان، منها تزور المقام لي متغيب عليه شهر مكايدك كثاروا واليومة تحطتي فالمصيدة
عبد السلام : لواه لواه
القائد : اوا يربي باركة من تهشكير قول نسبك نسبوه ليك
عبد السلام : بلاتي نفكر
القائد : ممساليش ليك ، قول ولا نهضؤ انا ( جبد ݣبضة )
عبد السلام : هيييي ( طلق البارود )
خرجات عيشة : اهلا سي القائد
القائد : جيتي بمدافعك الآلة عيشة
عيشة : هاداك غا سلام خاف من الحبس , وطلق المدافع
القائد : ااااهياا لمولاي عندك المدافع فالدار وغادي تدير حرب والله لكانت ليك دروك الخبار توصل مولاي السلطان
عيشة : ولا ،ههه بلاتي نشرح ليه ، زعما القنبول ، حيت كلا الپيصار
القائد : نااااري والقنبول قصف جوي ارضي
شدوا سلام وداوه وهو اعوت واحلف فعيشة
عيشة : وسلام البغلة ولدات
عبد السلام : ولدات، والبغلة ولدات والبغلة ولدات

رجعات صوتها و البنات كي موتو بالضحك: اوا من تما وكناو على جدي البغلة ولدات هذه هي قصتي

عمران:تاترت صرحة
(شاف في سمية):البيصيرة
سمية(قلبات عينيها):اوا اش نقول ليك منين نبدا
عمران:الكورة عندك