غدر الاصدقاء

عودة الى الماضى (١٤ )

اللهم صلى وسلم على سيدنا ومولانا محمد وعلى اله وصحبه اجمعين
*************************
قيل لاحد الحكماء
بما ينتقم الانسان من عدوه
قال باصلاح نفسه
*************************

لا تنسوا التصويت تقديرا لتعب الكاتب

عبد الستار بعد ما كلم نجية

اتعصب جدا وفضل يدور
على مديحة

شوية ولقيها فى اوضة محمود وماسكة
صورة من الصور بتاعته

مسكها من ايدها وشدها وراه وطلع
على اوضتهم فوق ودخل وقفل الباب
مديحة مش فاهمة حاجة
او فاهمة وبتدعى يكون اللى
بتفكر فيه غلط وميكونش عرف
انها كانت بتكدب عليه الصبح

اول ما قفل الباب وقف قدامها
وقالها

انتى من شوية كنت بتكلمى مين

ردت عليه واتاكدت انه عرف
فحاولت تتوهوا فى الكلام

اااا اه كلمت البنات بس امهم مش
كانت فاضية تتكلم

قعد وربع ايده والزعل بان عليه
وقال

وبقيتى بتكدبى عليا كمان يا مديحة

ليه يا اخويا بتقول اكديه

سالته مديحة وعملت نفسها مش
عارفة

هو قرب منها وقالها

بقى انت تتصلى بنجية
وتشكيلها منى !!!

بصتلوا بعدم فهم للقالوا
لانها متصلتش بنجية خالص

كانت رايحة تتكلم
بس قاطعها هو وقال

مش النهاردة اتصلتى بنجية
وقولتليها انى
السبب فى ان محمود ساب
البيت ومشى

وغير كدة قولتى انى مش
بقيت بحبك لو مش بحبك
انتى امال بحب مين
وانت اكتر واحدة عارفة
قيمتك فى قلبى كد ايه

مديحة عينيها دمعت
مسحتهم وردت عليه

ياااه لساتك فاكر الكلمة دى

ههه بحبك الا من سنين مقولتهاش
ولو بالغلط

رد عليها عبد الستار

المفروض انك تكونى عارفاها
لانى قولتهالك كتير وانت
فى مدرسة التجارة
بس مش هقعد طول العمر
اقولك فى كلام عشق وغرام
ولو انا مش بحبك مكنتش وقفت
قدام ابويا من سنين علشان
يوافق انى اتجوزك مع ان كان
فى مشاكل كبيرة بين عليتى وعيلتك