السلام عليكم اخواتى واحبتى ❤️ موعدنا مع قصتنا اليوميه بعد الصبر....جبر 🌹
ويلا. نصل ع الرسول 🌹 وندخل ع قصتنا
ع طوووول ❤️
فاللهم تقواك وجنتك ورضاك 🤲
#جيهان_سلامه_البارودي
#محبه_الرحمن
#بعد_الصبر_جبر
الحلقه( 14)🌹
فى طريقهم لبيت جميله.....الكل ساكت وبيفكر
جمعه بيسوق ....وبيكلم نفسه
أنا قولت إن أحمد بيه إبن حلال ومش بيحب
يكسر بخاطر حد..... أكيد رايح ياخد بخاطر البت الغلبانه دى.....ربنا يجبر بخاطره .... إبن حلال بصحيح 😁
منى قاعده سرحانه وبتكلم نفسها......معقول تكون جميله هى اللى سرقت.....طب إزاى قدرت تخدعنى بطبيتها و أخلاقها ...... لاء.... أنا مش قادره أصدق أو أستوعب إنها تسرق.... أكيد فى حاجه غلط 😔
أحمد قاعد جنب منى سرحان وبيكلم نفسه
بقى حتة بت زى دى تعرف تخدعك يا حضرة المحامى المحترم.......ده لو حد عرف بالموضوع
ده هتبقى فضيحه.......وقال إيه...الست منى هانم كانت عاوزانى أشغلها عندى فى المكتب😏
دى كانت تبيعنى مع أول رشوه تجيلها
ماشى يا ست جميله
إن ما حبستك وبهدلتك ..مبقاش أنا احمد المنشاوى🤨
وصلوا أخيرا لبيت جميله.....جمعه وقف بالعربيه
أحمد: إيه.........وقفت ليه
جمعه: ما هو ده بيت جميله يا أحمد بيه
أحمد بص على البيت بقرف....... 😠
بقا هو ده البيت ... شايفه يا ست هانم اللى
كنتى مقعدها وسطينا فى الفيلا عايشه فى
حته بيئه و تقرف زيها إزاى😠
جمعه إتضايق من كلام أحمد وإستغرب وكلم نفسه
إيه ده.....هو فى إيه بالظبط....واحمد بيه ماله بيتكلم كده 🤔
منى بنرفزه: على فكره بقا ..معظم الناس المحترمه طلعوا من أماكن زى دى.... وأسوء من كده كمان
ولا إنت ناسى أصلنا.....تحب أفكرك إحنا منين🤨
أحمد بغيظ 😡: لاء شكرا........ وإتفضلى يلا
قدامى خلينا نخلص ونمشى من المكان المؤرف ده
منى: قدامك على فين...... أنا بس اللى هطلع
وإنت تفضل هنا😠
أحمد: لاء والله.....بقا عاوزه تطلعى لوحدك علشان تاخدى العقد منها وكأنها مسرقتش حاجه
وترجعى على الڤيلا تحطيه فى أى مكان فى كأنه كان ضايع و مفيش حاجه إتسرقت....مش كداا😠
بس ده فيلم قديم أوى يا منى
لكن لاااااااا....ده بوعدك .... أنا هطلع وقبلك كمان
ولازم أفضحها الحراميه دى قدام أهلها 😠
منى بزعل: لدرجتى مبقاش عندك ثقه فيا يا احمد 😔
أحمد: بصى .... أنا دلوقتى بكلمك بصفتى محامى
وإنسى موضوع أخوكى ده خالص وحطيه على جنب لحد ما العقد يرجع 😠مفهوم
YOU ARE READING
بعد الصبر..جبر
Mystery / Thrillerفى حياة كل حد فين حكايه.....فيها الفرح والحزن والظلم والتعب😔 بس فى النهايه اكيد ربنا بيراضينا بجبر الخاطر😊 وقصتى المرداى بتتكلم عن ااااااا طب ما تيجو ندخل نقرا ونشوف بتتكلم عن ايه المرادى🤔
